ലൈഫ് മിഷന് കോഴ വിവാദത്തില് ഉള്പ്പെട്ട യൂണിടാക് ഉടമ നല്കിയ വിലകൂടിയ ഐ ഫോണ് ഉപയോഗിച്ചത് കോടിയേരി ബാലകൃഷ്ണന്റെ ഭാര്യ വിനോദിനിയാണെന്ന റിപ്പോര്ട്ടുകളില് ഡിവൈഎഫ്ഐ സംസ്ഥാന സെക്രട്ടറി എ എ റഹീമിനെ ട്രോളി കോണ്ഗ്രസിലെ യുവ നേതാക്കള്
സന്തോഷ് ഈപ്പനാണ് ഇന്നത്തെ താരം.. തിരഞ്ഞെടുപ്പ് പ്രഖ്യാപനവും നോക്കിയിരിക്കുകയായിരുന്നു നമ്മുടെ കസ്റ്റംസ് എന്നും കേരളത്തിൽ രാഷ്ട്രീയം കളിക്കുകയാണ് സത്യവാങ്മൂലം നൽകിയതിലൂടെ കസ്റ്റംസ് ചെയ്തെന്നും പറഞ്ഞാണ് ഇടതുനേതാക്കൾ സംഘടിതമായി കസ്റ്റംസിനെ നേരിടാൻ ശ്രമിക്കുന്നത് .
ഇതിനിടയിലാണ് സന്തോഷ് ഈപ്പൻ നൽകിയ ഐ ഫോണുമായി ബന്ധപ്പെട്ട വിഷയത്തിൽ മുൻ ആഭ്യന്തര മന്ത്രിയും സി പി എം മുൻ സംസ്ഥാന സെക്രട്ടറിയും ആയ കോടിയേരി ബാലകൃഷ്ണന്റെ ഭാര്യ വിനോദിനിയുടെ പക്കലാണ് ഫോണെന്ന് കണ്ടെത്തിയത് .
എന്നാൽ വിനോദിനിയെ തനിക്കറിയില്ല എന്ന് തന്നെയാണ് യൂണി ടാക് എം ഡി പറയുന്നത് .ഐ ഫോൺ വിവാദത്തിൽ ഒരു ഘട്ടത്തിൽ വലിയ ആരോപണങ്ങൾ രമേശ് ചെന്നിത്തലയ്ക്കെതിരെ നടത്തിയവർ ഇപ്പോൾ എവിടെ എന്ന ചോദ്യമാണ് കോൺഗ്രസ് ഉന്നയിക്കുന്നത് .
സന്തോഷ് ഈപ്പൻ സ്വപ്നയ്ക്ക് നൽകിയ ഐ ഫോണിലൊന്ന് രമേശ് ചെന്നിത്തലയ്ക്കാണ് നൽകിയതെന്ന ആരോപണം വന്നപ്പോൾ ചെന്നിത്തല തന്നെ അപകീർത്തിപ്പെടുത്തുന്നു എന്നാരോപിച്ച് അതിശക്തമായി തന്നെയാണ് നേരിട്ടത് .ഇതിനെതിരെ നിയമപരമായി തന്നെ നീങ്ങും എന്ന് പറഞ്ഞതോടെ സന്തോഷ് ഈപ്പൻ ചെന്നിത്തലയ്ക്കല്ല എന്നുപറഞ്ഞു തടിയൂരി.
താന് ആറു ഫോണുകള് വാങ്ങിയെന്നും അവ സ്വപ്ന സുരേഷിനാണ് കൈമാറിയതെന്നും സന്തോഷ് ഈപ്പന് പറഞ്ഞിരുന്നു . വില കൂടിയ ഫോണ് കോണ്സുല് ജനറലിന് നല്കാനാണെന്നാണ് പറഞ്ഞിരുന്നത്. വിനോദിനിയെ നേരിട്ട് അറിയില്ലെന്നും സന്തോഷ് കൂട്ടിച്ചേര്ത്തു.ലൈഫ് മിഷന് കോഴ വിവാദത്തില് ഉള്പ്പെട്ട യൂണിടാക് ഉടമ നല്കിയ വിലകൂടിയ ഐ ഫോണ് ഉപയോഗിച്ചത് കോടിയേരി ബാലകൃഷ്ണന്റെ ഭാര്യ വിനോദിനിയാണെന്ന റിപ്പോര്ട്ടുകളില് ഡിവൈഎഫ്ഐ സംസ്ഥാന സെക്രട്ടറി എ എ റഹീമിനെ ട്രോളി കോണ്ഗ്രസിലെ യുവ നേതാക്കള് ഇപ്പോൾ രംഗത്തെത്തിയിരിക്കുകയാണ്
ചെറുതായിട്ട് ഒന്ന് തിരുത്തി വായിക്കണം. (ഐ) ഫോണ് സിപി(ഐ)എംലെ (ഐ) എന്നായിരുന്നു ഷാഫി പറമ്പിൽ പരിഹസിച്ചത്. ഐഫോണ് വിവാദവും സിപിഎം പോളിറ്റ് ബ്യൂറോ അംഗം കോടിയേരി ബാലകൃഷ്ണന്റെ കുടുംബത്തിലേക്ക് നീളുന്നത് മലയാളികളെ സംബന്ധിച്ച് ഒട്ടും അപ്രതീക്ഷിതമല്ല എന്നും എന്താണിത്ര വൈകിയത് എന്നേയുള്ളുവെന്ന് വി.ടി ബല്റാം കുറിച്ചു.
എന്നാല് ഉത്സവപ്പറമ്പിലെ പോക്കറ്റടിക്കാരെപ്പോലെ സ്വയം കള്ളത്തരം കാണിക്കുമ്പോഴും അത് അറിഞ്ഞുകൊണ്ട് മറ്റുള്ളവരുടെ തലയില് വച്ചുകെട്ടുന്ന ഈ നെറികേടുണ്ടല്ലോ, കോടിയേരി ബാലകൃഷ്ണന് മുതല് എ എ റഹീം വരെയുള്ള സകലമാന സിപിഎമ്മുകാരുടേയും ഈ ഉളുപ്പില്ലായ്മക്കും ചര്മ്മശേഷിക്കും മുന്നില് കണ്ടാമൃഗം തോറ്റുപോകുമെന്നും അദ്ദേഹം ഫെയ്സ്ബുക്കില് കുറിച്ചു
https://www.facebook.com/Malayalivartha
