സംസ്ഥാനത്തെ ഡാമുകളുടെ സുരക്ഷ സംബന്ധിച്ച് സര്ക്കാരിനോട് വിശദീകരണം തേടി ഹൈക്കോടതി
സംസ്ഥാനത്ത് കാലവര്ഷം ശക്തി പ്രാപിക്കുന്ന സാഹചര്യത്തില് ഡാമുകളുടെ സുരക്ഷ സംബന്ധിച്ച് സംസ്ഥാന സര്ക്കാരിനോട് വിശദീകരണം തേടി ഹൈക്കോടതി. പ്രകൃതി ദുരന്തങ്ങള് ഉണ്ടായാല് സ്വീകരിക്കേണ്ട മുന്കരുതലുകള് സംബന്ധിച്ച് റിപ്പോര്ട്ട് നല്കാനും കോടതി ആവശ്യപ്പെട്ടു. 2018 ല് സ്വമേധയാ ഫയല് ചെയ്ത ഹര്ജിയിലാണ് ഹൈക്കോടതിയുടെ നടപടി.
ഡാമുകളുടെ സുരക്ഷ സംബന്ധിച്ച് ഒരാഴ്ചയ്ക്കുള്ളില് സര്ക്കാര് വിശദീകരണം നല്കണമെന്നാണ് ഹൈക്കോടതിയുടെ നിര്ദ്ദേശം. അണക്കെട്ടുകളിലെ ജലനിരപ്പിന്റെ അളവ്, മണ്ണിടിച്ചില്, വെള്ളപ്പൊക്കം പോലുള്ള പ്രകൃതി ദുരന്തങ്ങള് ഉണ്ടായാല് സ്വീകരിക്കേണ്ട മുന്കരുതലുകള് എന്തെല്ലാം എന്നിവയെക്കുറിച്ചും വിശദമായ റിപ്പോര്ട്ട് നല്കണമെന്നും കോടതി നിര്ദ്ദേശിച്ചിട്ടുണ്ട്.
2018 ല് ജസ്റ്റിസ് രാമചന്ദ്രന്റെ കത്തിലാണ് ഹൈക്കോടതി സ്വമേധയാ ഹര്ജി ഫയല് ചെയ്തത്. ചീഫ് ജസ്റ്റിസ് അദ്ധ്യക്ഷനായ ബെഞ്ചാണ് ഇന്ന് ഹര്ജി പരിഗണിച്ചത്.
https://www.facebook.com/Malayalivartha