കോഴിക്കോട് നാദാപുരത്തെ ഒരു സ്വകാര്യ കോളജിലെ അധ്യാപകന്റെ വാട്സാപ്പ് ഹാക്കിങ് ചെയ്ത ശേഷം സംഭവിച്ചത് മറ്റൊന്ന്... അധ്യാപകന്റെ ഫോണില് നിന്ന് കോളജ് ഗ്രൂപ്പിലേക്ക് അശ്ലീല വിഡിയോ അയച്ചതോടെ സംഭവം കുഴഞ്ഞു മറിഞ്ഞു... പിന്നെ സംഭവിച്ചത്....
കോളജ് അധ്യാപകന്റെ വാട്സാപ്പ് അക്കൗണ്ട് ഹാക്ക് ചെയ്ത് വിദ്യാര്ഥികള് ഉള്പ്പെടുന്ന വാട്സാപ്പ് ഗ്രൂപ്പിലേക്ക് അശ്ലീല വിഡിയോ അയച്ചതായി പരാതി.
കോഴിക്കോട് നാദാപുരത്തെ ഒരു സ്വകാര്യ കോളജിലെ അധ്യാപകന്റെ വാട്സാപ്പാണ് ഹാക്ക് ചെയ്യപ്പെട്ടത്. ഇതുസംബന്ധിച്ച് പൊലീസിലും സൈബര് സെല്ലിലും പരാതി നല്കിയിരിക്കുകയാണ് അധ്യാപകന്. കഴിഞ്ഞ ദിവസം രാത്രി 8.30ഓടെയാണ് അധ്യാപകന്റെ വാട്സാപ്പ് അക്കൗണ്ട് ഹാക്ക് ചെയ്യപ്പെട്ടത്.
ശേഷം ഇതില് നിന്ന് പ്രിന്സിപ്പല് ഉള്പ്പെടെ അധ്യാപകരും വിദ്യാര്ഥികളും ഉള്ള കോളജ് ഗ്രൂപ്പിലേക്ക് അശ്ലീല വിഡിയോ പോസ്റ്റ് ചെയ്യുകയായിരുന്നു. വൈസ് പ്രിന്സിപ്പല് വിളിച്ച് കാര്യം പറഞ്ഞപ്പോഴാണ് താന് ഇക്കാര്യമറിഞ്ഞതെന്ന് അധ്യാപകന് പറയുന്നു. തുടര്ന്ന്, കുറ്റ്യാടി പൊലീസില് പരാതി നല്കുകയായിരുന്നു. പൊലീസ് കേസ് രജിസ്റ്റര് ചെയ്ത് അന്വേഷണം തുടങ്ങി.
സമൂഹമാധ്യമങ്ങളില് വ്യാപകമായി ഹാക്കിങ് നടക്കുന്നതിനാല് ജാഗ്രത പാലിക്കണമെന്ന് പൊലീസ് കഴിഞ്ഞ ദിവസം മുന്നറിയിപ്പ് നല്കിയിരുന്നു.
വാട്സാപ് ഉപഭോക്താക്കള് 2 ഫാക്ടര് ഓതന്റിക്കേഷനായി സെക്യൂരിറ്റി പിന് നമ്ബര് ചേര്ക്കേണ്ടതും, സ്വന്തം ഇമെയില് വിലാസം ചേര്ക്കുവാന് ശ്രദ്ധിക്കണമെന്നും പൊലീസ് മുന്നറിയിപ്പ് നല്കിയിരുന്നു.
https://www.facebook.com/Malayalivartha