കേരളത്തിലല്ല! പ്രവാസികളാണ് മുന്നിൽ; ബെവ്-ക്യൂ ആശങ്കയിൽ തപ്പിയത് യുഎഇയും ഒമാനും മുന്നിൽ, ആപ് സേർച്ച് ചെയ്യുന്നവരിൽ മിക്കവരും വിദേശത്തു നിന്നുള്ള മലയാളികൾ, സംഭവം ഇതാണ്
ഇപ്പൊ വരും ഇപ്പൊ വരും എന്ന തരത്തിലാണ് കേരളത്തിലെ മദ്യപാനികൾ സംസ്ഥാന സർക്കാർ അവതരിപ്പിച്ച ബെവ് ക്യൂ ആപ്പിനായി കാത്തിരിക്കുന്നത്. എന്നാൽ മദ്യത്തിനു ടോക്കണിനായുള്ള ആപ് –ബെവ് ക്യു എന്നു അവതരിപ്പിച്ചേക്കുമെന്നതില് അനിശ്ചിതത്വം തുടരുകയാണ്. പ്ലേ സ്റ്റോറില് അപ്്ലോഡ് ചെയ്യുന്നുണ്ടോ ഇല്ലയോ എന്ന് കണ്ണുംനട്ട് കാത്തിരിക്കുകയാണ് ഉപഭോക്താക്കൾ. കഴിഞ്ഞ ഒരു മാസമായി ബെവ് ക്യൂ ആപ് തേടി ലക്ഷക്കണക്കിന് പേരാണ് ഗൂഗിൾ സെർച്ചിനെയും പ്ലേ സ്റ്റോറിനെയും സമീപിച്ചിരിക്കുന്നത് എന്ന രേഖയാണ് ഇപ്പോൾ പുറത്തേക്ക് വരുന്നത്. ആപ് സേർച്ച് ചെയ്യുന്നവരിൽ മിക്കവരും വിദേശത്തു നിന്നുള്ളവരാണെന്നത് മറ്റൊരു വസ്തുതയാണ് ഇതിലൂടെ തെളിയുന്നത്.
അതായത് ഗൂഗിൾ സേർച്ചിങ് ഡേറ്റ പ്രകാരം ബെവ് ക്യു ആപ് സേർച്ച് ചെയ്യുന്നതിൽ മുൻനിരയിൽ പ്രവാസികളാണ് നിൽക്കുന്നത്. ഒമാൻ, യുഎഇ, ബഹ്റൈൻ, ഡെൻമാർക്ക് എന്നിവിടങ്ങളിൽ നിന്നുള്ളവരാണ് ബെവ്കോ, ബെവ് ക്യു എന്നീ വാക്കുകൾ കൂടുതലായി സേർച്ച് ചെയ്യുന്നത് എന്നാണ് ഡാറ്റ തെളിയിക്കുന്നത്. ആപ് പുറത്തിറങ്ങിയാൽ ഏറ്റവും കൂടുതൽ ഇൻസ്റ്റാൾ ചെയ്ത് പരീക്ഷിക്കുന്നവരിൽ പ്രവാസികളുമുണ്ടാകുമെന്ന് ചുരുക്കം പറയാവുന്നതാണ്. അതോടൊപ്പം തന്നെ വിദേശത്തു നിന്നുള്ളവരുടെ ഇൻസ്റ്റാളേഷൻ ഒഴിവാക്കാൻ വേണ്ട സംവിധാനം ആപ്പിലുണ്ടാകുമോ എന്നറിയില്ല. ഇല്ലെങ്കിലും ചെറിയ വെല്ലുവിളി നേരിട്ടേക്കുമെന്നും വിദഗ്ധർ വ്യക്തമാക്കുകയാണ്.
മെയ് 19 മുതലാണ് ബെവ്കോ തിരച്ചിൽ വ്യാപകമായത്. ഇതേതുടർന്ന് പുതിയ ആപ്പിന്റെ വിവരങ്ങളും ആപ്പിന്റെ ലിങ്കും തേടിയാണ് മിക്കവരും ഗൂഗിളിനെ സമീപിക്കുന്നത് എന്നാണ് ഡാറ്റ തെളിയിക്കുന്നത്. ഇത് ആദ്യമായിരിക്കും ഒരു ആപ്ലിക്കേഷൻ വരുന്നതും പ്രതീക്ഷിച്ച് ഇത്രയും മലയാളികൾ കാത്തിരിക്കുന്നത് എന്നാണ് ഇതിലൂടെ കാണുവാൻ സാധിക്കുന്നത്. ബെവ്കോ കേരള ആപ്, ബെവ്കോ ഓൺലൈൻ ആപ്, ബെവ്കോ ഇ റീട്ടെയിൽ, ബെവ്കോ ആപ്, ബെവ്ക്യു ആപ്, ബെവ്ക്യു ആപ് ഡൗൺലോഡ് എന്നിവയാണ് പ്രധാന സേർച്ചിങ് വാക്കുകള് എന്നും വ്യക്തമാക്കുന്നുണ്ട്. ലഭ്യമായാൽ ഉടൻ തന്നെ പ്ലേ സ്റ്റോറില് നിന്നു സൗജന്യമായി ആപ് ഡൗണ്ലോഡ് ചെയ്യാവുന്നതാണ്.
https://www.facebook.com/Malayalivartha