ഖുറാന്റെ മറവില്‍ സ്വര്‍ണം കടത്തിയെന്ന ആരോപണങ്ങള്‍ക്ക് മുഖ്യമന്ത്രി പിണറായി വിജയന്റെ മറുപടി. ഖുറാനെ തൊട്ട് പൊള്ളി നില്‍ക്കുന്നത് കൊണ്ടാണ് പ്രതിപക്ഷം ഇങ്ങനെ ഒരോന്ന് പറയുന്നതെന്ന് മുഖ്യമന്ത്രി പരിഹസിച്ചു. ലീഗ് ഉള്‍പ്പെടെയാണ് സ്വര്‍ണക്കടത്ത് വിവാദത്തില്‍ ഖുറാനെ പ്രചരണവിഷയമാക്കിയതെന്നും മുഖ്യമന്ത്രി പറഞ്ഞു.

ഖുറാന്‍ കൊണ്ടുവന്നത് ശരിയായ മാര്‍ഗത്തിലാണ്. നിങ്ങള്‍ സ്വര്‍ണക്കടത്തിന് പിന്നാലെ ചെല്ലൂ, എന്തിനാണ് ഖുറാന്റെ പിന്നാലെ പോകുന്നത്? ഖുറാന്‍ എന്ത് പിഴച്ചുവെന്നും മുഖ്യമന്ത്രി ചോദിച്ചു. സ്വര്‍ണ്ണക്കടത്തു കേസില്‍ ജലീലിനെ രക്ഷിക്കാന്‍ സര്‍ക്കാര്‍ വര്‍ഗീയത പറഞ്ഞുവെന്ന പ്രതിപക്ഷത്തിന്റെ ആരോപണം സംബന്ധിച്ച മാദ്ധ്യമപ്രവര്‍ത്തകരുടെ ചോദ്യത്തിന് മറുപടി പറയുകയായിരുന്നു മുഖ്യമന്ത്രി.