അഞ്ചലില്‍ യുവതി പാമ്പ് കടിയേറ്റ് മരിച്ച സംഭവത്തിൽ പ്രതികരണവുമായി പ്രതിയുടെ മാതാവ് രേണുക. മകനെ മർദ്ദിച്ച് കുറ്റം സമ്മതിപ്പിച്ചതാണെന്ന് സൂരജിന്റെ അമ്മ പറഞ്ഞു. സൂരജിനെതിയുള്ള കേസ് കെട്ടിച്ചമച്ചതാണെന്നാണ് സൂരജിന്‍റെ മാതാപിതാക്കൾ ഉയർത്തുന്ന ആരോപണം. സൂരജിനെതിരെയുള്ളത് കള്ളകേസാണെന്നും മകനെ മര്‍ദ്ദിച്ച് കുറ്റംസമ്മതിപ്പിച്ചതായിരിക്കുമെന്നും സൂരജിന്‍റെ അമ്മ രേണുക പറഞ്ഞു. മാത്രമല്ല ഉത്രയുടെ പിതാവിനെതിരെയും സൂരജിന്റെ അമ്മ ആരോപണമുയർത്തി. സൂരജിനെ കേസിൽ കുടുക്കുമെന്ന് ഉത്രയുടെ അച്ഛൻ നേരത്തെ പറഞ്ഞിരുന്നുവെന്നും രേണുക ആരോപിക്കുകയുണ്ടായി. ഇത്തരത്തിൽ ഉള്ള പ്രതികരണങ്ങളാണ് സൂരജിന്റെ അമ്മ നടത്തിയിരിക്കുന്നത്.

കുട്ടിയെ നിയമപരമായാണ് കിട്ടിയതെന്നും കുഞ്ഞിനെ നോക്കിയത് തങ്ങൾ ആണെന്നും സൂരജിന്‍റെ അമ്മ പറയുകയുണ്ടായി .മാത്രമല്ല കോടതി പറയുന്നത് പോലെ ചെയ്യാൻ തയ്യാറാണെന്നും അവർ പറഞ്ഞു.  ചെറു മകനെ വിട്ട് കിട്ടണമെന്ന് ആവശ്യപ്പെട്ട് കോടതിയെ സമീപിക്കാന്‍ ഒരുങ്ങുകയാണ് ഉത്രയുടെ മാതാപിതാക്കൾ . ഉത്രയുടെ പിതാവിന് സ്വാധീനം ഉണ്ടെന്നും കള്ളകേസാണ് ഇതെന്നും സൂരജിന്റെ 'അമ്മ പറഞ്ഞു.