മനസ് ശാന്തമാക്കാന്‍ ധ്യാനത്തിനു സൗകര്യം ഏര്‍പ്പെടുത്തണമെന്ന് സ്വപ്ന...തത്ത പറയുംപോലെ കുറ്റങ്ങൾ ഏൽക്കുമ്പോൾ പേടിച്ചു വിറക്കുന്നത് ഉന്നതന്മാർ...അന്വേഷണം പുരോഗമിക്കുമ്പോൾ വമ്പൻ സ്രാവുകൾ വലയിൽ കുടുങ്ങിയേക്കും എന്ന് സൂചന
കൊച്ചിയിലെ എന്‍.ഐ.എ കോടതിയില്‍ ഹാജരാക്കിയ സ്വണക്കടത്തു കേസിലെ പ്രതികളായ സ്വപ്ന സുരേഷി നും സന്ദീപ് നായർക്കും ആകെ ആവശ്യം സ്വസ്ഥമായി മെഡിറ്റേഷൻ ചെയ്യാനുള്ള സൗകര്യം മാത്രമാണ് ..പാവം കള്ളക്കടത്തും സ്വർണവുമൊന്നും അവർ അറിഞ്ഞ മട്ടേ ഇല്ല.. .. പഠിച്ച കള്ളന്മാർ തന്നെ രണ്ടു പേരും.. എന്തെങ്കിലും പറയാനുണ്ടോ എന്നു ജഡ്ജി പി. കൃഷ്ണ കുമാര്‍ ചോദിപ്പോള്‍ മനസ് ശാന്തമാക്കാനായി മെഡിറ്റേഷനു സൗകര്യം വേണമെന്ന് മാത്രമാണ് ഇരുവരും അഭ്യര്‍ഥിച്ചത് ..കോടതിയിലെത്തിച്ച സ്വപ്ന സുരേഷ്‌ ഇന്നലെ ഒരിക്കല്‍പ്പോലും മാധ്യമങ്ങളുടെ ക്യാമറകള്‍ക്കു മുഖം കൊടുത്തില്ല.
യാത്രയിലുടനീളം സ്വപ്ന പര്‍ദ അണിഞ്ഞിരുന്നു ...പർദ്ദക്കുള്ളിൽ മുഖം മറച്ചാൽ മനസ്സിലെ ഭീതി പുറത്തുകാണില്ലല്ലോ? ഒപ്പം അറസ്റ്റിലായ സന്ദീപ് നായര്‍ക്കു ലവലേശം കൂസലുണ്ടായില്ല.
ആരോഗ്യപ്രശ്നങ്ങളുണ്ടോ എന്നും മരുന്നുകള്‍ കഴിക്കുന്നുണ്ടോ എന്നും കോടതി ചോദിച്ചപ്പോള്‍ ‘ഇല്ല’ എന്നായിരുന്നു മറുപടി. സ്വപ്ന ഏര്‍പ്പെടുത്തിയ അഭിഭാഷകന്‍ എത്താതിരുന്നതിനാല്‍ കേരള ലീഗല്‍ സര്‍വീസ് സൊസൈറ്റി നിയോഗിച്ച അഡ്വ. വിജയമാണു സ്വപ്നയ്ക്കായി ഹാജരായത്.
കോടതി കേസിന്റെ വിശദാംശങ്ങളിലേക്കു കടന്നില്ലെന്ന് അവര്‍ പറഞ്ഞു. നേരത്തേ സ്വപ്നയുടെ ഭര്‍ത്താവും മകളും മകനും എന്‍.ഐ.എ. ഓഫിസിലെത്തിയിരുന്നു. സ്വപ്നയ്ക്കു നിയമസഹായങ്ങള്‍ ഉറപ്പാക്കാന്‍ വേണ്ടിയായിരുന്നു വരവ്.
പ്രാഥമിക ചോദ്യംചെയ്യലില്‍ ഇരുവരും കുറ്റം സമ്മതിച്ചെന്നാണ് സൂചന. ഇത്തരത്തില്‍ എട്ടു തവണ സ്വര്‍ണം കടത്തിയെന്നും ഒന്നാം പ്രതി പി.എസ്‌. സരിത്തിന്റെ നിര്‍ദേശാനുസരണം പ്രവര്‍ത്തിക്കുക മാത്രമാണു ചെയ്‌തതെന്നും ഇരുവരും പറഞ്ഞു. യു.എ.ഇയുടെ തിരുവനന്തപുരം കോണ്‍സുലേറ്റിലെ മുന്‍ പി.ആര്‍.ഒയാണു സരിത്ത്
സ്വര്‍ണം നയതന്ത്ര പാഴ്‌സല്‍ വഴി അയയ്‌ക്കുന്നതിനു പിന്നില്‍ കോണ്‍സുലേറ്റിലെ ഉന്നതര്‍ക്കു പങ്കുണ്ടെന്ന സൂചനയാണു പ്രതികള്‍ നല്‍കിയത്‌. കോണ്‍സുലേറ്റിലെ മലയാളികളായ ഉദ്യോഗസ്‌ഥരെ എന്‍.ഐ.എ. ചോദ്യം ചെയ്യും
എട്ടയോളം പേരുകള്‍ സരിത്ത് വെളിപ്പെടുത്തിയിട്ടുണ്ട്‌. സംസ്ഥാന സര്‍ക്കാരിലെ ഉന്നതരെ ഗള്‍ഫ്‌ യാത്രകളില്‍ സ്വപ്ന അനുഗമിച്ചിരുന്നതിന്റെ വിവരങ്ങള്‍ ശേഖരിക്കുന്നു. സ്വപ്ന ഫോണില്‍ പതിവായി ബന്ധപ്പെട്ടിരുന്ന ഇരുനൂറോളം പേരുടെ വിവരങ്ങള്‍ പരിശോധിക്കുകയാണ്‌.
ഉന്നത സ്‌ഥാനങ്ങളിലിരിക്കുന്ന ചിലരെ ചോദ്യംചെയ്യണമെങ്കില്‍ സര്‍ക്കാരിന്റെ അനുമതി തേടേണ്ടിവരും.
കൊച്ചി ഡിസൈന്‍ വീക്ക്‌, ഫ്യൂച്ചര്‍ ഗ്ലോബല്‍ ഡിജിറ്റല്‍ കോണ്‍ക്ലേവ്‌ പരിപാടികളുടെ വീഡിയോ ദൃശ്യങ്ങള്‍ കസ്‌റ്റംസ്‌ സംസ്ഥാന പോലീസിനോടു രേഖാമൂലം ആവശ്യപ്പെട്ടിട്ടുണ്ട്‌.
പങ്കെടുക്കാന്‍ വന്ന ചിലരെ ഗ്രീന്‍ചാനലിലൂടെ പുറത്തെത്തിക്കാന്‍ ഇടപെട്ടതു സ്വപ്‌നയാണ്‌. സ്വപ്‌നയും സരിത്തും കൊച്ചി വിമാനത്താവളത്തില്‍ നേരിട്ടെത്തിയാണ്‌ ഇവരെ പരിപാടി നടക്കുന്ന ഹോട്ടലുകളില്‍ എത്തിച്ചത്‌.
ഏതായാലും അന്വേഷണം പുരോഗമിക്കുമ്പോൾ വലയിൽ വമ്പൻ സ്രാവുകൾ വലയിൽ കുടുങ്ങുമെന്നാണ് റിപ്പോർട്ട്
https://www.facebook.com/Malayalivartha
