'ലോകം തന്നെ ഒരു നാടിന്റെ മഹിമയെ കുറിച്ച് പറയുമ്പോൾ ഈ നാടും നാട്ടുകാരെയും കുറിച്ച് കൊണ്ടോട്ടിക്കാരിയായ എനിക്കുമുണ്ട് ചിലത് പറയാൻ...' വൈറലായി കൊണ്ടോട്ടിക്കാരിയായ യുവതിയുടെ ഹൃദയത്തിൽ തൊടുന്ന ഒരു കുറിപ്പ്
കേരളത്തെ ഞെട്ടലിൽ ആഴ്ത്തിയ കരിപ്പൂർ വിമാനത്താവളത്തിലെ വിമാനപദത്തിൽ കയ്യും മെയ്യും നോക്കാതെ രക്ഷയായവരായ നാട്ടുകാരെ കയ്യടികൊണ്ട് മൂടുകയാണ് ലോകം. എന്തെന്നാൽ ദുരന്തത്തിന്റെ വ്യാപ്തി കുറച്ചത് നാട്ടുകാരുടെ രക്ഷാപ്രവർത്തനമാണെന്ന് ദേശീയമാധ്യമങ്ങൾ ഉൾപ്പെടെ സമ്മതിക്കുന്നതൊക്കെയും വെറുതെ കണ്ടില്ലെന്ന് നടിക്കാനാകയില്ല. മലപ്പുറത്തിന്റെ മഹിമയെ കുറിച്ചും നന്മയെ കുറിച്ചും ലോകം മുഴുവൻ വാഴ്ത്തുമ്പോൾ സമൂഹമാധ്യമങ്ങളിൽ വൈറലാവുകയാണ് കൊണ്ടോട്ടിക്കാരിയായ യുവതിയുടെ ഹൃദയത്തിൽ തൊടുന്ന ഒരു കുറിപ്പ്.
കൊണ്ടോട്ടി സ്വദേശിനിയായ നാഫിയയുടെ ഫേസ്ബുക് കുറിപ്പാണ് ഇപ്പോൾ ശ്രദ്ധേയമാകുന്നത്. ചേർത്തുനിർത്താനും സ്നേഹിക്കാനും മാത്രം അറിയാവുന്ന പച്ചയായ മനുഷ്യരുള്ള ഒരു നാടാണിതെന്ന് നാഫിയ തന്റെ പോസ്റ്റിൽ പറയുന്നു. ഇകഴ്ത്തിയവർ പോലും പുകഴ്ത്തുമ്പോൾ ഞങ്ങൾക്ക് പ്രത്യേകിച്ച് ഒന്നും തോന്നുന്നില്ല. കാരണം, ഞങ്ങൾ അന്നും ഇന്നും എന്നും ഇങ്ങനെ തന്നെയാണ് - എന്നും നാഫിയ പറയുന്നു.
ഫേസ്ബുക് പോസ്റ്റ് പൂർണരൂപം വായിക്കാം...
ഇന്നലെയും ഇന്നുമായി സോഷ്യൽ മീഡിയയും കേരളവും എന്തിന്.. ലോകം തന്നെ ഒരു നാടിന്റെ മഹിമയെ കുറിച്ച് പറയുമ്പോൾ ഈ നാടും നാട്ടുകാരെയും കുറിച്ച് കൊണ്ടോട്ടിക്കാരിയായ എനിക്കുമുണ്ട് ചിലത് പറയാൻ...
മലപ്പുറത്തെ കുറിച്ച് വാ തോരാതെയുള്ള ഫേസ്ബുക്ക് പോസ്റ്റുകളും വോയിസുകളും തെല്ലും മഹിമ തോന്നിച്ചിട്ടില്ല..
കാരണം ഈ മണ്ണും നാടും അങ്ങനെയാണ്..
ചേർത്ത് നിർത്താനും സ്നേഹിക്കാനും മാത്രം അറിയാവുന്ന പച്ചയായ മനുഷ്യരുള്ള നാട്...
ഒരു പെരുന്നാൾ വന്നാൽ വീട്ടിലെ അടുപ്പ് ആദ്യം പുകയുന്നത് തൊട്ടടുത്തുള്ള പൂച്ചുവേട്ടന്റെ വീട്ടിലേക്കുള്ള പലഹാരം ഉണ്ടാക്കാൻ വേണ്ടീട്ടാണ്.. എന്നിട്ടേ പിന്നെ ബിരിയാണി ചെമ്പ് അടുപ്പിൽ വെക്കൂ..
പള്ളിയിൽ പോകും വഴി അനിയൻ പലഹാരം അമ്മയെ ഏൽപ്പിക്കുമ്പോൾ കിടക്കപ്പായിൽ നിന്നാവും അനിയേട്ടൻ വിളിച്ചു ചോദിക്കുന്നത്..
"ഉച്ചക്കെന്താടാ . ബിരിയാണിയാണോ മന്തിയാണോന്ന്....
https://www.facebook.com/Malayalivartha