ദൂരൂഹസാഹചര്യത്തില് വീടിനകത്തു പൊള്ളലേറ്റു വീട്ടമ്മയും മകനും മരിച്ച സംഭവത്തില് മരണമൊഴിയില് പരാമര്ശിച്ച യുവാവിനെ പോലീസ് ചോദ്യം ചെയ്യുന്നു...
ദൂരൂഹസാഹചര്യത്തില് വീടിനകത്തു പൊള്ളലേറ്റു വീട്ടമ്മയും മകനും മരിച്ച സംഭവത്തില് മരണമൊഴിയില് പരാമര്ശിച്ച യുവാവിനെ പോലീസ് കസ്റ്റഡിയില് എടുത്തു.
സംഭവത്തിലെ ദുരൂഹത നീക്കാന് യുവാവിനെ ചോദ്യം ചെയ്തു വരികയാണ്. നായരന്പലം ഭഗവതി ക്ഷേത്രത്തിനു കിഴക്ക് തെറ്റയില് പരേതനായ സാജുവിന്റെ ഭാര്യ സിന്ധു(42), മകന് അതുല്(18) എന്നിവരാണ് മരിച്ചത്.
എറണാകുളത്തെ സ്വകാര്യ ആശപത്രിയില് പ്രവേശിപ്പിച്ചിരുന്ന സിന്ധു ഇന്നലെ രാവിലെ ആശുപത്രിയിലെത്തിച്ച ഉടനെയും മകന് ഇന്നു പുലര്ച്ചെ അഞ്ചിനുമാണ് മരിച്ചത്. സംഭവത്തെത്തുടര്ന്ന് ഓടിക്കൂടിയവര്ക്കു വീട്ടമ്മ നല്കിയ മരണമൊഴില് പരാമര്ശിച്ച സ്ഥലവാസിയായ ദീലീപ് എന്ന യുവാവിനെയാണ് പോലീസ് കസ്റ്റഡിയിലെടുത്തത്.
അമ്മയും മകനും തനിച്ചു താമസിച്ചിരുന്ന വീട്ടില്നിന്ന് ഇന്നലെ പുലര്ച്ചെ ആറിനു പുക ഉയരുന്നതുകണ്ട് അടുത്തു താമസിച്ചിരുന്ന ബന്ധുക്കളും നാട്ടുകാരും വാതില് ചവിട്ടിപ്പൊളിച്ച് അകത്തു കടന്നപ്പോള് ഹാളില്നിന്നും കിടപ്പുമുറിയില്നിന്നും തീ പടരുന്നതാണ് കണ്ടത്.
മരണ വെപ്രാളത്താല് നിലവിളിക്കുകയായിരുന്നു ഇരുവരും. ഉടന്തന്നെ തീ കെടുത്തി ആംബുലന്സില് എറണാകുളത്തെ സ്വകാര്യ ആശുപത്രിയിലെത്തിച്ചെങ്കിലും രണ്ടു പേരുടെയും ജീവന് രക്ഷിക്കാനായില്ല. സിന്ധുവിന്റെ മൃതദേഹം ഇന്നലെ ഞാറക്കല് സിഐ രാജന് കെ. അരമനയുടെ നേതൃത്വത്തില് ഇന്ക്വസ്റ്റ് നടത്തി പോസ്റ്റുമോര്ട്ടത്തിനായി മാറ്റിയിരുന്നു.
ഇന്ന് രാവിലെ കളമശേരി മെഡിക്കല് കോളജില് പോലീസ് സര്ജന് പോസ്റ്റ്മോര്ട്ടം നടത്തും. അതുലിന്റെ മൃതദേഹം ഇന്നു രാവിലെ ഇന്ക്വസ്റ്റ് നടത്തി. ഇതും പോസ്റ്റുമോര്ട്ടത്തിനായി മെഡിക്കല് കോളജിലേക്ക് മാറ്റിയിരിക്കുകയാണ്. രണ്ടു മൃതദേഹങ്ങളും ഇന്നു വൈകുന്നേരത്തോടെ നായരന്പലം വാടേല് സെന്റ് ജോര്ജ് പള്ളിയില് സംസ്കരിക്കും.
"
https://www.facebook.com/Malayalivartha
