'ബിജെപി പിന്തുണ സ്വീകരിച്ച എല്ഡിഎഫ് നിലപാട് രാഷ്ട്രീയ മാന്യതയ്ക്ക് ചേര്ന്നതല്ല'; കോട്ടയം നഗരസഭയില് ബിജെപി പിന്തുണയോടെ യുഡിഎഫ് ഭരണം അട്ടിമറിച്ച എല്ഡിഎഫ് നിലപാടില് ശക്തമായ പ്രതിഷേധം ഉയര്ന്നു വരണമെന്ന് കെപിസിസി പ്രസിഡന്റ് കെ സുധാകരന്
കോട്ടയം നഗരസഭയില് ബിജെപി പിന്തുണയോടെ യുഡിഎഫ് ഭരണം അട്ടിമറിച്ച എല്ഡിഎഫ് നിലപാടില് ശക്തമായ പ്രതിഷേധം ഉയര്ന്നു വരണമെന്ന് കെപിസിസി പ്രസിഡന്റ് കെ സുധാകരന് എംപി ആവശ്യപ്പെട്ടു.കേരളത്തിന്റെ രാഷ്ട്രീയ ഭൂമികയില് വര്ഗീയ ഫാസിസ്റ്റ് രാഷ്ട്രീയം വേരറ്റു പോകുമ്ബോള് ഏതു വിധേനയും ഒരു തിരിച്ചു വരവിന് കൊണ്ടു പിടിച്ച ശ്രമം നടത്തുകയാണ് ആര്എസ്എസ്- ബിജെപി സംഘപരിവാര ശക്തികള്.
വര്ഗീയ ഫാസിസ്റ്റ് സംഘടനകളെ അധികാരത്തില് നിന്നും പുറത്തുനിര്ത്തിയാണ് കോട്ടയം നഗരസഭയില് യുഡിഎഫ് ഭരിക്കുന്നത്. ഊണിലും ഉറക്കിലും ബിജെപിക്കെതിരെ പ്രസംഗിക്കുകയും അധികാരത്തിനു വേണ്ടി പട്ടാപ്പകല് ബിജെപി പിന്തുണ പരസ്യമായി സ്വീകരിക്കുകയും ചെയ്യുന്ന എല്ഡിഎഫ് നിലപാട് രാഷ്ട്രീയ മാന്യതയ്ക്ക് ചേര്ന്നതല്ല. ബിജെപിയുടെ പിന്തുണ സിപിഎം സംസ്ഥാന നേതൃത്വത്തിന്റെ അറിവോടു കൂടിയാണോ എന്ന് അവര് വ്യക്തമാക്കണം. കാനത്തെപ്പോലുള്ള വലിയ ഇടതുപക്ഷ ബുദ്ധിജീവികള് ഇനിയും പിണറായി വിജയനെ ന്യായീകരിക്കുമോയെന്നറിയാന് താല്പര്യമുണ്ട്. മതേതര കേരളത്തില് നാളെ നിങ്ങളുടെ സ്ഥാനം ചവറ്റുകുട്ടയായിരിക്കുമെന്നും കെ.സുധാകരന് ഓര്മ്മിപ്പിച്ചു.
https://www.facebook.com/Malayalivartha
