ടിപ്പര് ലോറിയും ആംബുലന്സും കൂട്ടിയിടിച്ച് രോഗിയും ആംബുലന്സ് ഡ്രൈവറും മരിച്ചു.... ഗുരുതരാവസ്ഥയില് വെമ്പായം സ്വദേശിയെ ആശുപത്രിയിലേക്ക് കൊണ്ടുപോകവേയായിരുന്നു സംഭവം..
ടിപ്പര് ലോറിയും ആംബുലന്സും കൂട്ടിയിടിച്ച് രോഗിയും ആംബുലന്സ് ഡ്രൈവറും മരിച്ചു.... ഗുരുതരാവസ്ഥയില് വെമ്പായം സ്വദേശിയെ ആശുപത്രിയിലേക്ക് കൊണ്ടുപോകവേയായിരുന്നു സംഭവം.. ഗുരുതരാവസ്ഥയില് ആശുപത്രിയിലേക്ക് കൊണ്ടുപോകുകയായിരുന്ന വെമ്പായം തേവലക്കാട്ടില് കുറവില് വിളാകം വീട്ടില് നാരായണ പിള്ള (95), ആംബുലന്സ് ഡ്രൈവര് വെഞ്ഞാറമൂട് മുക്കുന്നൂര് വലിയ കട്ടയ്ക്കാല് വിനായക മന്ദിരത്തില് പ്രദീപ് കുമാര് (40) എന്നിവരാണ് മരിച്ചത്.
തിങ്കളാഴ്ച ഉച്ചക്ക് 2.30ന് വെമ്പായത്തിനു സമീപം തേവലക്കാട്ട് വെച്ചായിരുന്നു അപകടം. രോഗിയുമായി മെഡിക്കല് കോളജ് ആശുപത്രിയിലേക്കുള്ള യാത്രക്കിടെ എതിര്ദിശയില് നിന്നുവന്ന ടിപ്പറുമായി ആംബുലന്സ് കൂട്ടിയിടിക്കുകയായിരുന്നു. ഇടിയുടെ ആഘാതത്തില് നാരായണ പിള്ള സംഭവസ്ഥലത്തു തന്നെ മരിച്ചു. മറ്റൊരു ആംബുലന്സില് പ്രദീപ് കുമാറിനെ തിരുവനന്തപുരം മെഡിക്കല് കോളജ് ആശുപത്രിയില് എത്തിച്ചെങ്കിലും മരിച്ചു. ഇരുവരുടെയും മൃതദേഹങ്ങള് മോര്ച്ചറിയിലേക്ക് മാറ്റി.
https://www.facebook.com/Malayalivartha
