സ്വപ്ന ഭീകരവാദി തന്നെ. രാജ്യദ്രോഹിയായ സ്വപ്നയും സംഘവും മുഖ്യമന്ത്രിയുടെ ഓഫീസില്‍ നടത്തിയ ഇടപെടലുകളെ കുറിച്ചാണ് ഇനി ദേശിയ അന്വേഷണ ഏജന്‍സിയുടെ സംസ്ഥാന തല അന്വേഷണം
അങ്ങനെ പിണറായി പിണമായി. എന്തൊക്കെ വീരവാദങ്ങളായിരുന്നു സംസ്ഥാന മുഖ്യന്‍ എഴുന്നള്ളിച്ചത്. സത്യത്തില്‍ വൈകുന്നേരം മാധ്യമങ്ങള്‍ക്ക് മുന്നില്‍ നടത്തുന്ന ഈ ബ്രീഫിങ് പോലും ജനങ്ങളുടെ കണ്ണില്‍ പൊടിയിടാനും സ്വയം നല്ലപിള്ള ചമയാനുമായിരുന്നു എന്ന് എത്രപേര്‍ക്കറിയാം. ഇങ്ങനെ വിലയിരുത്താന്‍ തക്കതായ കാരണമുണ്ട് .അതില്‍ ഏറ്റവും പ്രധാനം എന്നത് ഇപ്പോള്‍ വന്നിരിക്കുന്ന കോടതി വിധി തന്നെ .

സ്വപ്നയുമായുള്ള അവിശുദ്ധ കൂട്ടുകെട്ട് മറച്ചുവച്ചതുള്‍പ്പടെ നിരവധി കാര്യങ്ങള്‍ കോടതിയുടെ ശ്രദ്ധയില്‍ പെടുത്തിയ എന്‍ ഐ എ ഇപ്പോള്‍ ഭീകരബന്ധമുല്‍പ്പടെ ഉള്ള വിഷയത്തില്‍ ദുബായി കേന്ദ്രീകരിച്ച് അന്വേഷണം വ്യാപിപ്പിക്കാനുള്ള ധൃതിയിലാണ് .കേസില്‍ ഭീകരബന്ധം ഉള്‍പ്പടെ ചാര്‍ത്തപ്പെട്ട സ്വപ്നയ്ക്ക്
അന്താരാഷ്ട്ര കള്ളക്കടത്തു സംഘവുമായുള്ള ബന്ധമുള്‍പ്പടെ അന്വേഷിക്കാനായുള്ള തയ്യാറെടുപ്പിലാണ് .കേരളത്തില്‍ വ്യാപിച്ചു വരുന്ന കള്ളക്കടത്തും ഭീകരവാദ ബന്ധവും ഹവാല കുഴല്‍പ്പണ ഇടപാടുകളുമെല്ലാം മറനീക്കി പുറത്തുകൊണ്ടു വന്നത് എന്‍ ഐ എ സംഘത്തിന്റെ സമാനതകളില്ലാത്ത പരിശ്രമത്തിന്റെ ഭാഗമായി തന്നെയാണ് .ഹവാല കൂട്ടുകെട്ടും കുഴല്‍പ്പണ ഇടപാടുകാരുടെ ക്രിമിനല്‍ പശ്ചാത്തലവും സ്വപ്ന യെ ഭീകരവാദിയാക്കി മാറ്റുകയായിരുന്നു. കുഴല്‍പ്പണ ഇടപാടുകളുടെ സ്രോതസുള്‍പ്പടെ ഇപ്പോഴും വ്യക്തമല്ലാത്ത നിരവധി സംഭവ പരമ്പരകള്‍ തന്നെ എന്‍ ഐ എ ക്ക് ഇനിയും ചോദിച്ചറിയേണ്ടതായുണ്ട്. കള്ളക്കടത്തു സംഘവുമായുള്ള ശിവശങ്കറിന്റെ ബന്ധം പിണറായി വിജയനെ അക്ഷരാര്‍ത്ഥത്തില്‍ പ്രതിക്കൂട്ടില്‍ ആകിയിരിക്കുകയാണ്. സ്വര്‍ണ്ണക്കടത്ത് കേസില്‍ മുഖ്യപ്രതി സ്വപ്നാ സുരേഷിന്റെ ജാമ്യാപേക്ഷ കോടതി തള്ളിയത് സംസ്ഥാന സര്‍ക്കാരിന് കൂടി കിട്ടിയ തിരിച്ചടിയാണ് എന്ന് തന്നെ പറയേണ്ടിവരും. എന്‍ഐഎ കോടതിയാണ് സ്വപ്നയുടെ ജാമ്യേപക്ഷ തള്ളിയത്. കേസ് ഡയറിയുടെയും തെളിവുകളുടെയും അടിസ്ഥാനത്തിലാണ് കോടതി ജാമ്യം നിഷേധിച്ചത്. കേസില്‍ യുഎപിഎ നിലനില്‍ക്കുമെന്നും കോടതി വ്യക്തമാക്കിയിരിക്കുകയാണ്.

കേസില്‍ യുഎപിഎ നിലനില്‍ക്കില്ലെന്നായിരുന്നു സ്വപ്നയുടെ അഭിഭാഷകന്റെ വാദം. കേസ് കേവലമൊരു നികുതി വെട്ടിപ്പാണെന്നും യുഎപിഎ ചുമത്താനാവില്ലെന്നും അഭിഭാഷകന്‍ വാദിച്ചിരുന്നു. എന്നാല്‍ കേസ് ഡയറിയുടെയും തെളിവുകളുടെ അടിസ്ഥാനത്തില്‍ അന്വേഷണ സംഘത്തിന്റെ വാദം എന്‍ഐഎ കോടതി അംഗീകരിച്ച് ജാമ്യാപേക്ഷ തള്ളി.ഇതോടെ സ്വപ്നയുള്‍പ്പടെ ഉള്ള തട്ടിപ്പു സംഘത്തിന്റെ സര്‍വത്ര പ്ലാനും തകര്‍ന്നടിഞ്ഞു. അന്താരാഷ്ട്ര കുറ്റവാളികളായ റമീസും ഫൈസല്‍ ഫരീദുമായുള്ള സ്വപ്നയുടെ ബന്ധവും ശിവശങ്കറുമായി നടത്തിയ ഡീലും ഇതിലേക്ക് മുഖ്യമന്ത്രിയുടെ ഓഫീസിനെ മറയാക്കിയതുമെല്ലാം അക്കമിട്ടാണ് എന്‍ ഐ എ കോടതിയില്‍ തെളിവുസഹിതം നിരത്തിയത്. കോണ്‍സുലേറ്റില്‍ ജോലിചെയ്യവേ നടത്തിയ കള്ളക്കടത്തും പണം വെട്ടിപ്പുമെല്ലാം എങ്ങനെ തെളിവുസഹിതം ഒരു നാള്‍ പിടിച്ചെടുക്കുമെന്ന് സ്വപ്നത്തില്‍ പോലും സ്വപ്നയോ സര്‍ക്കാരോ കരുതിയിട്ടുണ്ടാവില്ല .

സ്വപ്നാ സുരേഷിന് മുഖ്യമന്ത്രിയുടെ ഓഫീസില്‍ വലിയ സ്വാധീനമുണ്ടായിരുന്നുവെന്ന് എന്‍ഐഎ വാദിച്ചിരുന്നു.ഇത് പിണറായി വിജയന് വലിയ തിരിച്ചടിയാണുണ്ടാക്കിയിരിക്കുന്നത് . മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം ശിവശങ്കറുമായും വലിയ അടുപ്പമാണ് സ്വപ്നയ്ക്ക് ഉണ്ടായിരുന്നത്. മുഖ്യമന്ത്രിയുമായും സ്വപ്നയ്ക്ക് പരിചയമുണ്ടായിരുന്നുവെന്നും അന്വേഷണ സംഘം കോടതിയില്‍ വാദിച്ചു.അതിനാല്‍ തന്നെ സ്വപ്നയുടെ മേല്‍ ചുമത്തപ്പെട്ട വകുപ്പുകളെല്ലാം തന്നെ സ്വാഭാവികമാണെന്നും അതില്‍ ഒരു വീഴ്ചയുമില്ലെന്നും വ്യക്തമാക്കിയിരിക്കുകയാണ് .