ഗള്ഫില് മലയാളി നഴ്സും അധ്യാപകനും മരിച്ചു
രണ്ടു മലയാളികള് കൂടി കോവിഡ് ബാധിച്ച് ഗള്ഫില് മരിച്ചു. കുവൈത്തിലും യുഎഇയിലുമായി ഒരു നഴ്സും അധ്യാപകനുമാണ് മരിച്ചത്.
സ്വകാര്യ ക്ലിനിക്കില് ഹെഡ് നഴ്സ് ആയിരുന്ന പത്തനംതിട്ട പുതുക്കുളം മലയാളപ്പുഴ പുതുക്കുളത്ത് വീട്ടില് അന്നമ്മ ചാക്കോ (ഡെയ്സി-59) ആണ് കുവൈത്തില് മരിച്ചത്.
അന്നമ്മ മുബാറക് ആശുപത്രിയില് കോവിഡ് ചികിത്സയിലായിരുന്നു. ഭര്ത്താവ്: പരേതനായ തോമസ് ചാക്കോ. മക്കള്: ജെയ്സണ്, സാറ, മരുമകന്: ടെല്സണ്.
സണ്റൈസ് ഇംഗ്ലീഷ് പ്രൈവറ്റ് സ്കൂള് സീനിയര് ഹിന്ദി അധ്യാപകന് കണ്ണൂര് മട്ടന്നൂര് സ്വദേശി അനില്കുമാര് വറക്കത്ത്(50) ആണ് അബുദാബിയില് കോവിഡ് ബാധിച്ച് മരിച്ചത്.
കോവിഡ് ബാധിതനായി ഈ മാസം 7-ന് ആശുപത്രിയില് പ്രവേശിപ്പിച്ച അനില്കുമാറിന് ശ്വാസ തടസ്സമനുഭവപ്പെട്ടതിനെ തുടര്ന്ന് ഞായറാഴ്ച രാവിലെയായിരുന്നു മരണം.
സണ്റൈസ് സ്കൂളില് തന്നെ ഗണിത അധ്യാപികയായ രജനിയാണ് ഭാര്യ. രണ്ടു മക്കളുണ്ട്.
https://www.facebook.com/Malayalivartha