ആ മുറി ബുക്ക് ചെയ്തത് സെക്രട്ടേറിയേറ്റ് ജീവനക്കാരൻ ; അവിടെ ആദ്യം എത്തിയത് സ്വപ്നയുടെ ഭര്ത്താവ് ; ശിവശങ്കറിനെ ചോദ്യം ചെയ്തപ്പോൾ പുറത്ത് വരുന്നത് ഞെട്ടിക്കുന്ന വെളിപ്പെടുത്തലുകൾ
തിരുവനന്തപുരം കള്ളക്കടത്ത് കേസിൽ ഓരോ ദിനവും പുറത്ത് വരുന്ന വിവരങ്ങൾ ഞെട്ടിക്കുന്നതാണ്. ഇപ്പോൾ പുറത്ത് വരുന്നതും അത്തരത്തിൽ ഉള്ള വിവരം തന്നെയാണ്... ഈ സംഭവത്തിൽ ഒരു സെക്രട്ടേറിയറ്റ് ജീവനക്കാരന്ന്റെ പങ്ക് ഇപ്പോൾ പുറത്ത് വരുന്നു .... കള്ളക്കടത്ത് കേസിലെ പ്രതികള്ക്ക് സെക്രട്ടേറിയറ്റിന് എതിര്വശത്തെ ഫ്ളാറ്റില് മുറി ബുക്ക് ചെയ്തത് സെക്രട്ടേറിയറ്റ് ജീവനക്കാരന്. അരുണ് എന്ന ജീവനക്കാരനാണ് മുറി ബുക്ക് ചെയ്തത്. ശിവശങ്കറിന് കീഴില് ജോലി ചെയ്യുന്ന ജീവനക്കാരനെന്നു പറഞ്ഞാണ് അരുണ് മുറി ബുക്ക് ചെയ്തത്. കള്ളക്കടത്ത് സംഘത്തിന്റെ ചര്ച്ചകളില് സ്വപ്നയുടെ ഭര്ത്താവ് ജയശങ്കറും പങ്കാളിയായി .
ഇന്നലെ എം. ശിവശങ്കറിനെ ചോദ്യം ചെയ്തതില്നിന്ന് നിര്ണായകമായ വിവരങ്ങളാണ് കസ്റ്റംസിന് ലഭിച്ചത്. കള്ളക്കടത്ത് സംഘവുമായി വളരെ അടുത്ത ബന്ധം ശിവശങ്കറിനുണ്ടായിരുന്നുവെന്നാണ് കസ്റ്റംസിന് വ്യക്തമായിരിക്കുന്നത്. ശിവശങ്കറിന് ഫ്ളാറ്റ് ഉണ്ടെന്ന് പറയുന്ന ഹെദര് ഹൈറ്റ്സില് തന്നെയാണ് കള്ളക്കടത്ത് സംഘവും താമസിച്ചിരുന്നത്.
കള്ളക്കടത്ത് സംഘങ്ങള്ക്ക് താമസിക്കാന് ഇവിടെ ആദ്യം മുറി ബുക്ക് ചെയ്തത് ഏഴാം നിലയിലാണ്. ഇവിടെ മുറി ബുക്ക് ചെയ്യുന്നതിന് ഇങ്ങോട്ടേക്ക് ആദ്യമായി ഫോണ് വിളിച്ചത് അരുണ് എന്നയാള് ആണ്. ഇയാള് സ്വയം പരിചയപ്പെടുത്തിയത് ഐ.ടി. വകുപ്പില് എം. ശിവശങ്കറിന്റെ അസോസിയേറ്റായി ജോലി ചെയ്യുന്ന ഉദ്യോഗസ്ഥന് ആണെന്നാണ്. പല തവണ അരുണ് മുറി ബുക്ക് ചെയ്തുവെന്നാണ് കസ്റ്റംസിന് ലഭിക്കുന്ന വിവരം.
അരുണ് ബുക്ക് ചെയ്ത മുറിയിലേക്ക് ആദ്യം വരുന്നത് സ്വപ്നയുടെ ഭര്ത്താവ് ജയശങ്കര് ആണ്. മേയ് ആദ്യവാരത്തിനു ശേഷം നിരവധി തവണ ജയശങ്കര് ഇവിടെ താമസിച്ചിട്ടുണ്ട്. ഹെദര് ഹൈറ്റ്സില് പല മുറികളില് പ്രതിദിന വാടകയ്ക്ക് ജയശങ്കര് പലപ്പോഴായി താമസിച്ചു. ജയശങ്കര് ഇവിടെ നല്കിയിരുന്ന തിരിച്ചറിയല് കാര്ഡും കസ്റ്റംസിന് ലഭിച്ചിട്ടുണ്ട്. ജയശങ്കറും കള്ളക്കടത്ത് സംഘങ്ങളുടെ ചര്ച്ചയില് പങ്കാളിയായിരുന്നുവെന്നാണ് ഇപ്പോള് ലഭിക്കുന്ന വിവരം.
https://www.facebook.com/Malayalivartha