കൊല്ലം ജില്ലയിലെ അഞ്ചലിൽ ഉത്രയുടെ മരണത്തിനിടയാക്കിയ കാരണങ്ങൾ വ്യക്തമായതോടെ ഭർത്താവ് സൂരജിനെ അറസ്റ്റ് ചെയ്തിരുന്നു .ഇതിനോടൊപ്പം തന്നെ ഉത്രയെ കൊല്ലാനുള്ള കാരണം കേവലം സ്വത്തു

തട്ടിയെടുക്കാൻ മാത്രമായിരുന്നില്ല മറ്റു ദുരൂഹതകൾ കൂടി ഇതിനു പിന്നിലുണ്ട് എന്ന അന്വേഷണ

സംഘത്തിന്റെ സംശയം ശരി വയ്ക്കുന്ന തരത്തിലേക്ക് പുതിയ വഴിത്തിരിവുണ്ടായിരിക്കുകയാണ്
സൂരജ് മറ്റു പെൺകുട്ടികളുമായി ബന്ധം, പുലർത്തിയിരുന്നോ എന്നതടക്കമുള്ള നിരവധി സംശയങ്ങൾക്കു
വിരാമമിട്ടിരിക്കുകയാണ് പുതിയ കണ്ടെത്തൽ .സൂരജ് മറ്റൊരു പെൺകുട്ടിയുമായി അടുപ്പത്തിലായിരുന്നു എന്നും പണം മോഹിച്ചു മാത്രമാണ് ഉത്രയെ വിവാഹം കഴിച്ചതെന്നും ഇതിനോടകം തന്നെ വ്യക്തമായി
എന്നാൽ ഉത്രയുടെ അച്ഛന്റെ പരാതിയിൽ കുടുബങ്ങങ്ങളെ മുഴുവൻ കേസിനാസ്പദമായി ചോദ്യം ചെയ്യാൻ
സാധ്യത ഉണ്ട് .ഗാർഹിക പീഡനം ഉളപ്പടെ ഉള്ള മാനസിക സമ്മർദ്ദം നിരവധി തവണ അഭിമുഖീകരിക്കേണ്ടി വന്ന കാര്യത്തെ പറ്റി ഉത്രയുടെ അച്ഛൻ തന്നെയാണ് സൂരജിന്റ ബന്ധുക്കൾക്കെതിരെ ആരോപിച്ചിരിക്കുന്നത്
അതിനാൽ തന്നെ ഇവർക്കും ഈ ആസൂത്രണത്തിൽ പങ്കുണ്ടാകാം എന്ന് തന്നെയാണ് പോലീസ് അനുമാനിക്കുന്നത് .ഉത്രയെ ജീവിതത്തിൽ നിന്നും എത്രയും പെട്ടെന്ന് ഒഴിവാക്കി തന്റെ രഹസ്യ പങ്കാളിയെ സ്വന്തമാക്കുക എന്ന അഭിലാഷം കൂടിയാണ് ഈ കൊടും ക്രൂരതയായുടെ പ്രധാന കാരണം എന്ന് തന്നെയാണ് ഇപ്പോൾ വ്യക്തമാകുന്നത് .എന്നാൽ ഇതേപ്പറ്റിയുള്ള അന്വേഷണം ആരംഭിച്ചിട്ടില്ല .

കൊലപാതകത്തിനു വേണ്ടി മൂന്നു മാസമായി സൂരജ് ആസൂത്രണം നടത്തുന്ന സാഹചര്യത്തിൽ കൂടുതൽ പേർ ഈ ആസൂത്രണത്തിൽ പരോക്ഷമായി ബന്ധിപ്പെട്ടിട്ടുണ്ടാകാം എന്ന് തന്നെയാണ് പോലീസിന്റെ നിഗമനം . ഭാര്യയെ കൊല്ലണമെന്ന ലക്ഷ്യത്തോടെയാണു സുഹൃത്തിൽനിന്നു പാമ്പിനെ വാങ്ങിയത്. മേയ് ഏഴിനു രാവിലെയാണ് ഉത്രയെ വീട്ടിലെ മുറിയിൽ മരിച്ച നിലയിൽ കണ്ടെത്തിയത്. തലേന്നു വൈകിട്ട് കുപ്പിയിലാക്കി കൊണ്ടുവന്ന പാമ്പിനെ രാത്രി ഉത്രയുടെ ദേഹത്തേക്കിടുകയായിരുന്നു. പാമ്പ് രണ്ടു തവണ ഉത്രയെ കൊത്തുന്നത് സൂരജ് സമീപത്ത് കണ്ടുനിന്നു. പിന്നീട് ഇതിനെ തിരികെ കുപ്പിയിലാക്കാൻ നോക്കിയെങ്കിലും സാധിച്ചില്ല. പാമ്പ് അലമാരയ്ക്കു താഴെ ഒളിക്കുകയും ചെയ്തു.
രാവിലെ ശുചിമുറിയിലേക്ക് സൂരജ് പോയപ്പോഴാണ് അമ്മ ഉത്രയെ വിളിച്ചുണർത്താൻ നോക്കിയത്. ഉത്ര ബോധരഹിതയായി കിടക്കുന്നതു കണ്ട് മാതാപിതാക്കളും സഹോദരനും അഞ്ചല്‍ മിഷൻ ആശുപത്രിയിലേക്കു കൊണ്ടുപോവുകയായിരുന്നു. അതിനോടകം മരണം സംഭവിച്ചിരുന്നു. മാതാപിതാക്കളുടെ പരാതിയെത്തുടർന്ന് അഞ്ചൽ പൊലീസ് സംഭവത്തിൽ അസ്വാഭാവിക മരണത്തിന് കേസെടുത്തിരുന്നു. പിന്നീട് കേസ് ക്രൈംബ്രാഞ്ചിനു കൈമാറി. തുടർന്ന് ഫൊറൻസിക് ഉദ്യോഗസ്ഥരുടെയും സൈബർ സെല്ലിന്റെയും ഉൾപ്പെടെ സഹായത്തോടെയായിരുന്നു അന്വേഷണം.
നിലവിലെ അന്വേഷണം നീതിപൂർവം തന്നെയാണ് നടക്കുന്നതെന്നും അന്വേഷണത്തിൽ തനിക്ക് പൂർണ്ണ
വിശ്വാസമുണ്ടെന്നും ഉത്രയുടെ പിതാവ് മാധ്യമപ്രവർത്തകരോട് പറഞ്ഞു