സോഷ്യൽ മീഡിയയിലൂടെ മലയാളികൾക്ക് പരിചിതരായ ദമ്പതികളാണ് ഷഹാന പ്രണവ്. ആക്സിഡന്റ് പറ്റി ശരീരം തളർന്നു കിടന്ന പ്രണവിനെ സ്വന്തം ജീവിതപങ്കാളിയായി സ്വീകരിച്ചു താങ്ങായി എത്തിയ ഷഹാനയും മലയാളികൾക്ക് എന്നും പ്രചോദനമാണ്. ഇപ്പോൾ ഇതാ കഴിഞ്ഞ ദിവസം സോഷ്യൽ മീഡിയയിലൂടെ ശസ്ത്രക്രിയ ഉണ്ടെന്ന കാര്യം അറിയിച്ചിരുന്നു. ആ ശസ്ത്രക്രിയ വിജയകരമായി പൂർത്തീകരിക്കപ്പെട്ടിരിക്കുന്നു എന്ന സന്തോഷവാർത്ത പ്രണവ് തന്റെ സോഷ്യൽ മീഡിയ അക്കൗണ്ടിലൂടെ അറിയിച്ചിരിക്കുകയാണ് പ്രണവ് ഫേസ്ബുക്കിൽ പങ്കുവെച്ച കുറുപ്പിന്റെ പൂർണ്ണരൂപം ഇങ്ങനെ;

ചങ്കുകളെ, എന്റെ ആദ്യ രണ്ട് ഓപ്പറേഷനും സക്സസ് ആയി. ഇനി ഇൻഫെക്ഷൻ വരാതെ ശ്രദ്ധിക്കണം. അതൊക്കെ ക്ലീയർ ആയതിന് ശേഷമാണ് മൂന്നാമത്തെ ഓപ്പറേഷൻ നടത്തുക. കഴുത്തിലിട്ട പ്ലേറ്റിന്റെ സ്ക്രൂ കൊണ്ട് ഉണ്ടായ അന്നനാളത്തിലെയും, ശ്വാസനാളത്തിലേയും ഹോൾ അടക്കുക എന്നതാണ് ഡോക്ടർമാരുടെ അടുത്ത ദൗത്യം. അത് ഇത്തിരി മേജർ ഓപ്പറേഷൻ ആയത്കൊണ്ട് തന്നെ സമയം എടുക്കുമെന്നാണ് ഡോക്ടർ പറഞ്ഞത് .

നാളെ ചിലപ്പോൾ ഡിസ്ചാർജ് ആവും ട്ടാ. ഇനി ഇതൊക്കെ ഉണങ്ങി കഴിയുമ്പോഴാണ് ചെക്കപ്പിന് വരാൻ പറഞ്ഞിരിക്കുന്നത്.... എനിക്ക് ഇപ്പോൾ വല്ലാത്ത സന്തോഷം ഉണ്ട്. അതിന് കാരണക്കാർ എന്നെ സഹായിച്ച എനിക്ക് വേണ്ടി പ്രാർത്ഥിച്ച നിങ്ങൾ ഒരോരുത്തരുമാണ്. നന്ദി ഉണ്ട് ഒരുപാട്...
ഒരുപാട് സ്നേഹത്തോടെ നിങ്ങളുടെ സ്വന്തം പ്രണവ് ഷഹാന
എന്നും സ്നേഹം മാത്രം