കോവിഡ്-19 സ്ഥിരീകരിച്ച ഇടുക്കി സ്വദേശിനിയായ വീട്ടമ്മ ഹൃദയസ്തംഭനം മൂലം മരിച്ചു . എറണാകുളത്തെ സ്വകാര്യ ആശുപത്രിയില്‍ ചികിത്സയിലായിരുന്നു അന്ത്യം. രാജക്കാട് എന്‍.ആര്‍. സിറ്റി സ്വദേശിനി വത്സ(59) ആണ് ഇന്നു രാവിലെ മരിച്ചത്.

ഹൃദയ ശസ്ത്രക്രിയക്ക് മുന്നോടിയായി നടത്തിയ പരിശോധനയിൽ ഇവര്‍ക്ക് കോവിഡ് സ്ഥിരീകരിക്കുകയായിരുന്നു . തുടര്‍ന്ന് ശനിയാഴ്ച ഇവരെ ശസ്ത്രക്രിയക്ക് വിധേയയാക്കുകയും ചെയ്തു . ശേഷം വെന്റിലേറ്ററില്‍ ആയിരുന്നു.നെഞ്ചുവേദനയെ തുടര്‍ന്ന് വെള്ളിയാഴ്ച രാത്രിയാണ് വത്സയെ ആശുപത്രിയില്‍ പ്രവേശിപ്പിച്ചത്. ഇന്ന് രാവിലെയോടെയായിരുന്നു ഇവർ മരിച്ചത്.