കഴിഞ്ഞ ദിവസമാണ് പൃഥ്വിരാജിന്റെ ഉടമസ്ഥതയിലുള്ള ഫ്ലാറ്റിൽ നിന്ന് മയക്കുമരുന്ന് മാഫിയയുമായി ബന്ധപ്പെട്ട് ഒരാളെ അറസ്റ്റ് ചെയ്തതായുള്ള വാർത്തകൾ പുറത്ത് വന്നത്. എന്നാൽ ഇതിനുപിന്നാലെ മറ്റൊരു വാർത്തകൾ ഒന്നും തന്നെ പുറത്ത് വന്നിരുന്നില്ല എന്നുമാത്രമല്ല പൃഥ്വിരാജ് അയ്യാളെപ്പറ്റി ഒന്നും അറിയില്ല എന്നും പറയുകയുണ്ടായി, ഇപ്പോഴിതാ പ്രതികരണവുമായി ഹരീഷ് പേരടി രംഗത്ത് എത്തിയിരിക്കുകയാണ്.

എന്തുകൊണ്ട് മാധ്യമങ്ങൾ പൃഥ്വിരാജിനെ വെറുതെ വിടുന്നു എന്നാണ് ഹരീഷ് പേരടി ചോദിക്കുന്നു. ദിലീപിനും വിനായകനും പൃഥ്വിരാജിനും ഒക്കെ പല നീതിയാണോ എന്നും അദ്ദേഹം തന്റെ ഫേസ്ബുക്ക് പോസ്റ്റിലൂടെ ചോദിക്കുകയുണ്ടായി. നടിയെ ആക്രമിച്ച കേസിൽ, തനിക്ക് പൾസർ സുനിയെ അറിയില്ല എന്നാണ് ദിലീപ് പറഞ്ഞതെന്നും ഹരീഷ് ചൂണ്ടിക്കാട്ടിയിരുന്നു.

പോസ്റ്റിന്റെ പൂർണ്ണ രൂപം കാണാം:

എല്ലാം വാർത്തകൾ ആണ്.. വാർത്തകൾ കേൾക്കുന്നതുകൊണ്ട് പറയുകയാണ്… പൃഥിരാജ് വാടകക്ക് കൊടുത്ത ഒരു ഫ്ലാറ്റിൽനിന്ന് ഡ്രഗ് മാഫിയയുമായി ബന്ധപ്പെട്ട ഒരാളെ കേരളാപോലീസ് അറസ്റ്റ് ചെയ്യുന്നു…പോലീസ് പൃഥിവിനോട് അയാളെ പറ്റി ചോദിക്കൂമ്പോൾ പൃഥി പറയുന്നു എനിക്ക് അയാളെ അറിയില്ല…ഒരു ഏജൻസി വഴിയാണ് വീട് വാടകക്ക് കൊടുത്തത് എന്ന്… നടിയെ ആക്രമിച്ച കേസിൽ ദിലീപും ഇത് തന്നെയല്ലെ പറഞ്ഞത് പൾസർ സുനിയെ എനിക്ക് അറിയില്ലാ എന്ന്..

വിനായകൻ സ്ത്രി സമൂഹത്തെ മുഴുവൻ അടച്ച ആക്ഷേപിച്ചപ്പോളുള്ള അഭിപ്രായ വിത്യാസം അതേപടി നിലനിർത്തികൊണ്ടുതന്നെ ചോദിക്കട്ടെ.. ദളിതനായ വിനായകനെ അവഹേളിച്ച ഒരു ചോദ്യവും ഡ്രഗ് മാഫിയയുമായി ബന്ധപ്പെട്ട, നായരായ പൃഥിരാജിനോട് ഒരു സിനിമയുടെ പ്രമോഷനുമായി നിങ്ങൾ പത്രക്കാരുടെ മുന്നിലിരുന്നപ്പോൾ നാവ് പണയം കൊടുത്ത നിങ്ങൾക്ക് ഉണ്ടായില്ലല്ലോ.. ഇവിടെയാണ് കോണോത്തിലെ നാലാം തൂണുകളെ നിങ്ങളുടെ വിവേചനം.. വിനായകനോട് എന്തും ആവാം..

കാരണം അവൻ കറുത്തവനാണ്.. ദളിതനാണ്… പൃഥിരാജ് വെളുത്തവനാണ്.. നായരാണ്.. സൂപ്പർസ്റ്റാറാണ്.. പൃഥിരാജിനും ദിലീപിനും വിനായകനും എനിക്കും ഒക്കെ ഒരേ നിയമമാണ്… അതുകൊണ്ട് പറയുകയാണ് ഈ വിഷയത്തിൽ പൃഥിരാജിന്റെ വാർത്താസമ്മേളനം കാണാൻ ആഗ്രഹമുണ്ട്.. പോലീസിന്റെ വിശദികരണവും കേൾക്കാൻ ആഗ്രഹമുണ്ട്… കാരണം ഞങ്ങൾ ജനഗണമന ചൊല്ലുന്നവരാണല്ലോ…ജയഹേ…ജയഹേ…ജയഹേ…