ആ കാഴ്ച കണ്ണീര്ക്കാഴ്ചയായി..... വിവാഹ ചടങ്ങിന് പോകുന്നതിനുമുമ്പേ വീട്ടുമുറ്റത്ത് ഓടിക്കളിച്ച നസ്രിയ തിരിച്ചെത്തിയത് വെള്ളപുതപ്പിച്ച്.... നിലവിളിച്ച് ഉറ്റവര്.... ആലപ്പുഴ ചാരുംമൂട് ദേശീയപാതയിലുണ്ടായ അപകടത്തില് മരിച്ച മനിതയ്ക്കും നസ്രീയയ്ക്കും വിട നല്കിയത് കണ്ണീരോടെ ....
ആ കാഴ്ച കണ്ണീര്ക്കാഴ്ചയായി..... വിവാഹ ചടങ്ങിന് പോകുന്നതിനുമുമ്പേ വീട്ടുമുറ്റത്ത് ഓടിക്കളിച്ച നസ്രിയ തിരിച്ചെത്തിയത് വെള്ളപുതപ്പിച്ച്.... നിലവിളിച്ച് ഉറ്റവര്.... ആലപ്പുഴ ചാരുംമൂട് ദേശീയപാതയിലുണ്ടായ അപകടത്തില് മരിച്ച മനിതയ്ക്കും നസ്രീയയ്ക്കും വിട നല്കിയത് കണ്ണീരോടെ ....
ഇന്നലെ വൈകുന്നേരം നാല് മണിയോടെ മൃതദേഹങ്ങള് വീടുകളില് എത്തിച്ചപ്പോള് ഇരുവരെയും അവസാനമായി ഒരുനോക്കു കാണാന് നൂറുകണക്കിനാളുകളാണ് എത്തിയത്.വ്യാഴാഴ്ച വൈകുന്നേരം നാല് മണിയോടെയാണ് പുറക്കാട് പുന്തലയ്ക്ക് സമീപത്തായി നിയന്ത്രണംവിട്ട കാര് ഇടിച്ചുകയറി ചാരുംമൂട് തത്തംമുന്ന പാലവിളയില് സുനില് ജാസ്മിന് ദമ്പതികളുടെ മകള് നസ്രിയയും (7) സുനിലിന്റെ സഹോദരി മനിതയും (37) മരിച്ച അപകടമുണ്ടായത്.
മെഡിക്കല് കോളജ് ആശുപത്രിയില് പോസ്റ്റ്മോര്ട്ടം നടത്തിയതിനുശേഷമാണ് മൃതദേഹങ്ങള് വീടുകളില് എത്തിച്ചത്. റോഡിന്റെ ഇരുവശങ്ങളിലായി അടുത്തടുത്താണ് ഇരുവീടുകളും. രാവിലെ വിവാഹച്ചടങ്ങില് പങ്കെടുക്കാന് പോകുന്നതിനു മുന്പ് ഓടിക്കളിച്ച മുറ്റത്തേക്ക് ഇന്നലെ വൈകുന്നേരം നസ്രിയയുടെ മൃതശരീരം എത്തിച്ചപ്പോള് ആര്ക്കും കണ്ടു നില്ക്കാനായില്ല. സങ്കടം അണപൊട്ടിയൊഴുകി.
നസ്രിയയുടെ മാതാപിതാക്കളെയും ഏക സഹോദരി നസ്രിനെയും ആശ്വസിപ്പിക്കാന് കൂടിനിന്നവര്ക്കായില്ല. മനിതയുടെ മൃതദേഹത്തിനരികില് തളര്ന്നിരുന്ന ഭര്ത്താവ് താഹയെയും മക്കളായ നജീബിനെയും ഫര്ഹാനയെയും ആശ്വസിപ്പിക്കാന് ബന്ധുക്കള്ക്കായില്ല. നസ്രിയ പഠിച്ചിരുന്ന ചാരുംമൂട് സെന്റ് മേരീസ് സ്കൂളിലെ സഹപാഠികളും അധ്യാപകരും മനിതയുടെ മക്കള് പഠിച്ചിരുന്ന വിവിഎച്ച്എസ്എസിലെ വിദ്യാര്ഥികളും അധ്യാപകരും എം.എസ്.അരുണ്കുമാര് എംഎല്എയും മറ്റു രാഷ്ട്രീയ സാമൂഹിക പ്രവര്ത്തകരും അന്തിമോപചാരം അര്പ്പിക്കാന് എത്തിയിരുന്നു.
മനിതയുടെ മൃതദേഹം ചുനക്കര വടക്ക് നൂറുല് മുസ്ലിം ജമാഅത്ത് പള്ളിയിലും നസ്രിയയുടെ മൃതദേഹം ചുനക്കരതെക്ക് മുസ്ലിം ജമാഅത്ത് പള്ളിയിലും കബറടക്കി. ഇരുവരുടെയും വേര്പാടില് കണ്ണീര്ക്കയത്തിലായി നാട്.
a
https://www.facebook.com/Malayalivartha
