കടുത്ത ചൂടിൽ വെന്തുരുകുയാണ് കേരളം. കഴിഞ്ഞ കുറച്ചുദിവസങ്ങളായി സംസ്ഥാനത്ത് അതിശക്തമായ ചൂട് താപനില ഉയരുന്ന അവസ്ഥയുമാണ് നിലനിൽക്കുന്നത്. എന്നാൽ ഇപ്പോൾ ഇതാ ഈ കടും ചൂടിൻ ഇടയിലും ആശ്വാസമായി മറ്റൊരു വിവരം കൂടി പുറത്തു വരികയാണ്. സംസ്ഥാനത്ത് ഒറ്റപ്പെട്ട ഇടങ്ങളിൽ മഴയ്ക്ക് സാധ്യത എന്ന വിവരം ഒരേസമയം ആശ്വാസവും അതേസമയം ആശങ്കയും നൽകുന്നു.

കടുത്ത ചൂടിൽ നിന്നും ആശ്വാസ ത്തിലേക്ക് കടുത്ത ചൂടിൽ നിന്നും അടുത്ത പ്രശ്നത്തിലേക്ക് കേരളം നീങ്ങുന്നു എന്ന് വേണമെങ്കിൽ പറയാം സംസ്ഥാനത്ത് ഇന്ന് ഒറ്റപ്പെട്ട ഇടങ്ങളിൽ മഴയ്‌ക്ക് സാദ്ധ്യത.ചക്രവാതച്ചുഴി തെക്ക് പടിഞ്ഞാറൻ ബംഗാൾ ഉൾക്കടലിൽ രൂപപ്പെട്ടതായി കാലാവസ്ഥാ വകുപ്പ് അറിയിച്ചു. ഇതോടെ സംസ്ഥാനത്തൊട്ടാകെ വേനൽ മഴ ലഭിക്കാൻ സാദ്ധ്യതയുണ്ടെന്നാണ് കണക്കാക്കുന്നത്.

മഴയ്‌ക്ക് സാദ്ധ്യത കൂടുതൽ അന്തരീക്ഷ ആർദ്രത കൂടുതലുള്ള പ്രദേശങ്ങളിലാണ്. തെക്കൻ കേരളത്തിലാണ് വേനൽ മഴയ്‌ക്ക് കൂടുതൽ സാദ്ധ്യതയെന്നും കാലാവസ്ഥാ വകുപ്പ് അറിയിച്ചു. കൊല്ലം, പത്തനംതിട്ട, ആലപ്പുഴ, എറണാകുളം ജില്ലകളിൽ ഇന്ന് മഴ ലഭിക്കും. തിരുവനന്തപുരം ജില്ലയിലെ മലയോര മേഖലയിലും മഴയ്‌ക്ക് സാദ്ധ്യതയുണ്ട്.

മാർച്ച് 20 വരെ ശരാശരി വേനൽ മഴ കിട്ടാനാണ് സാധ്യത . 20ന് ശേഷം ബംഗാൾ ഉൾക്കടലിൽ പുതിയ ന്യൂനമർദ്ദം രൂപപ്പെടാൻ സാദ്ധ്യതയുണ്ട്. ഇതിന്റെ സ്വാധീനഫലമായും സംസ്ഥാനത്ത് മഴ ലഭിച്ചേക്കും. ന്യൂനമർദ്ദത്തിന്റെ സഞ്ചാര പാത വ്യക്തമായിട്ടില്ല. പക്ഷേ കേരളത്തിൽ മഴയ്‌ക്ക് സാദ്ധ്യതയുണ്ടെന്നാണ് പ്രവചനം.