കാറുകളില് എത്തിയ ആരോഗ്യപ്രവര്ത്തകരെ പുഷ്പവൃഷ്ടി നടത്തി! ആരോഗ്യപ്രവര്ത്തകരോടെ മാപ്പു പറഞ്ഞ് പൂന്തുറ നിവാസികള്
ആരോഗ്യപ്രവര്ത്തകരോടെ മാപ്പു പറഞ്ഞ് പൂന്തുറ നിവാസികള്. കാറുകളില് വരുന്ന ആരോഗ്യപ്രവര്ത്തകരെ പുഷ്പവൃഷ്ടി നടത്തിയാണ് പൂന്തുറ നിവാസികള് സ്വീകരിച്ചത്. കഴിഞ്ഞ ദിവസമുണ്ടായ ആക്രമങ്ങള് തെറ്റായ പ്രവണതയാണെന്ന് മനസിലാക്കിയാണ് ആരോഗ്യപ്രവര്ത്തകരോട് ക്ഷമാപണം നടത്തിയത്. വീടിനു മുകളില് നിന്നും വഴിയരികില് നിന്നുമാണ് നാട്ടുകാര് പുഷ്പവൃഷ്ടി നടത്തിയത്.
കൊവിഡ് വ്യാപനം ശക്തമായ പൂന്തുറയില് ജോലിക്കെത്തിയ ആരോഗ്യപ്രവര്ത്തകരെ തൊടാനും അവരുടെ നേരെ ചുമയ്ക്കാനും തുപ്പാനും ശ്രമമുണ്ടായത് ദേശീയതലത്തില് തന്നെ വാര്ത്തയായിരുന്നു.
കൊവിഡിനെതിരെ മാസങ്ങളായി പോരാടുന്ന ആരോഗ്യപ്രവര്ത്തകര്ക്ക് നേരെയുണ്ടായ മോശം പെരുമാറ്റം പൂന്തുറയ്ക്ക് ആകെ ചീത്തപ്പേര് ഉണ്ടാക്കുകയും ചെയ്തിരുന്നു.
ഈ സാഹചര്യത്തിലാണ് പ്രദേശത്തെ വൈദികരടക്കം മുന്കൈയ്യെടുത്ത് ആരോഗ്യപ്രവര്ത്തകര്ക്ക് സ്വീകരണമൊരുക്കിയത്. രോഗത്തെ ചെറുക്കാന് ആരോഗ്യപ്രവര്ത്തകരുടെ കൂടെയുണ്ടാകുമെന്നും ഇത്തരത്തിലുള്ള സംഭവങ്ങള് ആവര്ത്തിക്കില്ലെന്നും അവര് വ്യക്തമാക്കി.
പൂന്തുറ സെന്റ് തോമസ് സ്കൂളാണ് കോവിഡ് പ്രഥമഘട്ട ചികിത്സാകേന്ദ്രം തയ്യാറാക്കിയത്. 92 കിടക്കകളാണ് ഇവിടെ എത്തിച്ചത്. ഇന്ന് മുതല് രോഗം സ്ഥിരീകിരിക്കുന്നവരെ ഇവിടേക്കാണ് മാറ്റുക. മറ്റൊരു ചികിത്സാകേന്ദ്രവും തയ്യാറാക്കുന്നുണ്ട്.
പരിശോധനകള് ഇന്നു മുതല് പൂര്ണ്ണ തോതിലാക്കുന്നതിനാല് രോഗികളുടെ എണ്ണം വീണ്ടും ഉയരാനാണ് സാധ്യത. ഇതുവരെ നടത്തിയ 1366 ആന്റിജന് പരിശോധനകളില് 262 പേര്ക്കാണ് ഈ മേഖലയില് പോസിറ്റീവായി കണ്ടെത്തിയത്.
പൂന്തുറ സ്റ്റേഷനിലെ 30ലേറെ പൊലീസുകാരും ശംഖുമുഖം അസി. കമ്മീഷണറും അടക്കം നിരീക്ഷണത്തില് പോയതിനാല് പുതിയ സംഘത്തിനാണിപ്പോള് ക്രമസമാധാനത്തിന്റെ ചുമതല.
https://www.facebook.com/Malayalivartha