കോവിഡ് വ്യാപനം അതിരൂക്ഷമാകുന്ന സാഹചര്യത്തില് നിയന്ത്രണം കടുപ്പിക്കുമെന്ന് മുഖ്യമന്ത്രി
കേരളത്തില് കോവിഡ് വ്യാപനം അതിരൂക്ഷമാകുന്ന സാഹചര്യത്തില് നിയന്ത്രണം കടുപ്പിക്കുമെന്ന് വ്യക്തമാക്കി മുഖ്യമന്ത്രി പിണറായി വിജയന്. ആളുകള് പുറത്തിറങ്ങുന്നതും കൂട്ടംകുടുന്നതും ഒഴിവാക്കണമെന്ന് മുഖ്യമന്ത്രി അഭ്യര്ത്ഥിച്ചു. ഓക്സിജന് ലെവല് സാധാരണ നിലയിലുള്ളവര് മറ്റ് ആരോഗ്യ പ്രശ്നമില്ലെങ്കില് കോവിഡ് പോസിറ്റിവായി എന്നുള്ളതു കൊണ്ട് മാത്രം ആശുപത്രിയില് പ്രവേശിക്കേണ്ടതില്ല. ഇതുസംബന്ധിച്ച് വിദഗ്ധ സമിതി നിര്ദേശം പുറത്തിറക്കും. ഓക്സിജന് ആവശ്യത്തിന് ലഭ്യമാക്കും. ഓക്സിജന് നീക്കം സുഗമമാക്കാന് എല്ലാ തരത്തിലും ഇടപെടും. കാസര്കോട് ജില്ലയില് കര്ണാടകയില് നിന്നാണ് ഓക്സിജന് ലഭ്യമാകുന്നത്. എന്നാല് അവിടെ പ്രതിസ്നധി നേരിടുന്നതിനാല് കര്ണാടക ചീഫ് സെക്രട്ടറിയുമായി സംസ്ഥാന ചീഫ് സെക്രട്ടറി സംസാരിക്കും. കാസര്കോട് ഉള്പ്പടെ ഓക്സിജന് ലഭ്യമാക്കാനുള്ള നടപടികള് ഇവിടെ സ്വീകരിക്കുമെന്നും മുഖ്യമന്ത്രി വ്യക്തമാക്കി.
https://www.facebook.com/Malayalivartha
