എന്‍ഐഎ കേസ് ഏറ്റെടുത്തതോടെ എല്ലാം മിന്നല്‍ വേഗത്തിലായിരുന്നു. ആദ്യം സരിത്തിനെ ചോദ്യം ചെയ്ത എന്‍ഐഎ നേരേ പോയത്നാലാം പ്രതി സന്ദീപ് നായരുടെ വീട്ടില്‍. ഉച്ചയോടെ തുടങ്ങിയ റെയ്ഡ് പുലര്‍ച്ചെ വരെ നീണ്ടു. സ്വര്‍ണം കടത്തിയെന്നു കസ്റ്റംസ് കണ്ടെത്തിയ സന്ദീപിന്റെ ബന്‍സ് കാര്‍ കസ്റ്റംസ് പിടിച്ചെടുത്തു. അതേസമയം തിരുവനന്തപുരത്തെ കസ്റ്റംസ് ഓഫിസിന്റ സുരക്ഷ സി.ആര്‍.പി.എഫ് ഏറ്റെടുത്തു.

ഇന്നലെ ഉച്ചയ്ക്ക് ഒന്നരയോടെ സന്ദീപിന്റെ വാടക വീട്ടില്‍ എത്തിയ കസ്റ്റംസ് സംഘം രാത്രി ഒരു മണി വരെ സന്ദീപിന്റെ സഹോദരനേയും, അമ്മയേയും ഒരുമിച്ചും, ഒറ്റയ്ക്കും നിരവധി തവണ ചോദ്യം ചെയ്തു.

വീടിനു പുറകിലുള്ള നദിക്കരയില്‍ നിന്നു നിരവധിട്രാവല്‍ ബാഗ്, കറുത്ത ബാഗുകള്‍, ഒരു മൈക്രോവേവ് അവന്‍ എന്നിവ കണ്ടെടുത്തു. കസ്റ്റംസ് നടത്തിയ പരിശോധന തുടങ്ങിയ ഒരു മണിക്ക് സന്ദീപിന്റെ ഫോണ്‍ കോള്‍ സഹോദരന് എത്തി. അഭിഭാഷകന്റെ ഫോണ്‍ കോള്‍ എന്നു പറഞ്ഞെങ്കിലും കസ്റ്റംസ് പരിശോധിച്ചപ്പോള്‍ ബംഗ്ലുരുവിലെ ഫോണ്‍ കോള്‍ എന്നു മനസിലാക്കി നമ്പര്‍ എന്‍.ഐ.എ യ്ക്ക് കൈമാറുകയും ചെയ്തു.

കേസില്‍ മുഖ്യപ്രതികള്‍ പിടിയിലായത് എന്‍ഐഎക്ക് നേട്ടമായി. സ്വപ്‌നയെയും കേസിലെ മുഖ്യപ്രതികളില്‍ ഒരാളായ സന്ദീപിനെയും കണ്ടെത്താന്‍ രണ്ടു രീതിയിലായിരുന്നു തെരെച്ചില്‍. സന്ദീപിന്റെ ഫോണ്‍കോളുകള്‍ കേന്ദ്രീകരിച്ച് നടത്തിയ അന്വേഷണം സന്ദീപും സ്വപ്‌നയും ഒപ്പമുണ്ട് എന്ന നിഗമനത്തില്‍ എന്‍ഐഎയെ എത്തിക്കുകയായിരുന്നു അങ്ങനെയാണ് ബെംഗലൂരുവില്‍ രണ്ടുപേരും ഉണ്ട് എന്ന് ഉറപ്പിക്കുന്നത്.

അങ്ങനെയാണ് സ്വപ്‌നയ്‌ക്കൊപ്പം സന്ദീപിനെയും പിടികൂടാനായത്. ഇതോടെ കേസിലെ പ്രധാന പ്രതികള്‍ രണ്ട് പേരാണ് അറസ്റ്റിലായത്. ഇരുവരെയും ഒപ്പം പിടികൂടാനായത് അന്വേഷണം എളുപ്പത്തിലാക്കുമെന്നാണ് കരുതുന്നത്. കേസില്‍ മുന്‍ കോണ്‍സുലേറ്റ് ജീവനക്കാരായിരുന്ന സരിത് കുമാര്‍ ഒന്നാം പ്രതിയും സ്വപ്ന സുരേഷ് രണ്ടാം പ്രതിയുമാണ്. കൊച്ചി സ്വദേശി, വിദേശത്തുള്ള ഫൈസല്‍ ഫരീദാണ് മൂന്നാം പ്രതി. സ്വപ്നയുടെ ബിനാമിയെന്ന് സംശയിക്കുന്ന സന്ദീപ് നായര്‍ കേസിലെ നാലാം പ്രതിയാണ്.

സന്ദീപിനെയും സ്വപ്നയെയും പിടികൂടാന്‍ വലിയ റാക്കറ്റ് തന്നെ പ്രവര്‍ത്തിച്ചുവെന്നാണ് എന്‍ഐഎക്ക് വ്യക്തമായത്. ഇതില്‍ ഏറെ പേരെയും അന്വേഷണ സംഘം തിരിച്ചറിഞ്ഞു. സന്ദീപിന്റെ വീട്ടില്‍ ഇപ്പോഴും പരിശോധന തുടരുന്നുണ്ട്. പ്രതികള്‍ ഈ വര്‍ഷം മാത്രം അഞ്ച് പ്രാവശ്യം സ്വര്‍ണ്ണം കടത്തിയെന്നാണ് വിവരം. സന്ദീപിന്റെ വീട്ടില്‍ ഇപ്പോഴും കസ്റ്റംസ് പരിശോധന നടത്തുന്നുണ്ട്. ഇയാളുടെ വീട്ടില്‍ നിന്ന് സ്വര്‍ണ്ണം കടത്താന്‍ ഉപയോഗിച്ചതെന്ന് കരുതുന്ന രണ്ട് ഓവനുകളും മോട്ടോറും കസ്റ്റംസ് സംഘം കണ്ടെത്തി. ഉപേക്ഷിച്ച ഡിപ്ലോമാറ്റിക് ബാഗേജുകളും കണ്ടെത്തി. രണ്ട് പ്രതികളെയും നാളെ വൈകുന്നേരത്തോടെ കൊച്ചിയിലെ കോടതിയില്‍ ഹാജരാക്കും.

അതേസമയം തിരുവനന്തപുരത്തെ കസ്റ്റംസ് ഓഫീസിന്റെ സുരക്ഷ സിആര്പിഎഫ് ഏറ്റെടുത്തു. പളളിപ്പുറം ക്യാമ്പിന് നിന്നുളള എട്ടംഗസംഘമാണ് കസ്റ്റംസ് ഓഫീസില് ഇന്നലെ രാത്രി ഒന്പ്ത് മണിയോടെ എത്തിയത്. യുഎപിഎ ചുമത്തിയത് രാജ്യസുരക്ഷയുമായി ബന്ധപ്പെട്ട കേസായതിനാലാണ് സുരക്ഷയ്ക്ക് സിആര്പിഎഫിനെ ചുമതലപ്പെടുത്തിയത്. കൊച്ചിയിലെ കസ്റ്റംസ് കമ്മീഷണറേറ്റ് ആവശ്യപ്പെട്ടതനുസരിച്ചാണ് സിആര്പിഎഫ് സുരക്ഷ ഒരുക്കാൻ എത്തിയത്.