ഇരുപതുകാരിയെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തിയ സംഭവത്തില്‍ ഭര്‍ത്താവ് അറസ്റ്റില്‍.വേങ്ങാട് സ്വദേശിയായ സുശീല ദുരൂഹ സാഹചര്യത്തില്‍ മരിച്ച സംഭവത്തിലാണ് വേങ്ങാട് കുരിയോടെ മഞ്ജുഷാലയത്തില്‍ മഞ്ജുനാഥി (23)നെ കൂത്തുപറമ്ബ് പോലീസ് അറസ്റ്റുചെയ്തത്.

അപസ്മാരമുണ്ടായതിനെ തുടര്‍ന്ന് സുശീലയെ താനും ബന്ധുക്കളും ചേര്‍ന്ന് സ്വന്തം വാഹനത്തില്‍ ആസ്പത്രിയിലെത്തിക്കുകയും അവിടെവെച്ച്‌ മരിക്കുകയും ചെയ്തുവെന്നാണ് മഞ്ജുനാഥ് പോലീസിന് നല്‍കിയ മൊഴി.

എന്നാല്‍ മകളുടെ മരണത്തില്‍ സംശയമുണ്ടെന്നുകാണിച്ച്‌ സുശീലയുടെ ബന്ധുക്കളും നാട്ടുകാരും നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്.ഇന്‍ക്വസ്റ്റ് നടപടികള്‍ പൂര്‍ത്തിയാക്കിയ മൃതദേഹം കോവിഡ് സ്ഥിരീകരിച്ചതിനെത്തുടര്‍ന്ന് ഞായറാഴ്ച പോസ്റ്റ്‌മോര്‍ട്ടം നടത്താനായിരുന്നില്ല. തിങ്കളാഴ്ച ഉച്ചയോടെയാണ് നടപടികള്‍ പൂര്‍ത്തിയാക്കിയത്.