അഞ്ചു ഷാജിയുടെ മരണത്തിൽ വിശദീകരണവുമായി എം ജി വൈസ് ചാൻസലർ രംഗത്ത്. വിദ്യാർത്ഥിയുടെ മരണത്തിൽ ഹോളി ക്രോസ്സ് കോളേജിന് വീഴ്ച്ച പറ്റിയെന്നാണ് എം ജി വൈസ് ചാൻസലർ പറയുന്നത്. ഇടക്കാല റിപ്പോർട്ട് നൽകിയെന്നും അദ്ദേഹം പറഞ്ഞു. സിസിടിവി ദൃശ്യങ്ങൾ പുറത്ത് വിട്ടത് തെറ്റായി പോയി. ദൃശ്യങ്ങൾ പുറത്ത് വിടാൻ സർവാകലാശാലയുടെ അനുമതി തേടിയിരുന്നില്ല എന്നും അദ്ദേഹം വ്യക്തമാക്കി.

വിദ്യാർത്ഥിനി 32 മിനിറ്റ് അധികം പരീക്ഷ ഹോളിൽ ഇരുന്നു. എന്നാൽ ഈ കാര്യം ഒഴിവാക്കേണ്ടതായിരുന്നു. മാത്രമല്ല സർവ കല ശാല ചട്ടങ്ങൾ കോളേജ് ലംഘിച്ചുവെന്നും അദ്ദേഹം വ്യക്തമാക്കി. നടപടിയും സ്വീകരിച്ചു. പ്രിൻസിപ്പലിനെ പരീക്ഷ ചുമതലയിൽ നിന്നും മാറ്റി. ചീഫ് സൂപ്രദണ്ട് പദവിയിൽ നിന്നും മാറ്റും . ഇടക്കാല റിപ്പോർട്ട് നൽകിയിരിക്കുകയാണ്. കോപ്പിയടിച്ചെന്ന പേരിൽ അഞ്ജുവിനെ ഒരു മണിക്കൂർ ക്ലാസിലിരുത്തിയ സാഹചര്യം ഗൗരവമായി പരിശോധിക്കുമെന്ന് ബിവിഎം കോളേജിലെത്തിയ സിൻഡിക്കേറ്റ് ഉപസമിതി അറിയിച്ചിരുന്നു .