കേരളത്തെ നടുക്കിയ നെടുമ്പാശേരി മിനികൂപ്പർ ദുരന്തത്തിൽ ഒടുവിൽ ഹിന്ദു ഐക്യവേദി നേതാവ് കെ.പി. ശശികലയുടെ ക്രൂരമായ വർഗ്ഗീയ കളി പുറത്തേക്ക്! മകൾ നഷ്ടപ്പെട്ട് കണ്ണീരൊഴുക്കുന്ന ഒരു കുടുംബത്തെ സോഷ്യൽ മീഡിയയിലൂടെ പരസ്യമായി അധിക്ഷേപിച്ചിരിക്കുകയാണ് ശശികല! മരണപ്പെട്ട ഗോപികയുടെ അച്ഛനെ വെല്ലുവിളിച്ചുകൊണ്ട് "തന്തമാർക്കും കുടുംബത്തിനും ഇല്ലാത്ത എന്ത് വേവലാതിയാണ് എനിക്ക്" എന്ന ക്രൂരമായ ചോദ്യമാണ് ശശികല ഫേസ്ബുക്കിൽ ഉയർത്തിയത്. അപകടത്തിൽ മരിച്ച പെൺകുട്ടിയുടെ നൈറ്റ് ലൈഫിനെ പരിഹസിച്ചുകൊണ്ട്, "മക്കളെ പാതിരാത്രിക്ക് ചായ കുടിക്കാൻ വിടണം, നമുക്ക് രാത്രി പകലാക്കാം" എന്ന് എഴുതാൻ ഈ നേതാവിന് എങ്ങനെ കഴിഞ്ഞു എന്നാണ് ജനങ്ങൾ ചോദിക്കുന്നത്.

അത്രയും വലിയൊരു ദുരന്തത്തിലും ബോധപൂർവ്വം "ഹിന്ദു-മുസ്ലിം" വിഷയം വലിച്ചിഴച്ച് കേസിന്റെ ഗതി തിരിച്ചുവിടാനാണ് ശശികലയുടെ ശ്രമം. പണത്തിന്റെ ഹുങ്കിൽ മൂന്ന് ജീവനുകൾ റോഡിൽ പൊലിയിച്ച പ്രതികളെ സഹായിക്കാനാണോ ശശികല ഈ വിഷപ്രയോഗം നടത്തുന്നതെന്ന ചോദ്യം സോഷ്യൽ മീഡിയയിൽ കത്തുകയാണ്!

ഫേസ്ബുക്ക് കുറിപ്പിന്റെ പൂർണരൂപം
പത്രസമ്മേളനം കണ്ടുവിഷകല' എന്ന പ്രയോഗം അത് കലക്കി!മക്കൾ നഷ്ടപ്പെട്ട രക്ഷിതാക്കളുടെ വേവലാതിയിലും അത് മറന്നില്ലല്ലോ!?Thanks!ശരിഎല്ലാ പെണ്മക്കളുടെ രക്ഷിതാക്കളോടും ഞാൻ മാപ്പു പറയുന്നുഎന്തിനെന്നോനമ്മൾ പൊതുവായി ചില കാര്യങ്ങളിൽ ചർച്ച നടത്തണം എന്ന് പറഞ്ഞതിന്?അതുകൊണ്ട് കഴിയുമെങ്കിൽ മക്കളെ പാതിരാക്ക് ചായ കുടിക്കാൻ വിടണം?നമുക്ക് രാത്രി പകലാക്കാം!നൈറ്റ് വാക്കുകൾ സജീവമാക്കാംനൈറ്റ് ലൈഫുകളും സജീവമാകട്ടെ??!തന്തമാർക്കും കുടുംബത്തിനും ഇല്ലാത്ത എന്ത് വേവലാതിയാണ് എനിക്ക്???സർവ്വമംഗളാനീ ഭവന്തുആത്മ ഗതംഅല്ല ആ ചങ്ങായി പറഞ്ഞ ഹിന്ദു മുസ്ലിം എവിടുന്നാണ് കിട്ടിയത്അത് വെച്ചാൽ അല്ലേ ഒരു ഗുമ്മുണ്ടാവുള്ളൂ അല്ലേ?

ഇന്നുരാവിലെയാണ് മാദ്ധ്യമങ്ങൾക്കുമുന്നിൽ ഗോപികയുടെ കുടുംബം ആരോപണം ഉന്നയിച്ചത്. 'ഗുരുതര കുറ്റം ചെയ്തിട്ടും പ്രതിയെ ജുവനൈൽ ഹോമിലേക്കയച്ചത് കേസ് അട്ടിമറിക്കാനാണെന്നാണ് കരുതുന്നത്. നീതി ലഭിക്കുമോയെന്ന് സംശയമുണ്ട്. പൊലീസിന്റെ ഭാഗത്തുനിന്ന് പലതരത്തിലുള്ള വീഴ്‌ചകളുണ്ടാകുന്നു. മുകളിൽ നിന്ന് അവർക്ക് സമ്മർദ്ദമുണ്ടെന്ന് പറയുന്നു. ആഭ്യന്തര മന്ത്രിയുടെ മണ്ഡലത്തിലുള്ളയാളാണ് പ്രതി. രണ്ട് മന്ത്രിമാരുള്ള സ്ഥലമാണ്. ഏതെങ്കിലും തരത്തിൽ സ്വാധീനമുപയോഗിക്കുമെന്ന സംശയമുണ്ട്.സോഷ്യൽ മീഡിയയിലൂടെ മകളെയും കുടുംബത്തെ മുഴുവനെയും വളരെ മോശം രീതിയിൽ അധിക്ഷേപിക്കുന്നു. ഹിന്ദു ഐക്യവേദി നേതാവ് ശശികല ഉൾപ്പെടെയുള്ളവർ അധിക്ഷേപിക്കുന്നു. കെഎംഎം കോളേജിന്റെ വൈസ് ചെയർപേഴ്‌സണായിരുന്നു മകൾ. അഞ്ച് വർഷത്തിലേറെ എൻഎസ്‌എസ് വോളന്റിയറായിരുന്നു. ഞങ്ങളെ താറടിക്കുകയെന്ന ഉദ്ദേശത്തോടെയാണ് ഇത് ചെയ്യുന്നത്. പ്രതികളുടെതന്നെ ആളുകളായിരിക്കാം ഇതിന് പിന്നിലെന്ന് സംശയമുണ്ട്.'- എന്നാണ് ഗോപികയുടെ പിതാവ് പറഞ്ഞത്.