കോഴിക്കോട് കക്കയം ഡാമിന്റെ ഷട്ടറുകള് വീണ്ടും ഉയര്ത്തും... ജലനിരപ്പ് ഉയര്ന്നതിനെത്തുടര്ന്നാണ് ഡാമിന്റെ ഷട്ടറുകള് ഉയര്ത്തുന്നത്, രണ്ട് ഷട്ടറുകള് 10 സെന്റിമീറ്റര് വീതമാണ് തുറക്കുക
കോഴിക്കോട് കക്കയം ഡാമിന്റെ ഷട്ടറുകള് വീണ്ടും ഉയര്ത്തും. ജലനിരപ്പ് ഉയര്ന്നതിനെത്തുടര്ന്നാണ് ഡാമിന്റെ ഷട്ടറുകള് ഉയര്ത്തുന്നത്. രണ്ട് ഷട്ടറുകള് 10 സെന്റിമീറ്റര് വീതമാണ് തുറക്കുക.
പുഴയില് രണ്ടര അടി വരെ വെള്ളം ഉയരാന് സാധ്യതയുള്ളതിനാല് കുറ്റ്യാടി പുഴയുടെ ഇരുകരകളിലും താമസിക്കുന്നവര് ജാഗ്രത പുലര്ത്തണമെന്നാണ് അധികൃതരുടെ നിര്ദേശം. കനത്ത മഴയെ തുടര്ന്ന് ജലനിരപ്പ് ഉയര്ന്ന സാഹചര്യത്തില് കഴിഞ്ഞദിവസം കക്കയം ഡാമിന്റെ ഷട്ടറുകള് തുറന്നിരുന്നു.
ഷട്ടറുകള് 5 സെന്റീമീറ്റര് ഉയര്ത്തി ജലം പുറത്തേക്ക് ഒഴുക്കി കളഞ്ഞിരുന്നു. എന്നാല് മഴ കുറഞ്ഞതിനെ തുടര്ന്ന് വീണ്ടും ഷട്ടറുകള് അടച്ചിരുന്നു.
അതേസമയം സംസ്ഥാനത്ത് കാലവര്ഷം. കൂടുതല് കരുത്താര്ജിക്കുന്നു. കര്ണാടക തീരംവരെ നിലനിന്ന ന്യൂനമര്ദ പാത്തി തെക്കന് മഹാരാഷ്ട്ര തീരം മുതല് വടക്കന് കേരള തീരംവരെ വ്യാപിച്ചതും ആന്ധ്രാ-ഒഡീഷ തീരത്തിനു മുകളില് രൂപപ്പെട്ട ചക്രവാതച്ചുഴിയുമാണ് കാലവര്ഷക്കാറ്റിന്റെ ശക്തി കൂട്ടിയത്.
ഇതോടെ വരും ദിവസങ്ങളിലും സംസ്ഥാനത്ത് കാലവര്ഷം ശക്തിയായി തുടരുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. അടുത്ത നാലു ദിവസം കൂടി സംസ്ഥാനത്ത് ഒറ്റപ്പെട്ട പ്രദേശങ്ങളില് കനത്ത മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം
തിരുവനന്തപുരം, കൊല്ലം, പത്തനംതിട്ട, പാലക്കാട് ഒഴികെയുള്ള ജില്ലകളില് നാളെയും തിങ്കളാഴ്ചയും കോട്ടയം, ഇടുക്കി, കോഴിക്കോട്, കണ്ണൂര്, കാസര്ഗോഡ് ജില്ലകളില് ചൊവ്വാഴ്ചയും യെല്ലോ അലര്ട്ട് പ്രഖ്യാപിച്ചു. ചൊവ്വാഴ്ച വരെ കേരള, കര്ണാടക തീരത്തും ലക്ഷദ്വീപ് ഭാഗത്തും കാറ്റിന്റെ വേഗം ചില അവസരങ്ങളില് മണിക്കൂറില് 65 കിലോമീറ്റര് വരെ ആകാന് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്നും കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പുണ്ട്.
https://www.facebook.com/Malayalivartha
