മലയാളത്തിലെ ആദ്യ ഓടിടി പ്ലാറ്റ്ഫോം 'കൂടെ' ആരംഭിച്ചു
ഇനി മുതൽ മലയാളം വീഡിയോകള് ഒരു കുടക്കീഴില്. മലയാളത്തിലെ ആദ്യ ഓടിടി പ്ലാറ്റ്ഫോം 'കൂടെ' പുറത്തിറക്കി. ഇന്ത്യയിലെതന്നെ ആദ്യ ഓടിടി പ്ലാറ്റ്ഫോം ആയ ഐസ്ട്രീം.കോം അവതരിപ്പിച്ച സ്റ്റുഡിയോ മോജോ പ്രൈവറ്റ് ലിമിറ്റഡ് ആണ് കൂടെയുടെ സ്രഷ്ടാക്കള്.
ലോകമെമ്പാടുമുള്ള മലയാളികള്ക്ക് അവരുടെ ഹൃദയത്തോട് ചേര്ന്ന് നില്ക്കുന്ന ഉള്ളടക്കങ്ങള് കണ്ടെത്താന് സഹായിക്കുക എന്നതാണ് കൂടെയുടെ ലക്ഷ്യം. മലയാളത്തിലെ മുന്നിര കണ്ടന്റ് ക്രിയേറ്റര്മാരില് നിന്നും ഇന്ഫ്ളുവെന്സര്മാരില് നിന്നുള്ള ഉള്ളടക്കങ്ങള് ഇതില് കൊണ്ടുവരുന്നതായി. സ്റ്റുഡിയോ മോജോ സിഇഒയും സ്ഥാപകനുമായ രാധാകൃഷ്ണന് രാമചന്ദ്രന് വ്യക്തമാക്കി.
മുതിര്ന്ന എഴുത്തുകാര്, തിരക്കഥാകൃത്തുക്കള് എന്നിവരടങ്ങുന്ന വിദഗ്ദ സമിതിയാണ് കൂടേയിലേക്ക് വേണ്ട ഉള്ളടക്കങ്ങളും നിര്മാതാക്കളേയും തിരഞ്ഞെടുക്കുന്നത്.
പ്രധാനമായും മലയാളത്തിലെ യൂട്യൂബ് കണ്ടന്റ് ക്രിയേറ്റര്മാരല് നിന്നുള്ള ഉള്ളടക്കങ്ങളാണ് കൂടെ ആപ്പില് ഉൾപ്പെടുത്തിയിരിക്കുന്നത്. യാത്രാ, ഭക്ഷണം, സംഗീതം, ഹ്രസ്വചിത്രം, പൊന്മുട്ട, അലമ്പന്സ് പോലുള്ള പരിപാടികള്, തമാശ വീഡിയോകള്, പോഡ്കാസ്റ്റ്, വാര്ത്താ ചാനലുകളുടെ സ്ട്രീമിങ് എന്നിവ കൂടെ ആപ്പില് ലഭ്യമാകും.
'കിടു' എന്ന പേരില് ടിക് ടോക്കിന് സമാനമായി കണ്ടന്റ് ക്രിയേറ്റര്മാര്ക്ക് ഹ്രസ്വ വീഡിയോകള് പങ്കുവെക്കാന് സാധിക്കുന്ന ഒരു വിഭാഗവും ഇതില് ഉള്പ്പെടുത്തിയിട്ടുണ്ട്.
https://www.facebook.com/Malayalivartha