കരിപ്പൂര് വിമാന അപകടത്തെ തുടര്ന്ന് ചികിത്സയില് കഴിയുന്നവരില് 14പേരുടെ നില ഗുരുതരം
കരിപ്പൂര് വിമാനാപകടത്തില് പരിക്കേറ്റ് ചികിത്സയില് കഴിയുന്നവരില് 14 പേരുടെ നില ഗുരുതരമെന്ന് മലപ്പുറം ജില്ലാ കലക്ടര് കെ.ഗോപാലകൃഷ്ണന് അറിയിച്ചു. 10 കുട്ടികള് ഉള്പ്പെടെ 184 യാത്രക്കാരുമായാണ് അപകടത്തില്പ്പെട്ട എയര് ഇന്ത്യ എക്സ്പ്രസ് വിമാനം വെള്ളിയാഴ്ച (ഓഗസ്റ്റ് ഏഴ്) രാത്രി ദുബായില്നിന്ന് എത്തിയത്. അപകടത്തില് നാല് കുട്ടികളുള്പ്പടെ 18 പേരാണ് മരിച്ചത്.
115 പേരാണ് നിലവില് ആശുപത്രികളില് ചികിത്സയില് തുടരുന്നത്. 57 പേര് വിദഗ്ധ ചികിത്സക്ക് ശേഷം വിവിധ ആശുപത്രികളില് നിന്നും വീട്ടിലേക്ക് മടങ്ങിയിട്ടുണ്ട്.
മലപ്പുറം ജില്ലയില് പെരിന്തല്മണ്ണ അല്ഷിഫ ആശുപത്രിയില് 16 പേരും മൗലാനാ ആശുപത്രിയില് രണ്ട് പേരും എം.ഇ.എസ് ആശുപത്രിയില് മൂന്ന് പേരും കോട്ടക്കല് അല്മാസ് ആശുപത്രിയില് രണ്ട് പേരും മിംസ് ആശുപത്രിയില് അഞ്ചു പേരും മഞ്ചേരി കൊരമ്ബയില് ആശുപത്രി മലബാര് ആശുപത്രി എന്നിവിടങ്ങളില് ഒരോരുത്തരും ചികിത്സയില് കഴിയുന്നു.
കോഴിക്കോട് മിംസ് ആശുപത്രിയില് 32പേരും മെയ്ത്ര ആശുപത്രിയില് 10പേരും ബേബി മെമ്മോറിയല് ആശുപത്രിയില് 22പേരും ഇഖ്റ ആശുപത്രിയില് അഞ്ചു പേരും മെഡിക്കല് കോളേജ് ആശുപത്രിയില് ഒന്പത് പേരും ബീച്ച് ആശുപത്രിയില് ഏഴ് പേരും ചികിത്സയില് കഴിയുന്നു.
മരിച്ചവരില് ഒരാള്ക്ക് കോവിഡ് 19 സ്ഥിരീകരിച്ചതിനാല് പ്രോട്ടോകോള് പ്രകാരമുള്ള നടപടികള് സ്വീകരിച്ചിരുന്നു.ആശുപത്രിയില് ചികിത്സയിലിരിക്കുന്നവരില് ഇതുവരെ ഒരാള്ക്ക് മാത്രമാണ് കോവിഡ് 19 സ്ഥിരീകരിച്ചിട്ടുള്ളതെന്നും ജില്ലാകലക്ടര് അറിയിച്ചു.
അതേസമയം വിമാനാപകടത്തില് അന്വേഷണം നടത്തുന്നതിനായി പൊലീസിന്റെ നേതൃത്വത്തില് സംഘം രൂപികരിച്ചു. മലപ്പുറം അഡീഷനല് എസ്.പി. ജി. സാബു വിന്റെ നേതൃത്വത്തില് 30 അംഗ സംഘമാണ് സംഭവം അന്വേഷിക്കുക. വിമാനാപകടത്തില് പരുക്കേറ്റ് ചികിത്സയില് കഴിയുന്നവരുടെ ആശുപത്രി ബില്ലുകള് ആരോഗ്യകുപ്പ് നേരിട്ട് സ്വീകരിക്കും. ഇത് സംബന്ധിച്ച നിര്ദ്ദേശം ജില്ലാ കലക്ടര് ജില്ലാ മെഡിക്കല് ഓഫിസര്ക്ക് നല്കി. ബില്ലുകള് ആശുപത്രി അധികൃതരെ ചികിത്സയില് കഴിയുന്നവര്ക്ക് നല്കരുത്. ചികിത്സാ ചെലവ് സര്ക്കാര് വഹിക്കുമെന്ന് മുഖ്യമന്ത്രി പ്രഖ്യാപിച്ചിരുന്നു.
https://www.facebook.com/Malayalivartha