അയോധ്യ രാമ ക്ഷേത്ര ട്രസ്റ്റുമായി ബന്ധപ്പെട്ട ഭൂമി ഇടപാടിലെ അഴിമതി ആരോപണം സുപ്രീംകോടതി മേല്‍നോട്ടത്തില്‍ അന്വേഷിക്കണമെന്ന ആവശ്യവുമായി കോണ്‍ഗ്രസ് നേതാവ് പ്രിയങ്ക ഗാന്ധി. സുപ്രീംകോടതി നിര്‍ദേശമനുസരിച്ച്‌ പ്രധാനമന്ത്രി രൂപവത്​കരിച്ച ശ്രീരാം ജന്മഭൂമി തീര്‍ത്ഥ്​ ​ ക്ഷേത്ര ട്രസ്റ്റാണ്​ ക്ഷേത്രനിര്‍മാണത്തിന്​ നേതൃത്വം കൊടുക്കുന്നത്​.

മോദിയുടെ അടുപ്പക്കാരാണ്​ ട്രസ്റ്റിലുള്ളത്​. ഈ സാഹചര്യത്തി​ല്‍ കോടികളുടെ അഴിമതി സംബന്ധിച്ച അന്വേഷണത്തിന്​​ കോടതി മേല്‍നോട്ട വഹിക്കണം -പ്രിയങ്ക ആവശ്യപ്പെട്ടു.

വിശ്വാസo മുതലെടുത്ത്​ നടത്തിയ തട്ടിപ്പ്​ കോടിക്കണക്കിന് ഇന്ത്യക്കാരുടെ വിശ്വാസത്തിനെതിരായ ആക്രമണവും വന്‍ പാപവുമാണെന്നും അവര്‍ ഫേസ്​ബുക്​ കുറിപ്പില്‍ പറഞ്ഞു. രാമ നാമത്തില്‍ ഭക്തര്‍ അര്‍പ്പിക്കുന്ന ഓരോ ചില്ലിത്തുട്ടും വിശ്വാസവുമായി ബന്ധപ്പെട്ട പ്രവര്‍ത്തനങ്ങള്‍ക്ക്​ ഉപയോഗിക്കേണ്ടത് പ്രധാനമന്ത്രിയുടെ ഉത്തരവാദിത്തമാണ്. അല്ലാതെ അഴിമതി നടത്തുകയല്ല വേണ്ടത്​. പ്രിയങ്ക ചൂണ്ടിക്കാട്ടി .

രാമ ക്ഷേത്ര ട്രസ്റ്റ് സെക്രട്ടറി പുറത്തിറക്കിയ പ്രസ്താവനയില്‍, തങ്ങള്‍ വാങ്ങിയ ഭൂമിക്ക്​ മൂല്യ വര്‍ധന ഉണ്ടായെന്നാണ്​ പ്രതികരണം ​. രണ്ട് കോടി രൂപക്ക്​ രണ്ടുപേര്‍ വാങ്ങിയ സ്​ഥലം പ്രധാനമന്ത്രി രൂപവത്​കരിച്ച ട്രസ്റ്റ് വെറും അഞ്ച് മിനിറ്റിനുശേഷം 18.5 കോടി രൂപയ്ക്കാണ്​ വാങ്ങിയത്​. അതായത്​, അതായത് ഭൂമിയുടെ വില സെക്കന്‍റില്‍ 5.5 ലക്ഷം രൂപ എന്ന തോതില്‍ വര്‍ധിച്ചു!. ഇത്​ അവിശ്വസനീയമാണ്​ -പ്രിയങ്ക വ്യക്തമാക്കി.

.

രാമക്ഷേത്രത്തിന്‍റെ പേരില്‍ കോടികളുടെ ഭൂമി തട്ടിപ്പ്​ ആരോപിച്ച്‌​ യുപിയിലെ പ്രതിപക്ഷ പാര്‍ട്ടികളാണ്​ രൂക്ഷ വിമര്‍ശനവുമായി കഴിഞ്ഞ ദിവസം രംഗത്ത്​ വന്നത്​. മാര്‍ച്ച്‌​ 18ന്​ ഒരു വ്യക്​തിയില്‍നിന്ന്​ 1.208 ഹെക്​ടര്‍ ഭൂമി രണ്ടു കോടി രൂപക്ക്​ വാങ്ങിയ സ്​ഥലം രണ്ട്​ റിയല്‍ എസ്​റ്റേറ്റ്​ ഏജന്‍റുമാര്‍ മിനിറ്റുകള്‍ കഴിഞ്ഞ്​ രാമജന്മഭൂമി തീര്‍ഥ ക്ഷേത്ര ട്രസ്റ്റിന്​ 18.5 കോടിക്ക്​ വില്‍പന നടത്തിയതാണ്​ പുറത്ത് വന്നത് .