കോവിഡ് ബോധവത്കരണം ആവശ്യമാണെങ്കിലും ഫോണ്‍ കോളുകള്‍ക്ക് മുന്നോടിയായിയുള്ള കോവിഡ് ബോധവത്കരണ സന്ദേശം പലര്‍ക്കും ആരോചകമായിരുന്നു. കോവിഡ് വ്യാപനത്തിന്റെ ആദ്യ കാലത്ത് ഇത് ഒരു ആവശ്യമായിരുന്നുവെങ്കിലും പിന്നീട് ഇതിന്റെ ആവശ്യം ഒരു അനാവശ്യമായിയാണ് സാധാരണക്കാര്‍ക്ക് തോന്നിയത്. ഇതിനിടെ സ്വകാര്യ ടെലികോം കോം കമ്പനികള്‍ ഉപഭോക്താകള്‍ക്ക് റിംഗ്‌ടോണ്‍ ഒഴുവാക്കുന്നതിന് വേണ്ട നടപടി ക്രമങ്ങള്‍ പരിചയപ്പെടുത്തി. അത് ഉപയോഗിച്ച് പലരും ഈ അസൗകര്യം ഒഴിവാക്കി. എന്നാല്‍ ബി.എസ്.എന്‍.എ ബോധവത്കരണം തുടര്‍ന്നുകൊണ്ടെയിരുന്നു. ഇതിനാണ് ഏഴുമാസങ്ങള്‍ക്ക് ശേഷം ഒഴിവാക്കുന്നത്. കാരണം മഴയും.

ഫോണ്‍വിളിക്കുന്ന സമയത്ത് ഏര്‍പ്പെടുത്തിയ കോവിഡ് ബോധവത്കരണ സന്ദേശങ്ങള്‍ നിര്‍ത്താന്‍ ബി.എസ്.എന്‍.എല്‍ തീരുമാനിച്ചു. ഈ ബോധവത്കരണ സന്ദേശങ്ങള്‍ ഇപ്പോഴത്തെ മഴക്കെടുതി പോലുള്ള ദുരന്ത സാഹചര്യങ്ങളില്‍ പ്രയാസമുണ്ടാക്കുന്നതായി വ്യാപക പരാതി ഉയര്‍ന്ന സാഹചര്യത്തിലാണ് പുതിയ നടപടി. ദുരന്തസാഹചര്യങ്ങളില്‍ അത്യാവശ്യങ്ങള്‍ക്കായി വിളിക്കുമ്പോള്‍ മിനിറ്റുകള്‍ നീണ്ട സന്ദേശം വിലപ്പെട്ട സമയം നഷ്ടമാക്കുന്നു എന്നാണ് പ്രധാന ആക്ഷേപം. അത്യവശ്യത്തിന് ആംബുലന്‍സിന് വിളിക്കുമ്പോള്‍പ്പോലും ഇതാണ് കേള്‍ക്കുക. ഇത് വിലപ്പെട്ട ജീവനുകള്‍ നഷ്ടമാവാന്‍ വരെ കാരമായേക്കാമെന്നാണാണ് പരാതി ഉയര്‍ന്നത്.

കോവിഡ് വ്യാപിച്ച സഹാചര്യത്തില്‍ കേന്ദ്ര നിര്‍ദേശപ്രകാരമാണ് ഇത്തരത്തില്‍ ബോധവത്കരണ സന്ദേശം ഏര്‍പ്പെടുത്തിയത്. എന്നാല്‍ ബിഎസ്എന്‍എല്‍ തീരുമാനത്തിന് പിന്നാലെ മറ്റ് ടെലികോം കമ്പനികള്‍ എന്ത് നിലപാട് എടുക്കുമെന്ന് വ്യക്തമല്ല. ബി.എസ്.എന്‍.എല്‍. കേന്ദ്രത്തില്‍നിന്ന് പ്രത്യേക അനുമതി വാങ്ങിയാണ് ഈ അറിയിപ്പ് നിര്‍ത്തിയത്. ഫോണ്‍വിളിക്കുമ്പോള്‍ കേള്‍ക്കുന്ന ബോധവത്കരണ സന്ദേശം നിര്‍ത്തണമെന്ന് ആവശ്യപ്പെട്ട് നേരത്തെ ഫെയ്‌സ്ബുക്ക് അടക്കമുള്ള സോഷ്യല്‍ മീഡിയ പ്ലാറ്റ്‌ഫോമുകളില്‍ വലിയ പ്രചാരണം നടന്നിരുന്നു.