മാറ്റങ്ങൾ വരുത്തി കെ എസ് ആർ ടി സി ബസ്; ഏതുവെളളക്കെട്ടിലും ദുരിതാശ്വാസ പ്രര്ത്തനങ്ങള് നടത്താന്‍ ഈ വാഹനം തയ്യാർ; കെ എസ് ആര്‍ ടി സിയുടെ സഹായം
പ്രളയം ഭീഷണിയിലാണ് കേരളം. പോരാത്തതിന് കോവിഡും .എന്നാൽ കെ എസ് ആര്‍ ടി സി പിന്മാറില്ല. ഏതുവെളളക്കെട്ടിലും ദുരിതാശ്വാസ പ്രര്ത്തനങ്ങള് നടത്താന്‍ ഈ വാഹനം തയ്യാർ ആണ്. . വെളളം കയറി വഴിക്ക് നിന്നുപോകുമെന്ന ഭയം അരുത് . മൂവാറ്റുപുഴ കെ എസ് ആര്‍ ടി സി ഡിപ്പോയിലാണ് വെളളക്കെട്ടിലെ ദുരിതാശ്വാസ പ്രവര്‍ത്തനങ്ങള്‍ക്കായി ഒരു ബസ് ഒരുക്കിയിരിക്കുന്നത്. ആര്‍ എന്‍ സി 252 ബസില്‍ മാറ്റങ്ങള്‍ വരുത്തി ഇങ്ങനെ തയ്യാറാക്കി. അതിനാല്‍ സാമാന്യം വലിയ വെളളക്കെട്ടിലും ഈ ബസിന് പ്രശ്നങ്ങളേതുമില്ലാതെ കടന്നുചെല്ലാനായി സാധിക്കും. സര്‍ക്കാര്‍ ആവശ്യമനുസരിച്ച്‌ ദുരിതാശ്വാസ പ്രവര്‍ത്തനങ്ങള്‍ക്ക് കെ എസ് ആര്‍ ടി സി സഹായം നല്‍കാറുണ്ട്.
എയര്‍ ഫില്‍റ്റര്‍ ഡ്രൈവര്‍ ക്യാമ്ബിന് ഇടത്തു വശത്ത് അകത്തായി സ്ഥാപിച്ചതാണ് ഇപ്പോഴത്തെ പ്രധാനമാറ്റം. എക്‌സ് ഹോസ്റ്റ് പൈപ്പിന്റെ ഉയരം കൂട്ടുകയും ചെയ്തു . സാധാരണഗതിയില്‍ ബോഡിക്ക് താഴെയാണ് എക്‌സ് ഹോസ്റ്റ് പൈപ്പ്. സര്‍ക്കാരിന്റെ ദുരിതാശ്വാസ പ്രവര്‍ത്തനങ്ങള്‍ക്ക് മാത്രമല്ല വെളളക്കെട്ടില്‍പ്പെട്ട് ഏതെങ്കിലും ബസ് വഴിയിലായാല്‍ കെട്ടിവലിച്ച്‌ ഡിപ്പോയിലെത്തിക്കാനും ഈ ബസ് ഉപയോഗപ്പെടുത്താൻ സാധിക്കും. . കെട്ടി വലിക്കാന്‍ പിന്നില്‍ എക്സ്ട്രാ ക്ളാമ്ബ് ഫിറ്റുചെയ്തിട്ടുണ്ട്. ഈ ബസ് സര്‍വീസ് നടത്താന്‍ ഉപയോഗിക്കില്ല. പ്രളയഭീതി ഒഴിഞ്ഞാല്‍ ഈ ബസ് വീണ്ടും പഴയപടിയിലാക്കുമെന്നാണ് അധികൃതര്‍ നല്‍കുന്ന സൂചന.വളരെ ചുരുങ്ങിയ സമയംകൊണ്ടായിരുന്നു ബസിൽ ഈ മാറ്റങ്ങളെല്ലാം വരുത്തിയത്.
https://www.facebook.com/Malayalivartha
