'തള്ളിയത് കൊണ്ട് മാത്രം കാര്യമില്ല'; കോവിഡ് പ്രതിരോധിക്കുന്നതില് സംസ്ഥാന സര്ക്കാര് വന് പരാജയമാണെന്ന് ബി.ജെ.പി സംസ്ഥാന അധ്യക്ഷന് കെ. സുരേന്ദ്രന്
കോവിഡ് പ്രതിരോധിക്കുന്നതില് സംസ്ഥാന സര്ക്കാര് വന് പരാജയമാണെന്നും നമ്ബര് വണ് തള്ള് തള്ളിയത് കൊണ്ട് കാര്യമില്ലെന്നും ബി.ജെ.പി സംസ്ഥാന അധ്യക്ഷന് കെ. സുരേന്ദ്രന്. ആംബുലന്സ് പോലും ലഭ്യമല്ലാത്ത സ്ഥിതിയാണ് നിലവിലുള്ളത്. കേരളത്തില് മാത്രമാണ് കോവിന് ആപ്പിലെ പ്രതിസന്ധി. സ്വകാര്യ ആശുപത്രികളെ സഹായിക്കാന് ബോധപൂര്വ്വം സര്ക്കാര് അട്ടിമറി നടത്തുകയാണ്. ഡി.എം.ഒമാര്ക്ക് കീഴില് പ്രവര്ത്തിക്കുന്ന ഉദ്യോഗസ്ഥ സംഘമാണ് ഇതിന് പിന്നിലെന്നും കോഴിക്കോട് വാര്ത്താസമ്മേളനത്തില് കെ സുരേന്ദ്രന് ആരോപിച്ചു.
സ്വകാര്യ ആശുപത്രിയിലെ കോവിഡ് ചികിത്സക്ക് വന്തുകയാണ്. ഇത് കുറയ്ക്കാന് സര്ക്കാര് തയ്യാറാവുന്നില്ല. ആര്.ടി.പി.സി ആര് ടെസ്റ്റുകള്ക്ക് സ്വകാര്യ ആശുപത്രികള് 1700 രൂപ ചുമത്തുന്നു. ഇത് നിയന്ത്രിക്കാനും സര്ക്കാര് ഒരു നടപടിയുമെടുക്കുന്നില്ല. സംസ്ഥാനത്ത് 10ദിവസമൊക്കെ കഴിഞ്ഞാണ് ആര്.ടി.പി.സി.ആര് ടെസ്റ്റ് റിസല്ട്ട് വരുന്നത്. ആശുപത്രികളില് ലഭ്യമായ കിടക്കകള് സംബന്ധിച്ച് ഒരുവ്യക്തതയുമില്ല. വൈകുന്നേരത്തെ ഉപദേശമല്ലാതെ മറ്റൊന്നും സംസ്ഥാനത്ത് നടക്കുന്നില്ല.
രാജ്യത്തെ 23 സംസ്ഥാനങ്ങള് സൗജന്യ വാക്സിന് നല്കാന് നടപടി തുടങ്ങി. കേരളം ഒന്നും ചെയ്തിട്ടില്ല. ബജറ്റില് ഇതിനായി പണം മാറ്റിവെച്ചിട്ടില്ല. കേന്ദ്രം സൗജന്യമായി നല്കിയ വാക്സിന് വിതരണം ചെയ്യുന്നതിലും അപാകതയുണ്ട്. ആളുകള് പരക്കം പായുകയാണ്. മെഗാ വാക്സിന് സെന്ററുകള് രോഗവ്യാപക കേന്ദ്രമായി മാറിയതായും സുരേന്ദ്രന് ആരോപിച്ചു.
തൃശൂര് കൊടകരയില് പിടിച്ചെടുത്ത കുഴല്പ്പണവുമായി ബി.ജെ.പിക്ക് ബന്ധമില്ലെന്നും സുരേന്ദ്രന് പറഞ്ഞു. ബി.ജെ.പി സ്ഥാനാര്ഥികള്ക്ക് പ്രചാരണച്ചെലവിന് പണം നല്കിയതെല്ലാം ഡിജിറ്റല് മാര്ഗംവഴിയാണ്. അല്ലാത്ത ഒരുപണമിടപാടും ഉണ്ടായിട്ടില്ലെന്നും അദ്ദേഹം പറഞ്ഞു.
https://www.facebook.com/Malayalivartha
