കാക്കനാടിലെ മയക്കുമരുന്ന് കേസിലെ പ്രതികളിൽ നിന്നും നിർണായക വിവരങ്ങൾ ലഭിച്ചെന്ന് എക്സൈസ്. കഴിഞ്ഞ ദിവസം, ക്രൈംബ്രാഞ്ച് കാക്കനാട് ജയിലിലെത്തി പ്രതികളെ എക്‌സൈസ് സംഘം ചോദ്യം ചെയ്തു.

മയക്കുമരുന്ന് വാങ്ങാന്‍ ആരെല്ലാമാണ് പണം വന്‍ തോതില്‍ ഇറക്കിയതെന്ന് പ്രതികള്‍വിവരം നൽകി. ഒന്നു മുതല്‍ നാലുവരെ പ്രതികളായ മുഹമ്മദ് ഫവാസ്, ശ്രീമോന്‍, അഫ്സല്‍ മുഹമ്മദ്, മുഹമ്മദ് അജ്മല്‍ എന്നിവരെയാണ് ചോദ്യം ചെയ്തത്.

ആദ്യഘട്ടത്തിൽ പ്രതികൾ ചോദ്യം ചെയ്യലിനോട് സഹകരിച്ചിരുന്നില്ല.എന്നാല്‍, ഫോൺ സംഭാഷണത്തിന്റെ വിവരങ്ങളുടെ അടിസ്ഥാനത്തില്‍ ചോദ്യങ്ങള്‍ എത്തിയതോടെ പണമിടപാട് വിവരങ്ങള്‍ വെളിപ്പെടുത്താതെ വഴിയില്ലാതായി.പ്രതികള്‍ എം.ജി. റോഡിലെ ഹോട്ടലില്‍ വ്യാജ രേഖകള്‍ നല്‍കി താമസിച്ചിരുന്നതായി കണ്ടെത്തിയിരുന്നു. റേവ് പാര്‍ട്ടി സംഘടിപ്പിക്കുന്നതിന്റെ ഭാഗമായിരുന്നു ഇതെന്നാണ് കരുതുന്നത്.