പ്രാദേശിക അന്താരാഷ്ട്ര ചലച്ചിത്രോത്സവത്തില് ഇന്ന് പ്രദര്ശനത്തിനെത്തുന്നത് പോരാട്ടങ്ങളുടെ കഥപറയുന്ന സിനിമകള്.... മനുഷ്യന്റെ അതിജീവനക്കാഴ്ചകളുമായി അഞ്ചു ദിവസം സിനിമാപ്രേമികള്ക്ക് വിരുന്നൊരുക്കിയ ചലച്ചിത്രമേളയ്ക്ക് ഇന്ന് തിരശ്ശീല വീഴും
പ്രാദേശിക അന്താരാഷ്ട്ര ചലച്ചിത്രോത്സവത്തിന്റെ അവസാന ദിനമായ ഇന്ന് പ്രദര്ശനത്തിനെത്തുന്നത് പോരാട്ടങ്ങളുടെ കഥപറയുന്ന സിനിമകളാണ്.
അഫ്ഗാന് ചിത്രം 'ഹവ മറിയം ആയിഷ'യും ജോര്ജിയന് ചിത്രം 'ബ്രൈറ്റന് ഫോര്ത്തും' ഉള്പ്പെടെ വിവിധ വിഭാഗങ്ങളിലായി 14 സിനിമകളാണ് ഇന്ന് വെള്ളിത്തിരയിലെത്തുന്നത്.
സഹ്റ കരിമി സംവിധാനം ചെയ്ത 'ഹവ മറിയം ആയിഷ' വിവിധ പശ്ചാത്തലത്തില് നിന്ന് വരുന്ന മൂന്ന് ഗര്ഭിണികളുടെ ജീവിതം അവതരിപ്പിക്കുന്ന സിനിമയാണ്. ഇന്ന് ഉച്ചകഴിഞ്ഞ് 2.45-ന് സവിത തിയേറ്ററില് ഫ്രെയിമിങ് കോണ്ഫ്ലിക്ട് വിഭാഗത്തിലാണ് ചിത്രം കാണിക്കുന്നത്.
സൈന്യം പിടിച്ചുകൊണ്ടുപോയ തന്റെ മകനെ തിരിച്ചുകിട്ടാന് ശ്രമിക്കുന്ന അമ്മയുടെ കഥപറയുന്ന 'അംപാറോ', യുദ്ധത്തിനിടെ ഭര്ത്താവിനെ കാണാതാവുന്ന 'ഫഹ്രിജെ' എന്ന വനിതയുടെ അതിജീവനത്തിനായുള്ള പോരാട്ടത്തിന്റെ കഥപറയുന്ന യൂറോപ്യന് ചിത്രം 'ഹൈവ', , കുസിജനോവിച്ച് സംവിധാനം ചെയ്ത അമേരിക്കന് ചിത്രം 'മുറിന' എന്നിവ ഉള്പ്പെടെയുളള ആറ് ചിത്രങ്ങളാണ് ലോക സിനിമാ വിഭാഗത്തില് പ്രദര്ശിപ്പിക്കുന്നത്.
അവസാന ദിനത്തിലെ ഇന്ത്യന് ചിത്രങ്ങളാണ് 'ഹോമേജ്' വിഭാഗത്തില് പി. ബാലചന്ദ്രന് ആദരസൂചകമായി പ്രദര്ശിപ്പിക്കുന്ന 'ഇവന് മേഘരൂപന്', അടല് കൃഷ്ണന് സംവിധാനം ചെയ്ത 'വുമണ് വിത്ത് എ മൂവിങ് ക്യാമറ', മലയാളം ചിത്രം 'ഉദ്ധരണി' എന്നിവയാണ്.
കുറഞ്ഞ ചിലവില് കോളേജ് വിദ്യാര്ഥികള് ചിത്രീകരിച്ച സിനിമയാണ് 'വുമണ് വിത്ത് എ മൂവി ക്യാമറ'. സ്ത്രീജീവിതത്തിന്റെ സങ്കീര്ണതകളിലൂടെ സഞ്ചരിക്കുന്ന ചിത്രം തിരുവനന്തപുരം മേളയില് പ്രേക്ഷകപ്രശംസ നേടിയിരിക്കുകയായിരുന്നു.
അച്ഛനും മകനും തമ്മിലുള്ള ഹൃദയബന്ധം പറയുന്ന 'ബ്രൈറ്റന് ഫോര്ത്ത്' മേളയുടെ അവസാന ദിനമായ ചൊവ്വാഴ്ച രാത്രി 8.30-ന് മുഖ്യവേദിയായ സരിത തിയേറ്ററിലാണ് പ്രദര്ശിപ്പിക്കുന്നത്.
ലോസ് ആഞ്ജലിസില് നടന്ന ഏഷ്യന് വേള്ഡ് ഫിലിം ഫെസ്റ്റിവലില് മികച്ച ചിത്രത്തിനുള്ള പുരസ്കാരം ഉള്പ്പെടെ വിവിധ ചലച്ചിത്ര മേളകളിലായി ആറ് പുരസ്കാരങ്ങള് നേടിയ ചിത്രമാണിത്.
https://www.facebook.com/Malayalivartha
