മാ​ധ്യ​മ​പ്ര​വ​ര്‍​ത്ത​ക​ന്‍ സി​ദ്ദി​ഖ് കാ​പ്പ​ന്‍റെ വിഷയത്തിൽ ഇടപ്പെട്ട് സു​പ്രീം കോ​ട​തി. അദ്ദേഹത്തിന്റെ മെ​ഡി​ക്ക​ല്‍ റി​പ്പോ​ര്‍​ട്ട് ഉ​ത്ത​ര്‍​പ്ര​ദേ​ശ് സ​ര്‍​ക്കാ​ര്‍ അ​ടി​യ​ന്ത​ര​മാ​യി സ​മ​ര്‍​പ്പി​ക്ക​ണ​മെ​ന്ന് സു​പ്രീം കോ​ട​തി പറഞ്ഞു .

ഇ​ന്നു​ത​ന്നെ സ​മ​ര്‍​പ്പി​ച്ച്‌ ക​ക്ഷി​ക​ള്‍​ക്ക് വി​ത​ര​ണം​ ചെ​യ്യാ​ന്‍ ശ്ര​മി​ക്ക​ണ​മെ​ന്നും കോ​ട​തി നി​ര്‍​ദേ​ശി​ക്കുകയുണ്ടായി. കാ​പ്പ​നെ ഡ​ല്‍​ഹി എ​യിം​സ് ആ​ശു​പ​ത്രി​യി​ലേ​ക്ക് മാ​റ്റ​ണ​മെ​ന്ന ഹ​ര്‍​ജി​യി​ല്‍ ബു​ധ​നാ​ഴ്ച വാ​ദം കേ​ള്‍​ക്കുവാൻ ഇരിക്കുകയാണ്.

അ​തി​നി​ടെ മ​ഥു​ര ജ​യി​ലി​ല്‍ ത​ട​വി​ല്‍ ക​ഴി​യു​ന്ന സി​ദ്ദീ​ഖ് കാ​പ്പ​നെ ച​ങ്ങ​ല​ക്കി​ട്ടെ​ന്ന് അ​ഭി​ഭാ​ഷ​ക​ന്‍ കോ​ട​തി​യി​ല്‍ അ​റി​യി​ച്ചു. എ​ന്നാ​ല്‍ ഈ ​ആ​രോ​പ​ണം തെ​റ്റാ​ണെ​ന്ന് യു​പി സ​ര്‍​ക്കാ​ര്‍ വാ​ദിക്കുകയുണ്ടായി. കാ​പ്പ​ന്‍റെ കേ​സി​ല്‍ ഹേ​ബി​യ​സ് കോ​ര്‍​പ​സ് നി​ല​നി​ല്‍​ക്കി​ല്ലെ​ന്നാ​ണ് സോ​ളി​സി​റ്റ​ര്‍ ജ​ന​റൽ വാദമുയർത്തുകയും ചെയ്തു.

സി​ദ്ദി​ഖ് കാ​പ്പ​ന്‍റെ വിഷയത്തിൽ നിരവധി നേതാക്കന്മാർ പ്രതികരണം നടത്തിയിരുന്നു. മനുഷ്യാവകാശങ്ങള്‍ നിഷേധിക്കപ്പെടുന്ന മാധ്യമപ്രവര്‍ത്തകന്‍ സിദ്ദിഖ് കാപ്പന് നീതി ഉറപ്പാക്കണമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്‍ പറഞ്ഞു.

കോവിഡ് ബാധിതനായ സിദ്ധിഖ് കാപ്പനെ കട്ടിലില്‍ ചങ്ങലകൊണ്ട് ബന്ധിച്ചിരിക്കുകയാണെന്ന വാര്‍ത്തകള്‍ ഹൃദയഭേദകമാണെന്നും തടവുകാരന് ന്യായമായി ലഭിക്കേണ്ട അവകാശങ്ങളുടെ ലംഘനമാണ് സിദ്ധിഖ് കാപ്പന്റെ വിഷയത്തില്‍ സംഭവിച്ചതെന്നും അദ്ദേഹം പറഞ്ഞു.

സിദിഖ് കാപ്പന് അടിയന്തര വൈദ്യസഹായം ഉറപ്പുവരുത്തേണ്ടതുണ്ട്. മനുഷ്യത്വരഹിതമായ ക്രൂരതയ്ക്ക് പേരുകേട്ട പോലീസാണ് യുപി മുഖ്യമന്ത്രി യോഗി ആദിത്യനാഥിന്റെത്. ഓരോദിവസം കഴിയുമ്പോഴും അതിന്റെ തീവ്രത വര്‍ധിക്കുന്നു.

മനുഷ്യനെ മൃഗതുല്യമായിട്ടാണ് ഉത്തര്‍പ്രദേശ് പോലീസ് കാണുന്നതും കൈകാര്യം ചെയ്യുന്നതെന്നും അദ്ദേഹം പറഞ്ഞുസിദ്ധിഖ് കാപ്പനു ലഭിക്കേണ്ട മാനുഷിക പരിഗണന തീര്‍ച്ചയായും ഉറപ്പാക്കണം.കോവിഡ് ബാധിതനായ കാപ്പന് ഹൃദയസംബന്ധമായ അസുഖങ്ങളുണ്ട്.

അതിനാല്‍ അദ്ദേഹത്തിന് അടിയന്തര വൈദ്യസഹായം നല്‍ക്കേണ്ടത് ഭരണകൂടങ്ങളുടെ കടമയാണ്. അത് നിറവേറ്റാത്തത് പ്രാകൃതമാണ്.പരിഷ്‌കൃത സമൂഹത്തിന് അപമാനമാണിത്.

ഒരിക്കലും അംഗീകരിക്കാന്‍ കഴിയില്ല. ദേശീയ മനുഷ്യാവകാശ കമ്മീഷന്‍ സിദ്ധിഖ് കാപ്പന്റെ ദുരവസ്ഥയില്‍ ഇടപെടുകയും മാനുഷികനീതി ഉറപ്പാക്കുകയും വേണം. പ്രധാനമന്ത്രിയും യുപി മുഖ്യമന്ത്രിയും സിദ്ധിഖ് കാപ്പന്റെ വിഷയത്തില്‍ അടിയന്തരമായി ഇടപെടണമെന്നും മുല്ലപ്പള്ളി ആവശ്യപ്പെടുകയുണ്ടായി .