ഏത് കാലത്താണ് ഇന്നാട്ടിലെ പോലീസ് സേനക്ക് പൗരനെ ആശ്വസിപ്പിക്കാൻ കഴിഞ്ഞിട്ടുള്ളത് ? ഒരു മൊഴി കൊടുക്കാനോ സാക്ഷി പറയാനോ പരാതി കൊടുക്കാനോ വേണ്ടി രണ്ടാമതൊന്ന് ചിന്തിക്കാതെ പോലീസ് സ്റ്റേഷനിലേക്ക് കയറി ചെല്ലാൻ ഒരു സാധാരണക്കാരന് എന്നാണ് സാധിച്ചിട്ടുള്ളത് ? വഴി തെറ്റി പോയ കുട്ടിയെ വീട്ടിലെത്തിക്കുക എന്നതാണു പോലീസിന്റെ ജോലിയെന്ന് ആരോ എഴുതിയത് വായിച്ച ഓർമ്മയുണ്ട്;ആഭ്യന്തര വകുപ്പ് എന്നൊന്ന് കേരളത്തിലുണ്ടെങ്കിൽ പോലീസുകാർക്ക് അത് മനസ്സിലാക്കി കൊടുക്കും എന്ന് കരുതുന്നു;വിമർശനവുമായി സന്ദീപ് ജി വാര്യർ
ഏത് കാലത്താണ് ഇന്നാട്ടിലെ പോലീസ് സേനക്ക് പൗരനെ ആശ്വസിപ്പിക്കാൻ കഴിഞ്ഞിട്ടുള്ളത് ? ഒരു മൊഴി കൊടുക്കാനോ സാക്ഷി പറയാനോ പരാതി കൊടുക്കാനോ വേണ്ടി രണ്ടാമതൊന്ന് ചിന്തിക്കാതെ പോലീസ് സ്റ്റേഷനിലേക്ക് കയറി ചെല്ലാൻ ഒരു സാധാരണക്കാരന് എന്നാണ് സാധിച്ചിട്ടുള്ളത് ?പോലീസിനെ വിമർശിച്ച് സന്ദീപ് ജി വാര്യർ.
അദ്ദേഹത്തിൻെറ ഫേസ്ബുക്ക് കുറിപ്പിന്റെ പൂർണ രൂപം ഇങ്ങനെ; പിങ്ക് പോലീസിനെതിരായ ഹൈക്കോടതിയുടെ വിമർശനം കണ്ടു. പോലീസ് ആ പെൺകുട്ടിയെ കെട്ടിപ്പിടിച്ച് ആശ്വസിപ്പിക്കണമായിരുന്നു എന്നാണ് കോടതി പറഞ്ഞത്. ഏത് കാലത്താണ് ഇന്നാട്ടിലെ പോലീസ് സേനക്ക് പൗരനെ ആശ്വസിപ്പിക്കാൻ കഴിഞ്ഞിട്ടുള്ളത് ?
ഒരു മൊഴി കൊടുക്കാനോ സാക്ഷി പറയാനോ പരാതി കൊടുക്കാനോ വേണ്ടി രണ്ടാമതൊന്ന് ചിന്തിക്കാതെ പോലീസ് സ്റ്റേഷനിലേക്ക് കയറി ചെല്ലാൻ ഒരു സാധാരണക്കാരന് എന്നാണ് സാധിച്ചിട്ടുള്ളത് ? ക്രിമിനൽ കേസുകളിൽ പ്രതിയായ 744 പോലീസുകാർ കേരളത്തിൽ ഉണ്ടെന്ന കണക്കുകൾ കഴിഞ്ഞ ദിവസമാണു പുറത്ത് വന്നത്.
അതിൽ 18 പേരെ മാത്രമാണു കഴിഞ്ഞ പത്ത് വർഷത്തിനിടയിൽ സർവ്വീസിൽ നിന്ന് പുറത്താക്കിയത് എന്നതു തന്നെ പോലീസിലെ ക്രിമിനലിസത്തിന്റെ വ്യാപ്തി കാണിക്കുന്നുണ്ട്. കൊളോണിയൽ ഭരണകാലത്ത് സ്വാതന്ത്ര്യം കാംക്ഷിച്ചിരുന്നവരെ അടക്കിയിരുത്താൻ രൂപീകരിച്ച ഒരു സേന എന്നെങ്കിലും ജനാധിപത്യപരമായി പ്രവർത്തിക്കും എന്ന് ആഗ്രഹിക്കുന്നത് തന്നെ അബദ്ധമാണ് .
അല്ലെങ്കിൽ തന്നെ ഗവർൺമെന്റിന്റെ ശമ്പളം വാങ്ങുന്ന പത്ത് പേർ ചേർന്ന് ജനാധിപത്യപരമായി സമരം ചെയ്യുന്ന ഒരുത്തനെ വട്ടം ചേർന്ന് തല തല്ലി പൊളിക്കുന്ന സമ്പ്രദായം മറ്റെവിടെയാണുള്ളത് ? വാഹന പരിശോധന എന്ന പേരിൽ നികുതിയടക്കുന്ന പൗരനെ ജീപ്പിനടുത്തേക്ക് തെറി പറഞ്ഞ് വിളിപ്പിച്ച് SI യുടെ മുഖദാവിൽ കുമ്പിട്ട് നിർത്തിക്കുന്ന ഏർപ്പാട് ഏത് നാട്ടിലാണുള്ളത് ?
മുടി വളർത്തിയതിനും മുണ്ടിന്റെ കുത്തഴിച്ചിടാത്തതിനും അടി കൊണ്ട് മരിച്ചവരുടെ ശരീരത്തിനു മുകളിൽ ഭയത്തിന്റെ കട്ടകൾ കൊണ്ട് പണിതെടുത്തതാണു ഇന്നാട്ടിലെ ഓരോ പോലീസ് സ്റ്റേഷനുകളും. അതിൽ ജനമൈത്രിക്കോ പിങ്ക് പോലീസിനോ ഒന്നും കാര്യമായ മാറ്റങ്ങളൊന്നും ഉണ്ടാക്കാൻ സാധിച്ചിട്ടില്ല. നമ്മുടെ പോലീസ് സേന നമ്മുടെ സമൂഹത്തിനു ചേർന്ന ഒരു നീതിനിർവ്വഹണ സംഘമല്ല.
ഇന്ന് വരെ അത് അങ്ങനെയായിട്ടില്ല. ഇനിയെന്നെങ്കിലും ആകുമെന്ന പ്രതീക്ഷ പോലും വിദൂരത്താണ് . വഴി തെറ്റി പോയ കുട്ടിയെ വീട്ടിലെത്തിക്കുക എന്നതാണു പോലീസിന്റെ ജോലിയെന്ന് ആരോ എഴുതിയത് വായിച്ച ഓർമ്മയുണ്ട്. ആഭ്യന്തര വകുപ്പ് എന്നൊന്ന് കേരളത്തിലുണ്ടെങ്കിൽ പോലീസുകാർക്ക് അത് മനസ്സിലാക്കി കൊടുക്കും എന്ന് കരുതുന്നു.
https://www.facebook.com/Malayalivartha
