കേരളത്തിലെ ക്ഷീര കർഷകർക്കും, കന്നുകാലിവളർത്തലിനും എല്ലാം 2 ലക്ഷം രൂപ വരെ ലഭിക്കുന്ന ആനുകൂല്യത്തെ പറ്റി അറിഞ്ഞു അപേക്ഷിക്കാം.

കേരളത്തിലെ വിവിധ തരം കർഷകർക്കുവേണ്ടി ആവിഷ്കരിച്ചിട്ടുള്ള കിസാൻ ക്രെഡിറ്റ് കാർഡ് അമിത നിരക്ക് ഈടാക്കുന്ന പണമിടപാട് സ്ഥാപനങ്ങളുടെ കടക്കെണിയിൽ നിന്ന് കർഷകരെ രക്ഷിക്കുക എന്ന ലക്ഷ്യത്തോടെയുള്ള പദ്ധതിയാണ്

കഴിഞ്ഞ വർഷം മുതൽ കിസാൻ ക്രെഡിറ്റ് കാർഡ് പദ്ധതിയിൽ കാർഷികമേഖലയ്ക്ക് ഒപ്പം ഷീര വികസനം, മൃഗസംരക്ഷണം, മത്സ്യകൃഷി എന്നിവ ഉൾപ്പെടുത്തിയിട്ടുണ്ട്. ഇപ്പൊൾ കേരളത്തിൽ അർഹതയുള്ള ക്ഷീരകർഷകർക്ക് എല്ലാം കിസാൻ ക്രെഡിറ്റ് കാർഡ് നൽകുവാൻ ഉള്ള പദ്ധതി ഘട്ടങ്ങളായി നടപ്പിലാക്കുന്നതിന് തീരുമാനമായിട്ടുണ്ട് .ഇതിന്റെ ആദ്യഘട്ടം ജൂൺ 31നു അവസാനിപ്പിച്ചു, രണ്ടാംഘട്ടം ഓഗസ്റ്റ് ഒന്നു മുതൽ നവംബർ 30 വരെയാണ്

ക്ഷീര വികസന വകുപ്പിനാണ് ക്ഷീരകർഷകർക്ക് കിസാൻ ക്രെഡിറ്റ് കാർഡ് നൽകുവാനുള്ള ചുമതല ഏർപ്പെടുത്തിയിരിക്കുന്നത്. ക്ഷീര സംഘങ്ങൾ മുഖേനയാണ് ഇതിനായി അപേക്ഷിക്കേണ്ടത് . സ്വന്തമായി ഭൂമി ഉള്ളവർക്കും, പശുക്കളെ വളർത്തുന്നവർക്കും എല്ലാം ഈ ക്രെഡിറ്റ് കാർഡിനായിഅപേക്ഷിക്കാം, അപേക്ഷിച്ച ശേഷം ഉദ്യോഗസ്ഥർ വന്ന് പരിശോധിച്ചു ബോധ്യപ്പെട്ടാൽ ക്രെഡിറ്റ് കാർഡ് ലഭിക്കുന്നതാണ്.

ഈ കാർഡ് ലഭിച്ചു കഴിഞ്ഞാൽ ഓരോ പശുവിനും 24000 രൂപ വരെ വായ്പ എടുക്കാം , പിന്നെ കാലിത്തൊഴുത്ത് നവീകരണം, തീറ്റ പുൽ കൃഷി, ഇൻഷുറൻസ് പ്രീമിയം, യന്ത്ര വത്കരണം, അവശ്യ വസ്തുക്കൾ വാങ്ങുന്നതിന് എന്നിവക്കെല്ലാം പ്രത്യേകമായി വായ്പാ അനുവദിക്കുന്നതാണ്. ഇതിനു പുറമെ ചെറിയ രീതിയിലുള്ള സാമ്പത്തിക ആവശ്യങ്ങൾക്കായും ഇതിൽ നിന്നും ലോൺ ലഭിക്കുന്നതാണ്.

കൃത്യമായി വായ്പ തിരിച്ചെടുക്കുകയാണെങ്കിൽ നാല് ശതമാനം മാത്രമാണ് പലിശ നൽകേണ്ടി വരിക, അഞ്ച് ശതമാനം സബ്സിഡി ആയിരിക്കും. എന്നാൽ വായ്പ തിരിച്ചടവ് മുടക്കിയാൽ 9 ശതമാനം പലിശ അടക്കേണ്ടി വരും. മൂന്നുവർഷക്കാലം ആണ് ഈ ഒരു കിസാൻ ക്രെഡിറ്റ് കാർഡിന്റെ കാലപരിധി ..അതിനുശേഷം കാർഡ് പുതുക്കാം.. മൂന്നുവർഷത്തിനുള്ളിൽ കിസാൻ ക്രെഡിറ്റ് കാർഡ് ഉപയോഗിച്ചു എന്ത് കൃഷിക്കും രണ്ടു ലക്ഷം രൂപ വരെ നമുക്ക് വായ്പ എടുക്കാം.

ഒന്നിലധികം കൃഷി ഉള്ളവർക്ക് മൂന്നു ലക്ഷം രൂപ വരെ വായ്പ ലഭിക്കും, വായ്പ കൃത്യമായി തിരിച്ചടിച്ചു കഴിഞ്ഞിട്ടുണ്ടെങ്കിൽ പുതുക്കി വീണ്ടും വായ്പകൾ എടുക്കാൻ സാധിക്കുന്നതാണ്, പിന്നെ 1,60000 രൂപ വരെയുള്ള വായ്പകൾക്ക് ഈട് നൽകേണ്ടതില്ല

ക്ഷീര സംഘത്തിൽ അംഗങ്ങളായവർക്ക് പാൽ വിലയിൽ നിന്നും കർഷകൻറെ അനുമതിയോടെ തന്നെ സംഘം തിരിച്ചടവും നടത്തുന്നതായിരിക്കും.. ക്ഷീര സംഘത്തിൽ അംഗങ്ങളല്ലാത്തവർക്ക് ബാങ്കിൽ നേരിട്ട് പോയി തിരിച്ച് അടക്കാവുന്നതാണ്.

സ്റ്റേറ്റ് ബാങ്ക് ഓഫ് ഇന്ത്യ, ആക്സിസ് ബാങ്ക്, ഇന്ത്യൻ ഓവർസീസ് ബാങ്ക്, ബാങ്ക് ഓഫ് ഇന്ത്യ, എച്ച്ഡി‌എഫ്സി ബാങ്ക് എന്നിവയിലാണ് നിലവിൽ ഈ സംവിധാനം നൽകിയിട്ടുള്ളത്. ഈ ബാങ്കുകളിൽ ഏതെങ്കിലും ഒന്നിന്റെ ഔദ്യോഗിക വെബ്സൈറ്റിൽ നിന്നും അപേക്ഷാ ഫോം പ്രിന്റ് ചെയ്ത് എടുക്കാം.

ക്ഷീര സംഘങ്ങളിൽ നിന്ന് ലഭിക്കുന്ന അപേക്ഷ ഫോം പൂരിപ്പിച്ച് അതിനോടൊപ്പം രണ്ട് പാസ്പോർട്ട് സൈസ് ഫോട്ടോ, ആധാർ കാർഡ്, വോട്ടർ ഐഡി, കരം അടച്ച രസീത് കോപ്പി, കൈവശാവകാശ സർട്ടിഫിക്കറ്റ് എന്നിവ ചേർത്തു അപേക്ഷിക്കാം , അപേക്ഷ പരിശോധിച്ചശേഷം ക്ഷീര സംഘം ബന്ധപ്പെട്ട ബാങ്കുകളിലേക്ക് ഈ അപേക്ഷ നൽകുന്നതാണ്.

തുടർന്ന് 15 ദിവസത്തിനുള്ളിൽ ബാങ്ക് തന്നെ കിസാൻ ക്രെഡിറ്റ് കാർഡ് അർഹതയുള്ള കർഷകർക്ക് ഇഷ്യു ചെയ്യുന്നതായിരിക്കും, ഈ ക്ഷീര സംഘങ്ങളിൽ ഇല്ലാത്ത കർഷകർ ആണെങ്കിൽ കാർഡ് ലഭിക്കാനായി നേരിട്ട് തന്നെ മേൽപ്പറഞ്ഞ രേഖകളോടൊപ്പം ബാങ്കുകളിൽ ബന്ധപ്പെടാം.

രണ്ടു ലക്ഷം രൂപ വരെ കുറഞ്ഞ പലിശ നിരക്കിൽ ലഭിക്കുന്ന ഈയൊരു പദ്ധതി കേരളത്തിലെ ക്ഷീര കർഷകർക്കും ചെറുകിട കർഷകർക്കും ഏറെ ആശ്വാസമാണ് ..എല്ലാ കാർഡ് ഉടമകൾക്കും അവരുടെ കാർഡിന്റെ ക്രെഡിറ്റ് പരിധി അനുസരിച്ച് സാധനങ്ങൾ വാങ്ങാനും മറ്റ് ആവശ്യങ്ങൾക്കും ഇത് ഉപയോഗിക്കാം. എടുത്ത തുകയ്ക്ക് അനുസരിച്ച പലിശ മാത്രമേ ഈടാക്കുകയുള്ളു.