ഒറഞ്ച് അലര്ട്ട് മാത്രം; പമ്പാ ഡാമിന്റെ ആറ് ഷട്ടുകള് തുറന്നു; റെഡ് അലര്ട്ട് നല്കിയില്ല; ജലനിരപ്പ് 985 മീറ്റര് എത്തുന്നതുവരെ കാത്തില്ല; പ്രളയത്തിന്റെ സാഹചര്യം ഒഴിവാക്കാന് നേരത്തെ ഡാം തുറന്നതെന്ന് ജില്ലാ കലക്ടര്
പമ്പാ ഡാം തുറന്നു. ഡാമിന്റെ ആറ് ഷട്ടറുകള് രണ്ടടി വീതമാണ് ഉയര്ത്തിയത്. എന്നാല് റെഡ് അലര്ട്ട് നല്കിയ ശേഷം 985 അടി ആകുമ്പോള് മാത്രമേ ഡാം തുറക്കുയെന്നായിരുന്നു മുമ്പ് പറഞ്ഞത്. എന്നാല് നിലവില് ഓറഞ്ച് അലര്ട്ടാണ് പ്രഖ്യാപിച്ചിരിക്കുന്നത്. ജലനിരപ്പ് 983.5 മീറ്ററും. എന്നിട്ടും ജില്ലാ ഭരണകൂടം ഡാം തുറക്കാന് തീരുമാനിക്കുകയായിരുന്നു. മഴ ശക്തമായതോടെ ഡാമിലേക്കുള്ള നിരൊഴുക്ക് വര്ധിച്ചിരുന്നു. ഇതിനെ തുടര്ന്ന് ഡാം വളരെ വേഗം നിറയുകയായിരുന്നു. രാത്രി വൈകി ഡാം തുറക്കേണ്ടി വന്നാന് വളരെയധികം പ്രതിസന്ധി സൃഷ്ടിക്കും. 2018 ലെ പ്രളയ സഹാചര്യം ഒഴിവാക്കുന്നതിന് വേണ്ടിയാണ് നേരത്തെ ഡാം തുറന്ന്. നേരത്തെ ഡാം തുറന്നതില് ആശങ്കപെടേണ്ടതില്ലെന്ന് ജില്ലാ കളക്ടര് പി.ബി നൂഹ് അറിയിച്ചു.
സെക്കന്ഡില് 82 ക്യുബിക് മീറ്റര് പുറത്തേക്ക് ഒഴുകും. ഡാം തുറന്നതോടെ അഞ്ചുമണിക്കൂറിനകം വെള്ളം റാന്നിയിലെത്തുമാണ് കരുതുന്നത്. ഡാം തുറക്കുമ്പോള് നാല്പ്പത് സെന്റിമീറ്ററാണ് പമ്പയില് ജലനിരപ്പ് ഉയരുക. ഡാം തുറന്ന് ഏകദേശം അഞ്ചുമണിക്കൂര് കഴിയുമ്പോള് മാത്രമേ റാന്നി ടൗണില് വെള്ളം എത്തൂ. നാളെ ഉച്ചയോടെ വെള്ളം തിരുവല്ലയില് എത്തും. ഡാം തുറന്നു എന്നതുകൊണ്ടു മാത്രം നദിയില് ജലനിരപ്പ് വലിയ തോതില് ഉയരില്ല. അതിനാല് തന്നെ 2018ലെ പോലെ പ്രളയ സാഹചര്യം ഉണ്ടാകുമോ എന്ന ആശങ്കയ്ക്ക് അടിസ്ഥാനമില്ലെന്നാണ് വിലയിരുത്തുന്നത്. നിലവില് പമ്പാ നദി കരയോടു ചേര്ന്നാണ് ഒഴുകുന്നത്. ഇരുകരകളിലും താമസിക്കുന്നവര്ക്ക് ജാഗ്രതാ നിര്ദേശം നല്കി. പുനലൂര് മൂവാറ്റുപുഴ സംസ്ഥാന പാതയില് ചെത്തോങ്കര ജംക്ഷനില് നിലവില് വെള്ളമുണ്ട്. വ്യാപാര സ്ഥാപനങ്ങളില് അവശേഷിക്കുന്ന സാധനങ്ങള് കൂടി മാറ്റാന് തുടങ്ങി.
ഇപ്പോള് പെയ്യുന്ന മഴ ഇനിയും തുടരുകയാണെങ്കില് രാത്രി ജലനിരപ്പ് ഉയരാന് സാധ്യതയുണ്ട്. അങ്ങനെയെങ്കില് റെഡ് അലര്ട്ട് പ്രഖ്യാപിച്ച ശേഷം അര്ധരാത്രിയോടെയാകും ഡാം തുറക്കേണ്ടി വരിക. റിസര്വോയറിന്റെ മുഴുവന് സംഭരണശേഷിയിലേക്ക് എത്തിയാല് ഡാം തുറന്നേ മതിയാകൂ എന്ന സ്ഥിതിയുണ്ടാകും. അത്തരം ഒരു സാഹചര്യം ഒഴിവാക്കുന്നതിന്റെ ഭാഗമായിട്ടാണ് റെഡ് അലര്ട്ട് പ്രഖ്യാപിക്കാതെ തന്നെ ഡാം തുറക്കാന് തീരുമാനിച്ചതെന്നും കളക്ടര് കൂട്ടിച്ചേര്ത്തു. ജലനിരപ്പ് ഫുള് റിസര്വോയര് ലെവല് എത്തുന്ന സാഹചര്യത്തില് ഷട്ടര് ആറടിയോ എട്ടടിയോ ഉയര്ത്തേണ്ട സാഹചര്യമുണ്ടായേക്കാം. അങ്ങനെയെങ്കില് പമ്പയിലേക്ക് കൂടുതല് വെള്ളമെത്തും. ഇങ്ങനെ വലിയ അളവില് ജലം നദിയിലേക്ക് എത്തുന്നത് ഒഴിവാക്കാനും കൂടി വേണ്ടിയാണ് അണക്കെട്ട് നേരത്തെ തുറക്കാന് തീരുമാനിച്ചതെന്നും കളക്ടര് അറിയിച്ചു.
https://www.facebook.com/Malayalivartha