കരിപ്പൂർ വിമാന ദുരന്തം: അപകടം സംബന്ധിച്ചുള്ള അന്വേഷണത്തിനായി പൊലീസ് ടീം രൂപീകരിച്ചു
കോഴിക്കോട് കരിപ്പൂർ വിമാന അപകടം സംബന്ധിച്ച് അന്വേഷണത്തിനായി പൊലീസ് ടീം രൂപീകരിച്ചു. മലപ്പുറം അഡിഷണൽ എസ് പി, ജി. സാബു വിന്റെ നേതൃത്വത്തിൽ 30 അംഗ ടീമാണ് അന്വേഷണ സംഘത്തിലുള്ളത്.
മലപ്പുറം ഡി വൈ എസ് പി ഹരിദാസൻ മുഖ്യ അന്വേഷണ ഉദ്യോഗസ്ഥനും പെരിന്തൽമണ്ണ എ എസ് പി ഹേമലത ഐ പി എസ്, ഇൻസ്പെക്ടർ മാരായ ഷിബു, കെ എം ബിജു, സുനീഷ് പി തങ്കച്ചൻ, മുതലായവരും സൈബർ സെൽ അംഗങ്ങളും ഈ ടീമിൽ അംഗങ്ങളായിരിക്കും.
വന്ദേ ഭാരത് ദൗത്യത്തിന്റെ ഭാഗമായി ദുബായിൽനിന്ന് 190 യാത്രക്കാരുമായി വന്ന എയർ ഇന്ത്യ എക്സ്പ്രസിന്റെ എഎക്സ്ബി1344 ബി737 വിമാനം വെള്ളിയാഴ്ച രാത്രി 7.45–ഓടെയാണ് അപകടത്തിൽപ്പെട്ടത്.വിമാനം ലാൻഡിങ്ങിനിടെ തെന്നിമാറി 35 അടി താഴ്ചയിലേക്കു പതിച്ചാണ് ദാരുണ അപകടം. പൈലറ്റ് ക്യാപ്റ്റൻ ഡി.വി.സാഠേയും സഹ പൈലറ്റ് അഖിലേഷും അടക്കം 18 പേരുടെ മരണം സ്ഥിരീകരിച്ചു.
https://www.facebook.com/Malayalivartha