അമേരിക്കയില്വരെ ആളുണ്ടല്ലോ! വെള്ളക്കെട്ടിലൂടെ ബസ് ഓടിച്ച് സസ്പെന്ഷന് കിട്ടിയ ഡ്രൈവര് ജയദീപ് സെബാസ്റ്റ്യന് ജീവിക്കാനായി കൈനീട്ടുന്നു; തന്റെ ദയനീയാവസ്ഥ വിവരിച്ച് ജയനാശാന് വീണ്ടും രംഗത്ത്
വെള്ളക്കെട്ടിലൂടെ ബസ് ഓടിച്ചതിന് കെഎസ്ആര്ടിസി സസ്പെന്ഡ് ചെയ്ത ഡ്രൈവര് ജയദീപ് സെബാസ്റ്റ്യന് എന്ന ജയനാശാന് ജീവിക്കാനായി സുമനസ്സുകളുടെ സഹായം തേടുന്നു. സസ്പെന്ഡ് ചെയ്ത സമയത്ത് തന്നെ തോല്പ്പിക്കാന് നോക്കേണ്ട തന്റെ ബന്ധുക്കള് അമേരിക്കയില് വരെയുണ്ടെന്നും വേണ്ട സ്വത്തും വകയും ഒക്കെ ഉണ്ടെന്ന് പറഞ്ഞിരുന്നു. ജോലി പോയാല് പുല്ലെന്നും പറഞ്ഞു.
എന്നാലിപ്പോള് ജീവിക്കാന് ഉള്ളത് തരണമെന്നാണ് ജയദീപനാശാന് പറയുന്നത്. വലിയ തുക സഹായിക്കാന് പറ്റിയില്ലെങ്കിലും കൈയ്യിലുള്ളത് തരാന് മടിക്കരുതെന്നും ആശാന് പറയുന്നു. ആശാനെതിരെ ട്രോളും വരുന്നുണ്ട്.
ഫേസ്ബുക്ക് വീഡിയോ വഴിയാണ് തന്റെ ദയനീയാവസ്ഥ അദ്ദേഹം പങ്കുവെച്ചത്. ആദ്യം ഇട്ട പോസ്റ്റ് ഫേക്കാണെന്ന് പറഞ്ഞപ്പോള് വീണ്ടും ആശാന് രംഗത്തെത്തി. താന് നാട് വിട്ടിട്ട് 45 ദിവസമായെന്നും, അന്യസംസ്ഥാനത്ത് ഒളിച്ച് താമസിക്കുകയാണെന്നും ജയദീപ് സെബാസ്റ്റ്യന് പറയുന്നു.
ലൈസന്സ് റദ്ദാക്കി, ജോലി നഷ്ടപ്പെട്ടു, നാട്ടില് പോകാനുമാകാത്ത അവസ്ഥയിലാണ് താന്. നാട്ടിലുള്ള മാതാപിതാക്കളെയും, ഭാര്യയേയും, മക്കളേയും തനിക്ക് കാണാനാകുന്നില്ല. കേസ് വന്നതിനു പിന്നാലെ തന്റെ പേരില് വില്പത്രം എഴുതി വച്ചിരുന്ന വസ്തു വകകള് മാതാപിതാക്കള് ഭാര്യയുടെയും, മക്കളുടെയും പേരിലേയ്ക്ക് മാറ്റി. ഇപ്പോള് തനിക്ക് കേസ് നടത്താന് പോലും ഗതിയില്ലാത്ത അവസ്ഥയാണെന്നും ജയദീപ് പറയുന്നു.
അന്നത്തെ ആ സംഭവത്തിനുശേഷം നാട്ടില് കാലു കുത്താന് സാധിക്കാത്ത അവസ്ഥയാണ്, ലൈസന്സ് നഷ്ടമായി, അഞ്ച് ലക്ഷത്തി മുപ്പത്തിയ്യായ്യിരം രൂപ അടച്ചാലെ ജാമ്യം കിട്ടുവുള്ളൂ, പന്ത്രണ്ട് വര്ഷം അന്തസ്സായി ജോലി ചെയ്ത എനിക്കു കിട്ടിയ സമ്മാനമാണിത്. അതുകൊണ്ടാണ് ഞാന് നിങ്ങളുടെ മുമ്പില് യാചിക്കുന്നത്, നിങ്ങള്ക്ക് പറ്റുന്ന പണം എന്റെ അക്കൗണ്ടില് ഇട്ടു തരൂ, ലൈസന്സ് പോയി, ജോലി പോയി, എന്റെ പിതാവ് എന്റെ പേരിലുള്ള വില്പ്പത്രം മാറ്റിമറിച്ചു.. അതുകൊണ്ട് ജീവിക്കാന് സാധിക്കാത്ത അവസ്ഥയാണ്.. ഈ നിഷ്കളങ്കനായ കലാകാരന് പറ്റുന്ന സഹായം ചെയ്യൂ...
അമേരിക്കയിലേക്ക് ഒന്നും പോകാന് സാധിക്കാത്ത അവസ്ഥയാണിപ്പോള്, കേസായതുകൊണ്ട് എങ്ങോട്ടും പോക്ക് എനിക്ക് നടക്കില്ല, ഒന്നുകില് ജയില് അല്ലെങ്കില് മരണം ഇതിലേക്ക് മാത്രമേ എനിക്ക് പോകാന് സാധിക്കുവൊള്ളൂ... തെങ്ങുകയറാനും മരം കേറാനും റബര് വെട്ടാനും ഇലക്ട്രോണിക്സ് വര്ക്കുമെല്ലാം എനിക്കറിയാം, പക്ഷെ എന്നെ അകത്തിട്ടെ അടങ്ങൂ എന്ന നിലപാടിലാണ് അവര്. എന്റെ കഴുത്തില് കിടക്കുന്ന മാലയും കുരിശുമൊന്നും പൊന്നല്ല, ഒരു ഗെറ്റപ്പിനുവേണ്ടി ഗ്ലാമറിനുവേണ്ടി 500 രൂപ കൊടുത്തു വാങ്ങിയിട്ടതാണെന്നും ജയദീപ് പറയുന്നു.
വെള്ളക്കെട്ടിലൂടെ ബസ് ഓടിച്ച് യാത്രക്കാരുടെ ജീവന് ഭീഷണിയുണ്ടാക്കിയെന്ന പേരില് സസ്പെന്ഷനിലായ ജയനാശാന് നടപടിയില് രൂക്ഷ പ്രതികരണവുമായി അന്ന് രംഗത്തെത്തിയിരുന്നു. പൂഞ്ഞാര് സെന്റ്മേരീസ് പള്ളിക്ക് മുന്നില് രൂപപ്പെട്ട വെള്ളക്കെട്ടിലൂടെയാണ് ജയദീപ് ബസോടിച്ചത്. ഗതാഗത മന്ത്രി ആന്റണി രാജു കെഎസ്ആര്ടിസി മാനേജിങ് ഡയറക്ടര്ക്ക് നിര്ദേശം നല്കിയാണ് ജയദീപിനെ സസ്പെന്ഡ് ചെയ്യിപ്പിച്ചത്. അവധി ചോദിച്ച് ലഭിക്കാതിരുന്ന തനിക്ക് ഈ സസ്പെന്ഷന് വലിയ അനുഗ്രമായെന്നാണ് ജയദീപ് പറഞ്ഞത്.
ഇതുമായി ബന്ധപ്പെട്ട് ഫെയ്സ്ബുക്കിലൂടെയുള്ള ജയദീപിന്റെ ഒരു പ്രതികരണം ഇങ്ങനെയായിരുന്നു. 'എന്നെ സസ്പെന്ഡ് ചെയ്ത കെ.എസ്.ആര്.ടി.സിയിലെ കൊണാണ്ടന്മാര് അറിയാന് ഒരു കാര്യം. എപ്പോഴും അവധി ആവശ്യപ്പെട്ട് നടക്കുന്ന ദിവസം അമിത പണം അധ്വാനിക്കാതെ ഉണ്ടാക്കുന്ന എന്നേ സസ്പെന്റ് ചെയ്ത് സഹായിക്കാതെ വല്ലോ കഞ്ഞി കുടിക്കാന് നിവൃത്തി ഇല്ലാത്തവരെ പോയി ചെയ്യുക. ഹ ഹ ഹ ഹാ...'
ഏത് തൊഴിലും അറിയാവുന്നവനാണ് താനെന്നും പറഞ്ഞ് അച്ഛന്റെ മുടിവെട്ടി കൊടുക്കുന്ന വീഡിയോയും അദ്ദേഹം പോസ്റ്റ് ചെയ്തിരുന്നു. ഇപ്പോഴിതാ ആശാന് കാല് കാശിനായി കൈനീട്ടുന്നു. ഇത്രയേയുള്ളൂ ജീവിതം.
"
https://www.facebook.com/Malayalivartha