ചങ്ങനാശ്ശേരി പാ​ല​മ​റ്റം ശ്രീ​കൃ​ഷ്ണ​സ്വാ​മി ക്ഷേ​ത്ര​ത്തി​ലെ പൂ​ജാ​രി​യെ ത​ട്ടി​ക്കൊ​ണ്ടു​പോ​യി മ​ര്‍ദി​ച്ച്‌ അ​വ​ശ​നാ​ക്കിയ ശേഷം റോഡില്‍ തള്ളിയ കേസില്‍ മൂന്നു പേര്‍ പിടിയിലായി. ച​ങ്ങ​നാ​ശ്ശേ​രി പെ​രു​ന്ന കൃ​ഷ്ണ​പ്രി​യ വീ​ട്ടി​ല്‍ പ്ര​വീ​ണ്‍ (34), തൃ​ക്കൊ​ടി​ത്താ​നം ശ്രീ​ക​ല​ഭ​വ​ന്‍ ഗോ​കു​ല്‍ (27), തൃ​ക്കൊ​ടി​ത്താ​നം പു​ലി​ക്കോ​ട്ടു​പ​ടി രാ​ജീ​വ് ഭ​വ​നി​ല്‍ ഹ​രീ​ഷ് (39) എ​ന്നി​വ​രാണ് അറസ്റ്റിലായത്.

സംഘം കൃ​ത്യ​ത്തി​ന് ഉ​പ​യോ​ഗി​ച്ച സ്‌​കോ​ര്‍പി​യോ കാ​റും പോലീസ് പിടിച്ചെടുക്കുകയുണ്ടായി. പ്രതികളിലൊരാളായ പ്ര​വീ​ണിന്റെ ഭാ​ര്യ​യു​മാ​യു​ള്ള പൂ​ജാ​രി​യു​ടെ സൗ​ഹൃ​ദ​ത്തി​ല്‍ രോ​ഷാ​കു​ല​രാ​യാ​ണ് മൂ​വ​ര്‍ സം​ഘം ഇദ്ദേഹത്തെ തട്ടിക്കൊണ്ടു പൊയറ്റി മര്‍ദിച്ചു അവശനാക്കിയതെന്നാണ് പോലീസിന്റെ വെളിപ്പെടുത്തൽ.

തി​രു​വ​ല്ല സ്വ​ദേ​ശി​യാ​യ പൂ​ജാ​രി വി​ഷ്ണു ന​മ്ബൂ​തി​രി (32)യെ​യാ​ണ് ഞാ​യ​റാ​ഴ്ച രാ​ത്രി ഒ​മ്പ​തി​ന് പാ​ല​മ​റ്റം ക്ഷേ​ത്ര​ത്തി​ല്‍നി​ന്ന്​ ത​ട്ടി​ക്കൊ​ണ്ടു​പോ​യ​ത്. ക്ഷേ​ത്ര​ത്തി​ലെ സെ​ക്യൂ​രി​റ്റി ജീ​വ​ന​ക്കാ​ര​നാ​യ ര​വീ​ന്ദ്ര​നെ മ​ര്‍ദി​ച്ച​തി​നു​ശേ​ഷ​മാ​ണ് പൂ​ജാ​രി​യെ ത​ട്ടി​ക്കൊ​ണ്ടു​പോ​യ​തെന്ന് അറിയിച്ചു.

തൃ​ക്കൊ​ടി​ത്താ​നം എ​സ്.​എ​ച്ച്‌.​ഒ ഇ. ​അ​ജീ​ബ്, എ​സ്‌.​ഐ​മാ​രാ​യ പ്ര​ദീ​പ്, മോ​ഹ​ന​ന്‍, എ.​എ​സ്‌.​ഐ ര​ഞ്ജീ​വ്, ജ​യ​കൃ​ഷ്ണ​ന്‍ നാ​യ​ര്‍ എ​ന്നി​വ​രാ​ണ് അ​റ​സ്​​റ്റി​നു നേ​തൃ​ത്വം ന​ല്‍കി​യ​ത്. പ്ര​തി​ക​ളെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍ഡ് ചെയ്തിരിക്കുകയാണ്.