എല്ലാ മാദ്ധ്യമപ്രവര്ത്തകരെയും വിലയ്ക്ക് വാങ്ങാനാവില്ലെന്ന് മുഖ്യമന്ത്രി മനസിലാക്കണമെന്ന് കെ.സുരേന്ദ്രന്
പി.ആര് ഏജന്സികളെ ഉപയോഗിച്ച് എല്ലാ മാദ്ധ്യമപ്രവര്ത്തകരെയും വിലയ്ക്ക് വാങ്ങാനാവില്ലെന്ന് പിണറായി വിജയന് മനസിലാക്കണമെന്ന് ബി.ജെ.പി സംസ്ഥാന അദ്ധ്യക്ഷന് കെ.സുരേന്ദ്രന്. സര്ക്കാരിന്റെ അഴിമതിയും കെടുകാര്യസ്ഥതയും ചോദ്യം ചെയ്യുന്ന മാദ്ധ്യമപ്രവര്ത്തകരെ മുഖ്യമന്ത്രി വേട്ടയാടുകയാണെന്ന് കെ.സുരേന്ദ്രന് പറഞ്ഞു. മുഖ്യമന്ത്രിയോട് എങ്ങനെയുള്ള ചോദ്യം ചോദിക്കണം എത്ര ചോദ്യം ചോദിക്കണമെന്ന് മുഖ്യമന്ത്രിയുടെ പ്രസ് സെക്രട്ടറി കല്പ്പിക്കുകയാണ്. എതിര്ക്കുന്നവരെ സൈബര് സഖാക്കളെ ഉപയോഗിച്ച് വ്യക്തിഹത്യ ചെയ്യുകയാണ് സി.പി.എം ചെയ്യുന്നതെന്നും സുരേന്ദ്രന് പ്രസ്താവനയില് പറഞ്ഞു. വനിതാ മാദ്ധ്യമപ്രവര്ത്തകരുള്പ്പെടെ സൈബര് ആക്രമണത്തിനിരയായിട്ടും കെ.യു.ഡബ്ല്യു.ജെയുടെ മൗനം അത്ഭുതകരമാണ്. ലോകത്ത് എന്ത് നടന്നാലും പ്രതിഷേധിക്കുന്ന സംഘടന തങ്ങളുടെ നേതൃത്വസ്ഥാനത്തിരിക്കുന്ന വനിതാ മാദ്ധ്യമപ്രവര്ത്തകയെ ദേശാഭിമാനി ജീവനക്കാരന് നവമാദ്ധ്യമത്തില് പരസ്യമായി അപമാനിച്ചിട്ടും പ്രതികരിക്കാത്തത് നാണക്കേടാണെന്നും സുരേന്ദ്രന് പറഞ്ഞു.
https://www.facebook.com/Malayalivartha
