ജോലിക്കു സ്‌കൂട്ടറില്‍ പോകവേ ശക്തമായ കാറ്റില്‍ മരം സ്‌കൂട്ടിറിനു മുകളിലേക്ക് വീണു കെഎസ്ഇബി ജീവനക്കാരന് ദാരുണാന്ത്യം.
തിരുവനന്തപുരം ഉഴമലയ്ക്കലാണ് സംഭവം. കെഎസ്ഇബി ജീവനക്കാരനായ മുന്‍പാല സ്വദേശി അജയന്‍ ആണ് മരിച്ചത്. 40 വയസ്സായിരുന്നു.

രാവിലെ ഓഫീസിലേക്ക് പോകുമ്പോഴായിരുന്നു അപകടം ഉണ്ടായത്. കെഎസ്ഇബി നെടുമങ്ങാട് ഓഫീസിലെ ജീവനക്കാരനാണ്. രാവിലെ ഒമ്പതു മണിയ്ക്ക് പ്രദേശത്ത് ശക്തമായ കാറ്റുവീശിയിരുന്നു. ഇതേത്തുടര്‍ന്ന് ആഞ്ഞിലി മരവും ഇലക്ട്രിക് പോസ്റ്റും റോഡിലേക്ക് മറിയുകയായിരുന്നു. മരച്ചില്ലകള്‍ക്ക് അടിയില്‍പ്പെട്ട അജയനെ നാട്ടുകാരെത്തി ശിഖരങ്ങള്‍ മുറിച്ചുമാറ്റി പുറത്തെടുത്തപ്പോഴേക്കും മരണം സംഭവിച്ചതായാണ് റിപ്പോര്‍ട്ടുകള്‍.