കനത്ത മഴ തുടരുന്ന സാഹചര്യത്തിൽ പമ്പ അണക്കെട്ടിലെ ജലനിരപ്പ് ഉയരുന്നു... ഡാം ഇന്ന് തുറക്കേണ്ടിവരുമെന്നാണ് കെ എസ്ഇബിയുടെ കണക്കൂട്ടല്‍. എന്നാല്‍ ജനങ്ങള്‍ ആശങ്കപ്പെടേണ്ടതില്ലെന്ന് അധികൃതര്‍ വ്യക്തമാക്കി.

നീരൊഴുക്ക് കാര്യമായി ഉണ്ടാകില്ല. ചെറിയ ഡാം ആയതിനാല്‍ കാര്യമായ പ്രശ്‌നങ്ങള്‍ ഉണ്ടാകില്ലെന്നും കെ എസ്ഇ ബി അറിയിച്ചു. അഞ്ചു മണിക്കൂറിനുള്ളിൽ റാന്നി ടൗണിലേക്ക് വെള്ളമെത്തുമെന്നാണ് കരുതുന്നത്. ആശങ്ക വേണ്ടെന്നും കെഎസ്ഇബി അറിയിച്ചു.

കനത്ത മഴ തുടരുന്ന സാഹചര്യത്തില്‍ഇടുക്കി ഡാമുകള്‍ ഉള്‍പ്പെടെയുള്ള ഡാമുകളുടെ കാര്യത്തില്‍ ആശങ്കയില്ലെന്നും കെ എസ് ഇ ബി വ്യക്തമാക്കി. അണക്കെട്ടുകളുടെ വൃഷ്ടി പ്രദേശങ്ങളില്‍ മഴ തുടരുന്നുണ്ട്. എന്നാല്‍ ക്രമാതീതമായി വെള്ളം തുറന്ന് വിടേണ്ട സാഹചര്യമില്ലെന്നും കെഎസ്ഇബി അറിയിച്ചു