എസ്.എസ്.എല്.സി അവസാന പരീക്ഷ ഇന്ന്.... കൊവിഡ് രണ്ടാം തരംഗം ഉയര്ത്തിയ വെല്ലുവിളികളോട് പൊരുതിയാണ് പത്ത്, 12 ക്ലാസുകളിലെ ഒമ്പത് ലക്ഷത്തോളം വിദ്യാര്ത്ഥികള് പരീക്ഷയ്ക്കെത്തിയത്... ഐ.ടി പ്രാക്ടിക്കല് പരീക്ഷ മാറ്റി, പുതുക്കിയ തീയതി പിന്നീട് അറിയിക്കും
എസ്.എസ്.എല്.സി അവസാന പരീക്ഷ ഇന്ന്. കൊവിഡ് രണ്ടാം തരംഗം ഉയര്ത്തിയ വെല്ലുവിളികളോട് പൊരുതിയാണ് പത്ത്, 12 ക്ലാസുകളിലെ ഒമ്പത് ലക്ഷത്തോളം വിദ്യാര്ത്ഥികള് പരീക്ഷയ്ക്കെത്തിയത്.
നിരവധി നിയന്ത്രണങ്ങള്ക്ക് നടുവില്,പരീക്ഷകള് മാറ്റിവയ്ക്കണമെന്ന ആവശ്യം ശക്തമായി നിലനില്ക്കുമ്പോഴാണ് പരീക്ഷയുമായി മുന്നോട്ടുപോകാന് വിദ്യാഭ്യാസ വകുപ്പ് തീരുമാനമെടുത്തത്.
ഏപ്രില് എട്ടിന് പരീക്ഷ തുടങ്ങിയ ശേഷവും രോഗികളുടെ എണ്ണം ക്രമാതീതമായി വര്ദ്ധിച്ചപ്പോള് ശേഷിക്കുന്ന പരീക്ഷകള് മാറ്റണമെന്ന് ആവശ്യമുയര്ന്നിരുന്നു.
വിദ്യാര്ത്ഥികള് കൂട്ടത്തോടെ രോഗബാധിതരാകുമോയെന്ന ആശങ്കയും അവസാനം വരെ നിലനിന്നു.എസ്.എസ്.എല്.സി ഐ.ടി പ്രാക്ടിക്കല് പരീക്ഷ മാറ്റി
സംസ്ഥാനത്തൊട്ടാകെ മുന്നൂറിലധികം വിദ്യാര്ത്ഥികളാണ് കൊവിഡ് പൊസിറ്റീവായി പരീക്ഷയ്ക്കെത്തിയത്. പ്രത്യേക ഹാളിലായിരുന്നു ഇവര്ക്ക് പരീക്ഷ . മാര്ച്ചില് തന്നെ പരീക്ഷ നടത്തിയിരുന്നെങ്കില് ഇത്രയും രോഗബാധിതര് പരീക്ഷയ്ക്കെത്തേണ്ടി വരില്ലായിരുന്നെന്ന ആരോപണവും ഉയര്ന്നു.
അദ്ധ്യയന വര്ഷത്തിന്റെ ഏറിയ പങ്കും ഓണ്ലൈനായി പഠിച്ചതിന്റെ ആശങ്കയും,. കൊവിഡ് ബാധിതരാകുമോയെന്ന പേടിയുമായിരുന്നു രക്ഷിതാക്കള്ക്കും കുട്ടികള്ക്കും. അദ്ധ്യാപകരുടെ സുരക്ഷയെപ്പറ്റിയും ആശങ്കയുയര്ന്നു.
മേയ് 14നാണ് എസ്.എസ്.എല്.സി മൂല്യനിര്ണയം നടക്കേണ്ടതെങ്കിലും അന്തിമ തീരുമാനം ഒരാഴ്ചയ്ക്കുള്ളില് എടുക്കാനാണ് വിദ്യാഭ്യാസ വകുപ്പിന്റെ നീക്കം.
https://www.facebook.com/Malayalivartha
