ബൈക്ക് അഭ്യാസ പ്രകടനം പൊതുനിരത്തിൽ നടത്തി; പോലീസിനെ പരിഹസിച്ച് ദൃശ്യങ്ങൾ പ്രചരപ്പിച്ച യുവാവ് അറസ്റ്റിൽ
പൊതുസ്ഥലത്ത് അഭ്യാസപ്രകടനം നടത്തി പോലീസിനെ പരിഹസിച്ച് ദൃശ്യങ്ങൾ പ്രചരിപ്പിച്ച യുവാവ് പിടിയിലായി. സംഭവത്തില് പെരിങ്ങമ്മല സ്വദേശി വിഷ്ണുവിനെയാണ് (19) പാലോട് പൊലീസ് അറസ്റ്റ് ചെയ്തത്. ഇയാളുടെ ബൈക്കും പോലീസ് പിടിച്ചെടുത്തിയിരിക്കുകയാണ്.
രണ്ടാഴ്ച മുമ്പ് വിഷ്ണു ഓടിച്ചിരുന്ന ആഡംബര ബൈക്ക് പൊലീസ് പരിശോധിക്കുകയും, തുടര്ന്ന് താക്കീത് നല്കി വിട്ടയയ്ക്കുകയും ചെയ്തു.
തുടര്ന്ന് വിഷ്ണുവും കൂട്ടുകാരും ചേര്ന്ന് ബൈക്കില് അഭ്യാസ പ്രകടനങ്ങള് നടത്തി ദൃശ്യങ്ങള് പകര്ത്തി പൊലീസിന്റെ വാഹന പരിശോധനയുടെ വീഡിയോയും ചേര്ത്ത് സാമൂഹ്യമാധ്യമങ്ങളിലൂടെ പ്രചരിപ്പിക്കുകയായിരുന്നു.
പൊലീസിനെ പറ്റിച്ചെന്ന തരത്തില് പ്രചരിപ്പിച്ച ഈ വീഡിയോ ശ്രദ്ധയില്പ്പെട്ടതോടെയാണ് പൊലീസ് വിഷ്ണുവിനെ കസ്റ്റഡിയിലെടുത്തിരിക്കുന്നത്.
ഇയാളെ പിന്നീട് ജാമ്യത്തില് വിട്ടു. ബൈക്കും വീഡിയോ എടുത്ത ഫോണും കോടതിയില് ഹാജരാക്കി. ലൈസന്സ് റദ്ദാക്കാന് വേണ്ടി ബൈക്ക് മോട്ടോര് വാഹന വകുപ്പിന് കൈമാറിയിരിക്കുകയാണ്.
https://www.facebook.com/Malayalivartha
