പൊതുവെ മഴയുടെ ശക്തി കുറഞ്ഞെങ്കിലും ഉരുൾപൊട്ടൽ ഭീഷണി നിലനിൽക്കുന്ന പാലക്കാട് പൂഞ്ചോല മലയോരമേഖലയിൽ മഴ ശക്തമായി തുടരുകയാണ്..ഇതേ തുടർന്ന് വനവാസി കോളനിയിലെ ജനങ്ങളെ വിവിധ ക്യാമ്പുകളിലേക്ക് മാറ്റി .കഴിഞ്ഞ വർഷം ഉരുൾപൊട്ടലിൽ നാശനഷ്ടങ്ങൾ ഉണ്ടാവുകയും കോളനിയിലുള്ളവർ ഒറ്റപ്പെട്ടു പോകുകയും ചെയ്തിരുന്നു

ഈ സാഹചര്യത്തിലാണ് പാമ്പൻ തോട്, വെളളത്തോട് കോളനിയിലുള്ളവരെ ദുരിതാശ്വാസ ക്യാമ്പുകളിലേക്ക് മാറ്റിയത്.. രണ്ട് കോളനികളിൽ നിന്നായി 78 കുടുംബങ്ങളെ ക്യാമ്പുകളിലേക്ക് മാറ്റി പാർപ്പിച്ചു.

വൃദ്ധരെയും ,ശാരീരിക ബുദ്ധിമുട്ടുകൾ നേരിടുന്നവരെയും മുള കമ്പിൽ തുണി ചുറ്റിയും മാറ്റും കിലോമീറ്ററുകൾ ചുമന്നാണ് പ്രദേശത്തെ ചില സന്നദ്ധ സംഘടനകളുടെ നേതൃത്വത്തിൽ ദുരിതാശ്വാസ ക്യാമ്പിൽ എത്തിച്ചത്. കാണിവായി, വെറ്റിലച്ചോല, ആനക്കാവനം, ഈശ്വരമന കോളനിയിലുള്ളവരെയും മാറ്റി പാർപ്പിക്കും.

കാത്തീരപ്പുഴയിൽ താമസിക്കുന്ന തെങ്ങിൽ നിന്നും വീണ് പരിക്കേറ്റ രാമനെ ക്യാമ്പിലേക്ക് മാറ്റിയിട്ടില്ല, ഇതിനായി സർക്കാർ ഇടപെടൽ നടത്തണം എന്ന് സാമൂഹിക പ്രവർത്തകർ ആവശ്യപ്പെട്ടു.