കൊച്ചുമകളെ കളിപ്പിക്കുന്ന ഡെമോ​ക്രാറ്റിക്​ വൈസ്​ പ്രസിഡന്‍റ്​ സ്​ഥാനാര്‍ഥി കമല ഹാരിസിൻറെ വിഡിയോ സോഷ്യല്‍ മീഡിയയിൽ വൈറൽ ആകുകയാണ്. 'നിനക്കും പ്രസിഡന്‍റാകാന്‍ കഴിയും എന്ന രീതിയിലാണ് വീഡിയോ പ്രചരിക്കുന്നത്. കമല ഹാരിസിന്റെ ബന്ധുവായ മീന ഹാരിസാണ്​ വിഡിയോ ഇന്‍സ്​റ്റഗ്രാമില്‍ പങ്കുവെച്ചത്​.

മീന ഹാരിസിന്റെ മകള്‍ അമാരയോട്​ കമല ഹാരിസ്​ സംസാരിക്കുന്നതാണ്​ വിഡിയോ. കമല ഹാരിസിന്റെ മടിയില്‍ മാസ്​ക്​ ധരിച്ചിരിക്കുന്ന അമാര തനിക്കും പ്രസിഡന്‍റാകണമെന്ന ആഗ്രഹം കമല ഹാരിസിനോട്​ പങ്കുവെക്കുന്നു. ​നിനക്കും പ്രസിഡന്‍റാകാന്‍ കഴിയും, പക്ഷേ ഇപ്പോഴല്ല. 35 വയസിനുശേഷം ​പ്രസിഡന്‍റാകാമെന്ന്​ പെണ്‍കുട്ടിയോട്​ കമല പറയുന്നതും വിഡിയോയിലുണ്ട്​. എന്നാല്‍ തനിക്ക്​ പ്രസിഡന്‍റും ബഹിരാകാശ യാത്രികയുമാകണമെന്നാണ്​ പെണ്‍കുട്ടിയുടെ മറുപടി. ഈ സംഭാഷണം ഒരു മണിക്കൂറോളം നീണ്ടുവെന്ന അടിക്കുറിപ്പോടെയാണ്​ ചിത്രം പങ്കുവെച്ചിരിക്കുന്നത്​. 12 സെക്കന്‍ഡ്​ മാത്രമാണ്​ വിഡിയോയുടെ ദൈര്‍ഘ്യം.