ബൈക്കും ബസും കൂട്ടിയിടിച്ചുണ്ടായ അപകടത്തെ തുടര്‍ന്ന് മസ്തിഷ്‌ക മരണം സംഭവിച്ച വിനോദിന്റെ കരങ്ങള്‍ ഇനി കര്‍ണാടക സ്വദേശിയായ യുവാവിന് തുണയാകും... അതി സങ്കീര്‍ണമായ ശസ്ത്രക്രിയ മണിക്കൂറുകള്‍ നീളുമെന്ന് ഡോക്ടര്‍മാര്‍
ബൈക്കും ബസും കൂട്ടിയിടിച്ചുണ്ടായ അപകടത്തെ തുടര്‍ന്ന് മസ്തിഷ്‌ക മരണം സംഭവിച്ച വിനോദിന്റെ കരങ്ങള്‍ ഇനി കര്‍ണാടക സ്വദേശിയായ യുവാവിന് തുണയാകും. തിരുവനന്തപുരം മെഡിക്കല്‍ കോളേജില്‍ വെച്ച് മസ്തിഷ്‌ക മരണം സംഭവിച്ച കൊല്ലം കിളികൊല്ലൂര്‍ കന്നിമേല്‍ചേരി ചെമ്പ്യാപിള്ള തൊടിയില്‍ വീട്ടില്‍ എസ്. വിനോദിന്റെ (51) കൈകളാണ് ദാനം ചെയ്തത്.
തിരുവനന്തപുരത്തുനിന്ന് കൊച്ചിയിലേക്ക് ഹെലികോപ്റ്റര്‍ മാര്‍ഗമെത്തിച്ച കൈകള്‍ കര്‍ണാടക സ്വദേശിയായ യുവാവിന് തുന്നിച്ചേര്‍ക്കുന്നതിനുള്ള ശസ്ത്രക്രിയ കൊച്ചി അമൃത ആശുപത്രിയില്‍ തുടങ്ങി.
ഡിസംബര്‍ 30-നാണ് ബൈക്കും ബസും കൂട്ടിയിടിച്ചുണ്ടായ അപകടത്തില്‍ വിനോദിന് പരിക്കേറ്റത്. ചൊവ്വാഴ്ച രാത്രി മസ്തിഷ്‌കമരണം സ്ഥിരീകരിച്ചതിനെ തുടര്‍ന്ന് അവയവങ്ങള്‍ ദാനം ചെയ്യാന്‍ ബന്ധുക്കള്‍ സമ്മതിക്കുകയായിരുന്നു.
സംസ്ഥാന സര്‍ക്കാരിന്റെ മൃതസഞ്ജീവനി പദ്ധതി വഴിയാണ് ഇതിനുള്ള നടപടികള്‍ പൂര്‍ത്തിയാക്കിയത്. തുടര്‍ന്ന് അമൃത ആശുപത്രിയില്‍നിന്നുള്ള ഡോക്ടര്‍മാരുടെ സംഘം ഇന്നലെ പുലര്‍ച്ചെ തന്നെ തിരുവനന്തപുരം മെഡിക്കല്‍ കോളേജിലെത്തി. ശസ്ത്രക്രിയയും മറ്റും പൂര്‍ത്തിയാക്കി വൈകീട്ട് 3.45 - ഓടെ ഡോക്ടര്‍മാരുടെ സംഘം തിരുവനന്തപുരം എയര്‍പോര്‍ട്ടിലെത്തി. 4.05-ന് കൈകളുമായി ഹെലികോപ്റ്റര്‍ കൊച്ചിയിലേക്ക് പറന്നു. അഞ്ച് മണിക്ക് ഇടപ്പള്ളിയിലെ സ്വകാര്യ ഹെലിപാഡിലിറങ്ങി. തുടര്‍ന്ന് ഡോക്ടര്‍മാര്‍ കൈകളുമായി ആംബുലന്‍സില്‍ അമൃത ആശുപത്രിയിലേക്ക് തിരിച്ചു.
റോഡിലെ തിരക്കൊഴിവാക്കാന്‍ പോലീസ് സഹായിച്ചു. സെന്റര്‍ ഫോര്‍ പ്ലാസ്റ്റിക് ആന്‍ഡ് റീ കണ്‍സ്ട്രക്ടീവ് സര്‍ജറി വിഭാഗം മേധാവി ഡോ. സുബ്രഹ്മണ്യ അയ്യര്‍, ഡോ. പ്രൊഫസര്‍ ഡോ. മോഹിത് ശര്‍മ എന്നിവരുടെ നേതൃത്വത്തിലാണ് ശസ്ത്രക്രിയ നടക്കുന്നത്. അതി സങ്കീര്‍ണമായ ശസ്ത്രക്രിയ മണിക്കൂറുകള്‍ നീളുമെന്ന് ഡോക്ടര്‍മാര്‍.
അച്ഛനും മകളും ട്രെയിന്‍ തട്ടി മരിച്ച നിലയില്‍...... മലപ്പുറം താനൂരിലാണ് അപകടം, പാളം മുറിച്ചു കടക്കുന്നതിനിടെയാണ് അപകടം
https://www.facebook.com/Malayalivartha
